ایل تزه لندی!، İl Təzələndi

بـایـرام یئلی اسـدی، گولعـزاریـم تـزه لندی

           شـادلیق گتیـرن خلقـه بـاهـاریم تـزه لندی

هر ایل بو گونو بـایـرام ائـدیـر خلقیمیز آزاد

              تـاریخلـره ثبت اولدو، وقـاریـم تـزه لنـدی

گولشنده آچیب گول، ائله ییر عالمی خوشحال

            عشق اهلینه خوش نغمـه لی تـاریـم تـزه لنـدی

قیزلار بورونوب آل قومـاشـا عشوه، نـازایلـه

                  کؤنلوم سئوه ن عاشیق، دئیـه یـاریـم تـزه لنـدی

ائللر    گئیینلر  فخر لباسین بئله گونده

                         هفت سین دوزولن نقـشِ نیگـاریـم تـزه لنـدی

  واحـد یـازاجاق مملکته، ملّته تبریک

                            ایل دؤندو، فلـک دونـدو، دیـاریـم تـزه لنـدی

علی آقا واحد

اینجه صنعت عضوو!، İncə Sən'ət Üzvü

ای گول نه اینجه سن،نـه گـؤزه لـدیـر طبیعتیـن

سن گولمه یینجه بیل اوزو گـولمـز حقیقتیـن

بیر کیمسه وارمی، خاطرینی توتماسین عزیـز؟

سـن بیـر سئـویملـی دلبـریسـن بـو جمعیتیـن

ائللر کمالینیـن، گـؤزه لیـم،حسـرتیـن چکیـر

یوخ بیر کـؤنـول کـی، اولمـایـا اونـدا محبتیـن

وجدانین اینجه، مسلک و آمالیـن اینجـه دیـر

یوکسلمیش اینجه لیکه بوتون شأن و شـؤ کتیـن

خلقین، حکـومتیـن، وطنیـن ایستـه ییـر سنـی

سن ده بیر عضووسن، گؤزه لیم، اینجه صنعتین

تحسینـه وار لیـاقتیـن، ای صحنــه خــادمــی

عؤمرونده آز دئییل وطنـه، خـالقـا خـدمتیـن

شاهلا مبارز اولدون عرب زنگـی لیکـده سـن

چون لیلی تئللی لر یارادیـب فیـض و قـدرتیـن

یئتدیـن سـه اللـی سینّینـه خـالـق آرزو ائـدیـر

یـوزدن زیـاده عـؤمــرو اولایــدی حقیقتیــن

ایتمز بو زحمتین گله جک شانلی نسل اوچون

تـاریخـی یـادگـار اولاجـاق حـق و زحمتیــن

هر ساحه ده نه خدمتین اولمـوشسـا صحنـه ده

ان مــاهیــرانــه اولمــوش اونــا نــائیلیتیـــن

نغمه نله، خوش سسینله صفالاندی صحنه میـز

بـولبـوللـریـن نفـوذونـو یـوکسلتـدی همتیـن

واحد، بو حؤرمته، بو بـؤیـوک فخـر و قیمتـه

سن ده تشکر ائت کـی، اولا، بلکـه، قیسمتیـن

علی آقا واحد

آدمسن اگر، Adəmsən Əgər

ای گـؤزوم، عـالــم ِ انســانلیغــا محــرم ســن ا گــر

سـاکیـت اول مجلیـس ِ میخـانــه ده، آدمســن ا گــر

عــرفــا اهلــی اوچــون مجلیــس ِ مئـــی جنّتـــدر

قـویمـا بـو بــزمــه قــدم، اهــل ِ جهنــم ســن ا گــر

مئی ایچیب، سرخوش اولوب، اؤزگه نی تحقیر ائله مه

سـن اؤز اطـوارینـی تحقیـر ائلـه، سـرسـم سـن ا گـر!

اؤلچودن خارجـه چیخمـا، ییخـار آخـر سنـی مئـی

توت الیم کی، هامـودان ایچکیـده محکـم سـن ا گـر

مسـت و مـدهـوش زامـانینــدا بیــر آیینــه یــه بــاخ

اؤزون اؤز عکسینـی تصـویـر ائلـه اعلــم ســن ا گــر

گور، سنی باده نـه حـالـه سـالیـب، ای خـانـه خـراب

آغـلا اؤز حـالینـه بیـر دم، نــولا، خُــرّم ســن ا گــر

حئیفدیر باده یه صرف ائتدیگیـن اول شـانلـی حیـات

بیلّیک اوغروندا اونی صرف ائلـه، حـاتـم سـن ا گـر!

مبتــلادیــر بــو بــلایـــه، دئمـــه، واحـــد اؤزوده

اونــودا علــم ایلــه تشــویــق ائلــه، آدم ســن ا گــر

علی آقا واحد

یئنه وار می؟، Yenə Varmi

ای گـول، سنـه دونیــادا بــرابــر یئنــه وار مــی؟

سنـدن ده گـؤزه ل سئـوگیلـی دلبـر یئنـه وار مـی؟

گـولـزارِ جـاهـانـدا، گـؤره سـن، سنـدن عــلاوه

ان اینجـه، لطـافتلــی گــولِ تــر یئنــه وار مــی؟

قان تؤ کمگه چوخ ماهیـر ایـدی گـؤزلـریـن اوّل

اول فتنـه لـی گـؤزلـرده او شـا کـر یئنـه وار مـی؟

بـولبـوللـری مـن تــک کتیــرن شــوره چمنــده

بیـر بـولبــولِ شیــدا منــه بنــزر یئنــه وار مــی؟

یـوز عـاشیقـی بیـر رمـزلــه مجنــون ائلــه ینلــر

اول لیلـی مـلاحتــی گــؤزه لــر یئنــه وار مــی؟

اؤز عـاشقینـه ظلـم ائـده، بیگـانـه یــه میــن نــاز

بیر سن کیمی بـی رحـم، ستمگـر یئنـه وار مـی؟

سلطـانـلارا، خـاقـانـلارا بـاش ا گمـه یـن اصـلا

درویــش کــرامتلــی قلنـــدر یئنـــه وار مـــی؟

واحد ! هانی یوسیف، هانی سیّار ایله ثاقـب

کیمدن سوراق، اوستادیمیز آذر یئنه وار می؟

علی آقا واحد

نفرت دوشمنه!، Nifrət Düşmənə

ای وطن اؤولادی، بیر آن وئرمـه فـرصـت دوشمنـه

قهرمـان ضـربـه نلـه گـؤستـر درس ِ عبـرت دوشمنـه

قوی آلوو یاغسین تفنگینـدن، تـوپـونـدان جبهـه ده

ائیلـه اؤز دونیـاسینـی قهــر ایلــه ظلمــت دوشمنــه

سونگوتک سانجیل فاشیستین قلبینه، یار بـاغـرینـی

ضربه اوستدن ضربـه وور خـایـن طبیعـت دوشمنـه!

پارتلاسین قوی هیتلرین آلچـاق بـاشیـدا بـو مبـالار

هـر طـرفــدن وور جســارتلــه خســارت دشمنــه

ییخ، داغیت، یانسین جهنم تک فاشیستین جبهه سی

قسمت اولسون، قویما، بو گلولـزارِ جنّـت دوشمنـه

بیلـدی عـالـم هیتلـریـن خـایـن لیگیـن، ادنـانلغیــن

یاغدیریـر میلیـونـلا دونیـا خلقـی، نفـرت دوشمنـه

حاضریق، واحـد، صـداقتلـه وطـن اوغـرونـدا بیـز

هر زمان گـؤرستـرمگـه قطعـی جسـار ت دوشمنـه!

علی آقا واحد

هوشیار اولان یئره!، Huşyar Olan yerdə

ای نـامـه، تئـز یـئتیـر اؤزونـو یـار اولان یئـره

بولبولدن عرض ِ حال ایله، گولزار اولان یئـره

اؤز نـازنیـن طبیبینــه دیٔ گیــزلــی دردینــی

قـویمـا نیگـاری یـول تـاپـا اغیـار اولان یئــره

بیگـانـه دن چتینـدیـر آییـرمـاق گــؤزه للــری

ممکن دئییل کی، گئتمه یه گول خار اولان یئره

چوخداندیر، آرزو ائدیرم بیـر گـؤره م سیـزی

کـؤنلـوم اوُچـور همیشـه وفــادار اولان یئــره

بیر واخت سن اسیری ایدین نازلی بیر گولـون

هئچ بیر یولون دوشمور او دلـدار اولان یئـره

بـاری وفـاسیـز اولمـا اونـا، سـن وفـالـی اول

هـردن سفـارش ائیلـه او ســردار اولان یئــره

جانان وفاسیز اولسادا، ال چکمک اولمـاییـر

قوُش مئیـل ائـدر همیشـه گـرفتـار اولان یئـره

سن یاز کامال معلمه، بیز عشق مستی ییـک

بیزدن قاچیرسا، گئتسین او هوشیار اولان یئـره

بیر آهو گؤزلو واحدی حئیـران ائـدیـب یئنـه

گلمیـش طبیـب نــازیلــه بیمــار اولان یئــره

علی آقا واحد

اینجه اشعار ایسته سین!، İncə Əş'ar Istəsin

      ای کؤنول، گل راضی اولما، یـاری اغیـار ایستـه سیـن

بولبولو خوار ائیله مه، قـویمـا گـولـو خـار ایستـه سیـن

گون به گون آرتیر گؤزه للر، گؤز گؤرور، کؤنلوم سئویر

سئوگییه بیر اؤلچو یوخ، عاشیق نه میقـدار ایستـه سیـن

نـازنیـن واختینـدا بیلسیـن گـول گـرک اؤز قـدرینــی

قویماسیـن تـر غنچـه نـی هـر اهـل ِ بـازار ایستـه سیـن

گـؤزلـرینـدن غئیـرینـه یـوخ احتیـاجــی عــاشیقیــن

اؤز طبیبینـدن گــرک درمــانــی بیمــار ایستــه سیــن

قدردن نورس جـاوانـلار سـالـدیـرار گـول روخلـری

لکـه سیـز یـاقـوتـو لایقـدیـر خـریــدار ایستــه سیــن

سئوگیلیم وار، ای دئین، بیرسعی قیل کی، هم سنـی

سـن اسیـری اولـدوغـونـو نـازلـی دلـدار ایستـه سیـن

واحدم، ایستکلی معشوقـوم گـؤزه لیـک شعـری دیـر

قوی گلیب ذؤق اهلی مندن اینجـه اشعـار ایستـه سیـن

علی آقا واحد

هر شئیین خریداری گرک!، Hər Şeyin Xiridari Gərəg

ای کؤنول، هـر کسـه اؤز ایستـه دیگـی یـاری گـرک

بولبوله اؤز گولو، اؤز سئـودیگـی گـولـزاری گـرک

یار اوچون عاشیق ائدر ناله نی، بولبول گـون اوچـون

هر شئیین، دوغرو دئمیشلرکـی، خـریـداری گـرک

منـی اغیـار آییـریـب سئــوگیلــی جــانــانیمــدان

مـن دوشـن گـونلـره تـانـریـم سـالا اغیـاری گـرک

مـن کـی اؤز دلبـریمیـن لالـه یـانـاغیــن سئــویــرم

منـه دهـریـن نـه صفـاسـی، نــه چمنــزاری گــرک

منجـه، دونیــادا طبیعــت یئتیــرن بیــر گــؤزه لیــن

زینتـی اولمـاسـادا، دوغــرو، دوز ایلقــاری گــرک

تزه سن، گول کیمی ترسن، سنی هر کیمسـه سئـویـر

گؤزه لیـم، خـالقـا بـاهـاریـن یئنـی نـوبـاری گـرک

همدمین اولسادا گـول چهـره، او بیـر شـرط دئییـل

همی خـاصیتـی گـؤیچـک، همـی رفتـاری گـرک

واحد، ایسترسن ا گر، مجلیسیمیز خوش کئچسیـن

زولفون(( اورتا سئگاهی)) ، پاشانین تاری گرک

علی آقا واحد

کعبه دیر وطن!، Kə'bə dir vətən

آهیم شرری یئتسـه، نـولـور، عـرش ِ بـرینـه

صبر ائتمک الورمی وطنیـن درد سـرینـه؟!

جمشیدِ جمه گؤرکی، زر آخیر نه لر ائتـدی

ای فخر ائلیـه ن صبـح و مسـا سیـم وزرینـه!

بیلمه ز وطنین قدرینی اول کس کی دنیـدیـر

صراف تـانیـر گـؤهـری ئتجـک نظـرینـه

زاهید نه یاتیبسـان، هـامـی ملتلـر اویـانـدی

غافل گؤزون آچ، اوُیمـا جهـالـت سفـرینـه

جنگ گاهدا دشمندن هراس ائیله مز اصـلاً

بیـر مـرد کـی، مغـرور اولا دائـم هنــرینــه

بیـرکعبـهٔ اهـل ِ عـرفـا دیــر وطــن ، ای دل

شأن و شرفی یئتمیـش اونـون عـرشِ بـرینـه

واحددن اؤموب، شعرینه ناقص دئمه زیرا

بی تجربه دور گؤرمه میـش عصـار و قـرینـه

علی آقا واحد

اغیار اویانماسین!، Əğyar Oyanmasin

آهسته، بولبولوم، اوخو، دلدار اویانمـاسیـن!

نازیله یاتمیش اول گولِ بی خار اویـانمـاسیـن!

صبحون زامـانـی دردی جـوشـار بینـوالـریـن

گیزلینده ناله چک، او جفا کار اویـانمـاسیـن!

یوخدور غمیم، اویانسا او گول، آرزوم بـودور

یانسیـن رقیبیـم اودلارا، اغیـار اویـانمـاسیـن!

ای مـاه پـاره لـر، بــو گئجــه یــار گلمــه ییــب

سؤنسون فلکده ثابت و سیّـار، اویـانمـاسیـن!

سوزگون باخشلا یار سئویندیردی کـؤنلـومـو

گؤرجک طبیبینی نئجـه بیمـار اویـانمـاسیـن!

چشمینده فتنه وار او گولـون، احتیـاط ائـدیـن

ممکن دئییل کی، مستِ خطا کار اویانماسین!

واحـد، دئییلـر اینـدی ده میخـانــه لــرده دیــر

اؤز تؤبه سین کی، ائیله دی اینکار اویانماسیـن!

علی آقا واحد

 

یئتمز منیم فریادیما!، Yetməz mənim fəryadima

آه، کیـم هـر گـون یئتـر میـن غـم دلِ نـاشــادیمــا

بیـر گـون اول بـی مهـر مـه یئتمـز منیـم فـریـادیمـا

گولشن ِ عشقینده کؤنلوم قان اولور. غنچـه صفـت

هر زامان کیم، ای گـولِ رعنـا، دوشـرسـن یـادیمـا

بسدیر، ای گردون، منه هیجران غمی، طعن ِ رقیب

سن نه حاجت داش آتیـرسـان خـانـهٔ بـربـادیمـا؟!

یئـل ده ییـب هـر صبحـدم، ائیلـر خمیـده قـامتیـن

هر زمـان ائیلـر حسـد، سـرو اول قـد شمشـادیمـا

قتلیم اوچون دم به دم گـردون جفـا تیغیـن چکیـب

حق اؤزو بیر رحـم وئـرسیـن رحمسیـز جـلادیمـا

کافیرم، وئرسـم ا گـر میخـانـه کـونجـون مسجیـده

عیب یوخـدور، قـوی دئسنلـر کفـر عـالـم آدیمـا

وحدا، بـو شعـری یـاز گـؤنـدر حضـور مـذنبـه

نـولا گـر، اوستـاددیـر او، چکسـه قلـم ایـرادیمـا

علی آقا واحد

یار دل آرام الینه!، Yar dılı aram Əlinə

آلدی مئی جامینی اول یـارِ گـول انـدام الینـه

جان فدا ساقی یه! وئردی او گولون جام الینـه

باده ذؤقون نه بیلیر، کیم کی، خریـدار دئییـل

قویمایین، لعـل ِ گـرانمـایـه دوشـه خـام الینـه

درِ میخـانـه صفـاسیـن نییـه زاهیـد بیلسیـن؟

وئرمه جنّت آچاریـن جـاهیـل ِ بـد نـام الینـه

باده تاریخینی جمشیـدِ جـم ائتمیـش ایجـاد

کی، دوشوبدور بوقـدر کـافـر و اسـلام الینـه

راحتِ روحونو شاد ائتمک اوچون خیّامین

جام توت کی، نئجه آلمیش اونـو خیّـام الینـه

من ده بیر جام ایلـه آرام تـوتـاردیـم، سـاقـی!

گـر یئتیشسـه ایــدی الیــم یــارِ دلارام الینــه

واحد اوچون بو شرف لـذّتِ دونیـایـه ده یـر

یـار ایلـه آلسـا ا گــر بــادهٔ گــول فــام الینــه

 

 علی آقا واحد

هیندویِ خال، Hindüye xal

آرتیـریـر حُسنـونـو گلـدیجــه رخ ِ دلــداره خــط

نئجه خوش اولماز ا گر آغ اوزره اولسـا قـاره خـط

یوخ عجب، توتسا لبین دؤورونو خطیـن مـوُرتـک

مایل اولموش من کیمی اول لعل ِ شکّـر بـاره خـط

خطِ ریحانین روخون دؤورونده گؤرمـوش بـاغبـان

سبزه دن چکمیش، اودور کیم، صفحهٔ گولباره خط

هیندوی خالین منیم تک مهـر سـالمیـش روُیـونـا

کـی، وطنـدن ائتمیـش اول بیچـاره نـی آواره خــط

مهرِ روخسـاریـن تـوتـانـدان اول نیگـارِ مهـوشیـن

ائیله میش زولفو کیمی رؤوشن گونـومـو قـاره خـط

روزِ هیجران عرضِ حال ائتمک سنه ممکن دئییـل

اول جهتدن یازمیشـام کـوُیـونـدا هـر دیـواره خـط

واحدم، عشق آتشیلـه یـانـدی جـانیـم شمـع تـک

ائیله کی، گؤردوم چیخیب اول عارضِ گولناره خط

علی آقا واحد

جمالین پروانه سی!، Cəmalin Pərvanə'si

آتشِ هیجرین ائدیبـدیـر منـی دیـوانـه کیمـی

اولموشام شمـع ِ جمـالیـن ایلـه پـروانـه کیمـی

مرغ ِ دل بند اولوب، ای دلبـرِ عشـاق حـزیـن

گؤرجه گین حالینی روخسارین آرا دانه کیمی

تـؤ کـولـوب گـول اوزونـه طـرهٔ طـراره لـریــن

رشتـهٔ دل اونـا بنـد اولمـادادیـر شـانـه کیمــی

عاشیقِ زارینا رحم ائیله مـه سـن، تـانـری بیلیـر

باش گؤتوررم، گئـده رم سمـتِ بیـابـانـه کیمـی

دلبـرا، واردی رقیـب ایلـه سنیـن مـرحمتیــن

سورگیلان حالیمی بیر دفعـه ده بیگـانـه کیمـی

دولانیـب کعبـهٔ کـویـونــدا نیگــاریــن دایــم

سینـه مـی ائیلـه یــرم آه ایلــه ویــرانــه کیمــی

عشقدن دم ووران عاشیق کئچر اؤز جانینـدان

نئجه واحد وئریب اؤز جانینـی مـردانـه کیمـی

علی آقا واحد

 

قربان دئمیشم، Qurban demişəm

گوزلرین قاره سینـه بیر نئچه قربان دئمیشم

قاشلارین طاقینـه قربان یئرینــه جان دئمیشم

راز پنهانیمی خلق ایچره منیـم فاش ائله دیـن

بی وفا، من کی سنه سریمی پنهان ئیمیشم

خوبلــر جمله گدادیــر سـر کوینــده سنیـن

سنه بو خوبلــر ایچــره مـه تابان دئمیشــم

قاشینا تیغ دیدیـم قانیمی توکمک نه اوچـون؟

توت کی، ظالیم، نولا بوباره ده بهتان دئمیشم

اینجییوب چیخسا سینه مدن یری وار پیکانین

کی، نیچون باغریما گلدیکجه باسوب، جان، دئمیشم

واحدم، قویمایین، ئولدوردی او مهپـاره منی

سهو ائدوب گل اوزونـه مهر درخشان دئمیشم 

 

علی آقا واحد

 

 

اولا!، Ola

ایسته رم من او گولی اؤز گول خندانیم اولا

اودا ئوز کونلونی وئرسین منه جانانیم اولا

تک جانانیله بیر یئرده گونوم خوش گئچسین

آرزو ایله مه رم باغ گلستانیم اولا

قیمییان جانینه عاشق دگیل اؤز یاری ایچون

من فدا ایلیه رم یاریمه مین جانیم اولا

گونده مین یول ائده رم جانیمی قوربان او گؤله

اودا بیر یول دولانیب باشیمه قوربانیم اولا

بو پری چهره لرین بیرجه گؤزل لیک لری وار

سومه رم هئچ بیرین الده اگر امکانیم اولا

نیله ییم کؤنلومه بیر قویماده آسوده اولام

گؤروم ای کاش کی ویران دل سوزانیم اولا

واحد هر شوخه ایناندیم سا وفاسیز چئخدی

بو گؤزل لرله منیم حشرده دیوانیم اولا

 

علی آقا واحد

 

مستانه لر گولسون منه، Məstanə'lər Gülsün mənə

آخر آغلاتدین منی، بیگانه لر گولسون منه

شمع تک یاخدین منی، پروانه لر گولسون منه

منده یالوارام، گوزون یادیله، پیر میکده

ائیله مست ائتسین منی، مستانه لر گولسون منه

پرتو خورشید رویین جام می ایچره گؤروب

آغلارام قوی دوریده پیمانه لر گولسون منه

قورخورام سر دهانین می ایچیب فاش ائیله یم

مست اولام کیم عارف، میخانه لر گولسون منه

باغلا اول زنجیر زولفونه من سرگشته نی

قویما کیم صحرانشین، دیوانه لر گولسون منه

لیلی وش، زولفوندن آیری ایسته رم مجنون اولام

قوی ائشیتسین بو سؤزی، فرزانه لر گولسون منه

ییخا بیلمزدی فلک اولسایدی ییخدی هجر یار

واحدم قوی ساکن ویرانه لر گولسون منه

 

علی آقا واحد

 

قان اولان کونلوم، Qan olan konlüm

گلوبدور تنگه ای ظالم، ستمله قان اولان کونلوم

همیشه باغ وصلینده، گولوب خندان اولان کونلوم

دوشوب مجنون کیمی، صحرایه بیر لیلی فراقیندا

بوتون عاشقلر ایچره، منبع عرفان اولان کونلوم

نه اولدو بیلمه دیم دوشدو، جدا گولزار کویوندان

همیشه خوان وصلین بزمینه، مهمان اولان کونلوم

کیمه بیلمم، گئدیب اظهار قیلسین محنت عشقین

دؤنوبدور قانه هجرینده غمی پنهان اولان کونلوم

نه چاره ائیله سین، بیلمم خلاص ائتسین اوزون غمدن

اسیر محنت و پا بسته هجران اولان کونلوم

اولورمی بیر زمان خرم، یئتیشسه وصل جانانه

غم هجرینله افغانلار چکیب، گریان اولان کونلوم

منم فرهاد! عصرین سئودیگی {واحد} گوزللر دیر

اودور کی لاله داغین گؤستریر، ویران اولان کونلوم

علی آقا واحد

سرو نازه وئریب، Sərv Nazə verib

بوتون گوزللیگی تانریم او سرو نازه وئریب

او هر نه ائتسه طبیعت اونا ایجازه وئریب

اول آهو گؤزلو گؤرخورام منی خطایه سالا

کی، فیتنه سیله چوخ عاشیقلری گودازه وئریب

اَییلدی سجده یه، محراب گؤردو قاشلارینی

اودور کی، اهل ریا مئیلینی نمازه وئریب

گولردی قیرخ گوزل عشقیله، آغلایاردی خزر

همین او ذوق صفانی کره آرازه وئریب

جمال یوسیفه جاه و جلال محموده

کمالی معرفتی سرّی وار ایازه وئریب

گوزللیک عالمینین شهریاری دیر بو پری

بونا بو سلطنت حسنی ایندی تازه وئریب

بو فخریمیز بیزه واحد بؤیوک سعادتدیر

زمانه، ثروت آغیر یوکدور، آنلامازه وئریب

 

علی آقا واحد

 

شانه دولانسین، Şanə dolansin

زولفونده نه لازیم، گؤزلیم، شانه دولانسین؟

قویما او حرمخانه نی بیگانه دولانسین

عیب ایله مه، کویوندا دولانسام گئجه گوندوز

شمعین گرک اطرافینه پروانه دولانسین

ساقی دولانیم باشینا مئی جامینی گزدیر

سرمست اولوم، باشیما میخانه دولانسین

اول زولفه کونول وئرمه، دییرلر منه ال چک

اونسوز نئجه بس بو دل دیوانه دولانسین

مجنون نه برابر منه صحرالره قاچدی

عشق اهلی اودور عرصه ده مردانه دولانسین

اغیار ایله اؤز یارینی همدم گؤرن عاشیق

دوشسون او گرک دشت و بیابانه دولانسین

سرخوش لیق ایله عؤمرونی صرف ائیله مه «واحید»

عارف اونا دییرلر کی، حکیمانه دولانسین

 

علی آقا واحد

پشیمان دئیلم، Peşiman deyilim

سئومیشم من سنی، ائی شوخ پشیمان دئییلم

سندن ال چکسم اولونجه اگر،اینسان دئییلم

او وفاسیز کی، سنین له بئله رفتار ائله دی،

من بو ایشدن، گوزه لیم، ذره جه خندان دئییلم

مین اگر دوشمنیم اولسا، او جفا پیشه کیمی،

سنده قورخما، مله ییم، من داها قورخان دئییلم

سئویرم من سنی، بی حد حساب ائتمه منی،

سندن اوزگه گوزه لیم عشقینه قوربان دئییلم

سن منیم له اولاجاقسان، نه قدهر عمروم وار،

سندن اوزگه گوزه ل عشقینده نیگاران دئییلم

منی سندن آییرا، بلکه، اولن واختدا عجل،

واحیدین عاقلی کئسیر هر شئی، نادان دئییلم.

 

علی آقا واحد

وورولمیشام، Vürülmişam

اجازه ویر باخیـــم، ای گــــل، اوقاره گوزلرینــــه

وورولمیشـــام، نه ایدیــــم، آشکاره گوزلرینــــه!

غم ایتمه رم منــی یوز دفعه گونده ئولدوره سن

باخانـــدا بیــــرده دیـریللــم دوباره گوزلرینـــــــه!

جمالین آچما گلـم، قورخورام گوروب اوزونـی

گون اولسون حسنینــــه عاشق، ستاره گوزلرینـــه!

اولایدی قسمــــت، ئوپه یدیــــم او نازک اللرینی

اورکـــدن ایله میشــــم استخاره گوزلرینــــــــه!

کمنـــد آه ایلـــــه صیادلـــــــر دالینجـــــا دوشــــر

بو ناز ایلـــــه اگر ایتســــــه ن اشاره گوزلرینــه!

گوزوم گوتورمییـر، اغیارلــر باخانــــدا سنـــــه

بیر آیـــری گوزلـــــه ایدیرلـر نظاره گوزلرینــه!

شکستــــه واحده اولماز طبیــــب لردن عــــــلاج

قالوبدور اینـــــدی سنین بیرجه چاره گوزلرینه!

 

علی آقا واحد

عدودن قورخماریق، Ədudən Qorxmariq

بیــزی مردانــه دوغمشـــدر طبیعــت ابتدا سینـــدان

عدونیــن قورخماریق قانلار توکـن نوک جداسیندان

ئولونجه شکوه یه دیل آچماریق اعدای بی رحمین

اگـر یوز یــول کسیلسـه باشیمیـز تیــغ جفاسینــدان

عدولـــر باغرینـــی چاتلاتمیشیق میدان حرب ایچــره

بیز اول فاتحلریـــک حقین ظفرپرور صدا سینــــــدن

شرار تیــــغ میزدن هر زمان دشمـــن فرار ایتمیــش

قاچار خفاش بـــد طینت نیجـــه شمسین ضیا سینـدان

شهیــــد اولمـاق فقط حریــــت اوغروندا سعادتـــــدر

اسارتلـــه حیاتیـن بی ثمر ذوق و صفــا سینـــــــــدان

سه ورسه ک کاوه تک آزاده لیــــک، مظلوم دنیانی

خلاص ایتمک گره ک ضخاک عصرین هر بلا سیندان

اگر مظلومـــی قورتارماقسا مقصـــد ظلم ظالمدن

گره ک بالمره ییخماق قلعه ی ظلمی بنا سیندان... 

 

علی آقا واحد

شیونی نیلر!، Şivəni Neylər

چشمین کی آلیر ناز ایلــــه جان، شیونــــی نیلـــر؟

مژگانیــــن اوخونــــدان ییخلان شیونـــی نیلــــر؟!

ســــرو چمنــــــه قامتیـــــن افتاده ســـــی باخماز،

محتـــاج تماشای رخیـــــن گلشنـــــــــی نیلــــــــر!

سن جور ایلــــه من یالواریم حقـــه، سن اینانمــا

تانریم، گورگ آخــــر، سنـــــی نیلـــــر، منی نیلر!

دفن ایله مه، اولســام ســــر کوینــــده شهیــدیـــن،

عریـان گـــرگ عاشـــق، کفنــــی، مدفنـــی نیلـــــر!

جــان و تنـــــی نــــذر ایلــــه میشــــم راه وفـا ده

یاریــن ســه ون عاشـــق داخــی جان و تنــــی نیلر!

غم پیرهنیـــن سیـــل سرشک ایچـــره بوراخدیــم

گردابـــــده غـرق اولسا گمـــــی، یلکنــــــی نیلــر!

ئوز دوستی کی، مین جـور ایله دی واحده، گیتی

قیل اینـدی تصــــــور اونـا، گـــور دشمنـــی نیلــر!

 

علی آقا واحد

نازلی باخیشلار، Nazli Baxişlar

او اینجه، نازلــی باخیشلار، او آتشیــن گوزلـر

حزین- حزین نه باخیر، سانکی عاشیقیـن گوزلر

سنین کیمی، گوزه لیم، نازنین گوزه ل چوخـدور

که یوخدور هیچ بیریسینــده بو نازنین گوزلـر

سنیـن او گوزلرینــی بیرجه یول گوره ن عاشق،

اینان کی، سویله یه جک یوز یول «آفرین گوزلر!»

سورولسامنـدن، اسیــر ایلیه ن کیم اولدی سنی،

باخوب بو گوزلره عرض ایله رم: «همین گوزلـر»

وفالی اولماسا بیر گون ده، چوخ گمان، دوزمــه ز

وفالـــی اولسا، یوز ایل عاشیقیــن یقین گوزلــر

همیشــه شاد اولــورام انتظار وصلیــن ایلـــه

نئجــه کی بیــر تازه داماد اولان گلیــن گوزلــر

من ئوز نگاریمــی، عیب ایتمه، گوزله سه م، واحد

کی بلبل ئوز گلینــی، عاشــق همدمیـــن گوزلـر

 

علی آقا واحد

موسیقی، Musiqi

موسیقی نشئه سی مین سوگیلی جانانه دگر

اثر ناله نی عارف ایچون جانه دگر

موسیقی اهلینه انصاف ایله قیمت قویماق

لحن داود ایله مین تخت سلیمانه دگر

بیخبرلر نه بیلیر لهجه خواننده نه دیر

اهل حال اولسا، بو سؤز قدرده میلیانه دگر

پرده غم داغیلیر تاره دگنده مضراب

طره دلبره هردم نئجه کی شانه دگر

موسیقیله اولار هر خسته یه عالمده علاج

بو طبابت نئچه مین چاره لقمانه دگر

بیزه بو علم حرام اولموش ایدی کئچمیشده

یعنی شیطان ایشی دیر، رخنه سی ایمانه دگر

یاشاشین قرمزی شهرتلی وطن قانونی

بوسخاوت نئچه مین حاتم دورانه دگر

قیلدی هر یئرده بنا موسیقی مکتب لرینی

نغمه نین فایده سی ایندی هر انسانه دگر

خلقیمیز موسیقی علمین اوخویور مین لر جه

ئولکه میزچون بو شرف مهر درخشانه دگر

موسیقیله منی دفن ایله سه لر واحد اگر

قبریمین تورپاغی مین روضه رضوانه دگر

 

علی آقا واحد

 

جاذبه لر، Cazibə'lər

کیمده واردیر گؤزلیم سنده اولان جاذبه لر

سنه دنیاده مگر عاشق اولاندا غم ائلر؟

بس دیر اولدورمه یه جکسن گؤزلیم دنیانی

هر یوزی گؤیچک اولا ندا بوقدر چم خم ائلر

اینجیمه گؤز یاشیم آخسا سنی گؤردوکده گولوم

گول آچیل دیکده باهار فصلی بولود شبنم ائلر

ناز و غمزه ن، یئریشین، شوخ باخئشین عالم دیر

بیرده زولفون اوزه توکسؤن اودا بیر عالم ائلر

حیف سن گزمه یاراشماز سنه بیگانه ایله

او آچیب سرینی دونیایه سنی محرم ائلر

واحدم عمرومو من عشقیله صرف ایله میشم

عشق یا اؤلدورر آخیر یا منی آدم ائلر

 

علی آقا واحد

بو غصه دن اولدی، Bu qüssədən oldü

ای گول، سنی آخر، بیلیرم اویره دن اولدو

سالدین منی هیجرانه، بو بیلمم، نه دن اولدو؟

دوزدوم نه قده ر زحمته، هر نازینی چکدیم

کونلوم غمی- عشقینله اسیرئ- محن اولدو

سن بویله وفاسیزدا دئییل دین، بیلیرم من

ظنیمجه، سنی بو ایشه تحریک ائدن اولدو

رسوایئ- جاهان ائیله دین آخر منی، گئتدین

ایندی منه بیگانه گلیب طعنه زن اولدو

بیر واخت پیشیمان اولاجاقسان بو عمل دن

سندن بو ایشین، بلکه حسابین چکه ن اولدو

گزدین، گوزلیم، غیرایله، من دردینی چکدیم

گلدی نه بلا باشیما، بو غصه دن اولدو

واحید او گولون وصلینه بیگانه یئتیشدی

دردین چکه ن عالمده بیر آنجاق حسن اولدو

علی آقا واحد

ائیله دی آواره منی، Eylədi avarə məni

سالدی هیجران اودونا اول بت مه پاره منی

ائیله دی زولفوتک هیجرینده گونو قاره منی

درد طغیانیمه بیجا یئره زحمت چکمه

تاری شاهددی طبیب اؤلدورو بو یاره منی

قیلدی کونلوم قوشونو حلقه زولفونده اسیر

وار خیالی چکه منصور کیمی داره منی

سرکویوندا وطن قیلمیش ایدیم دیلدارین

اوزدو وصلیندن الیم ائیله دی آواره منی

من تک عالمده غم و درده گرفتار اولسون

کیم کی حسرت قویوب اول مهوش دلداره منی

سن بو حسنیله زلیخای جهانسان ای مه

نولا عشقین چکه یوسف کیمی بازاره منی

واحدا زولف نیگاریم اینجه لدی تنیم

کیم گؤرو بنزه دیر اول زولفده بیر تاره منی

علی آقا واحد

صولح اولماسا، Sülh olmasa

گول منی سن ایسته سن عومروم هدر اولماز

صلح اولماسا، اولاد وطن بخته ور اولماز

آزاده لیقی، صولحی سئویلر بیزیم ائللر

بیر یئرده کی، صولح اولسا، او یئرده ضرر اولماز

اودلار وطنین نازلی گوزه للر بورویوبدور

ائللرده مثل وارکی، گوزل سیز شهر اولماز

آهیم اودو بلکه ائله سین قلبینه تاثیر

نیسان سویونو ایچمه یه داشدان گهر اولماز

هیجران گئجه سی، من چکنی چکمه سین اغیار

ظننیم جه قیامت گونو بوندان بتر اولماز

زولفون اوزونو توتسادا، گویچک لیگین آرتیر

ظلمت گئجه لر اولماسا آیدین سحر اولماز

واحد سنه، غم چکمه رقابت ائدن اولسا

مین گول قووشا بیر یئره، بحر خزر اولماز

علی آقا واحد