ایل تزه لندی!، İl Təzələndi

بـایـرام یئلی اسـدی، گولعـزاریـم تـزه لندی

           شـادلیق گتیـرن خلقـه بـاهـاریم تـزه لندی

هر ایل بو گونو بـایـرام ائـدیـر خلقیمیز آزاد

              تـاریخلـره ثبت اولدو، وقـاریـم تـزه لنـدی

گولشنده آچیب گول، ائله ییر عالمی خوشحال

            عشق اهلینه خوش نغمـه لی تـاریـم تـزه لنـدی

قیزلار بورونوب آل قومـاشـا عشوه، نـازایلـه

                  کؤنلوم سئوه ن عاشیق، دئیـه یـاریـم تـزه لنـدی

ائللر    گئیینلر  فخر لباسین بئله گونده

                         هفت سین دوزولن نقـشِ نیگـاریـم تـزه لنـدی

  واحـد یـازاجاق مملکته، ملّته تبریک

                            ایل دؤندو، فلـک دونـدو، دیـاریـم تـزه لنـدی

علی آقا واحد

باهار، Bahar

بهار اولدي گل اي دلبر تماشا قيل بو گلزاره

                                            بوراخدي غنچه لر پرده، بشارت بولبول زاره 

شقايق پرده دن چيخدي بوياندي باغ ايله بستان

                                         ايرشدي گلشني حسنون بوياندي رنگ ازهاره

مني منع ائتمه اي زاهد، گوونمه ذكره اي صوفي

                                             كي سن مغرورسان ذكره منم مشتاق ديداره

كي هر بلهم اضل بيلمز ندور كي عشقين احوالي

                                                 ايرشمز قاصرين عقلي بو مغلق سر اسراره

عبير و مشك وعنبر تك رياحين دن چمن دولدو

                                           سحرده طعن ائده ر ساچون نسين مشك تاتاره

كي چيخدي غنچه دن سنبل گريبان چاك ائده ر من تك

                                       دليندي غصه دن باغريم، سن ائتمه اوره گيم پاره

چمنلر مختلف اولدي هزار الوان چيچك لردن

                             آچيلدي نرگس و لاله و نسرين، شكوفه گلدي اشجاره

آچيلدي نرگس ولاله توتوبدور ياسمن چادر

                                             سؤيودلر ارغوان تيتره ر، قميشلر يئتدي انهاره

بنفشه گول تماشاسي غنيمت بيل كي بئش گوندور

                                        ساتار معشوقه گول حسنون خريدار اول بو بازاره

ييغيلدي جانينا جاني، دمي عيسي نسيمي نين

                                                    وصال دردينه درمان ايرشدي جان بيماره

سید عمادالدین نسیمی

بایرام خانیم، Bayam Xanim

سنی تاری بایرام خانیم

راضی اولما من اوتانیم

بایرام دا یوخدور تومانیم

گئت تبریزه ، گلمه بیزه

من ده یوخ حوصله بایرام !

الیم بوشدور هله بایرام !

شیل اولاسان بئله بایرام

گئت تبریزه ، گلمه بیزه

بایرام اگر گلسن بیزه

بیر شال گتیر قارا قیزه

گتیرمه سن ، گت تبریزه

گلمه بیزه ،  گلمه بیزه

گلسن بیزه آغام جانی

باشین یاررام ، آخار قانی

اوغلانین یوخدور تومانی

گئت تبریزه ، گلمه بیزه

گؤرسن آخیر چرشنبه نی

سؤیله اینجتمه سین منی

پلووون یوخ یاغی – دنی

گئت تبریزه ، گلمه بیزه

ساققیزی سالمیشام انگه

اوغلان گتدی منی تنگه

پول یوخدور وئرم فیشنگه

گئت تبریزه ، گلمه بیزه

بایرام ! واللاه یوخدور ناریم

یاری گورمه یه آپاریم

نار وئرمه سم ، کوسر یاریم

گئت تبریزه ، گلمه بیزه

وارلی یئییر یاغلی چیلوو

یوخسول چکر ، غصه – خینوو

بیزده یوخدور ، خوروز پیلوو

گئت تبریزه ، گلمه بیزه

یوخسول مین درده توش اولار

منی ایچمه دن سرخوش اولار

تبریز حالواسی خوش اولار

گئت تبریزه ، گلمه بیزه

معجز شبستری

گلدی بهار ایامی، Gəldi Bahar Əyyami

موژده ای دیل یئنه ده گلدی بهار ایامی

گتیریر باد صبا بولوبل اوچون پیغامی

آچیلیب گولشن گول، عطری توتوبدیر چمنی

         وجده گلمیش بو کونول، یوخدی دخی آرامی

بیر طرف پیر و جواندیر، بو طرفده من زار

    نه گوزه ل بزمدی بو، ساقی دولاندیر جامی

قاریشیبدیر تاریلا هم یئنه لحن نئی و نای

       نعشه ی موسیقیدن مست دوشوبدور هامی

خبر آلدیم نئچه کئسدن کی نه هنگامه دی بو؟

    دئدیلر بیر نظر ائت، گوردوم او گول اندامی

بیر الینده مئی گولرنگ،بیر الینده گول تر

مات مبهوت ائلییر گورسه عومر خیامی

قامتین، خال و خطین، ذیکیرلرین ائتدییجه

   گونی گوندن حاجی نین یاخشیلاشیر ایلهامی

حاج سید عظیم شیروانی

باغرینه قان ائتمه!، Bağrinə Qan Etmə

((مجنـونـا دئیـن یـوخـدور: ای عـاشیـقِ بیچـاره
لیلـی لـه نـه کـاریـن وار، قـویسـون سنـی آواره))؟
عشـق عـالمـی عشـاقــه بیــر وادیِ محنتــدیــر
فرهادی سالوب داغـه، منصـوری چکـوب داره
پـایـانِ غـم ِ عشقـی تفسیــره نــه حــاجــت وار
گـؤر، بیـر نئجـه پـروانـه شـؤق ایلـه یـانـار نــاره؟
دنیـا او قـدر لیلـی، مجنــون یئتیــروبــدورکــی
سـایسـان، نـه قـدر گـو گـده وار ثـابـت و سیّـاره
هر لالـه رخ عشقینـده اؤز بـاغـرینـی قـان ائتمـه!
هر دردی چکیر بولبول، گول قسمت اولار خاره
بـی مهـر گــؤزه للــردن عــالمــده وفــا اوُممــا
مئیلیـن سـالاجـاق بـونـلار آخــر یئنــه اغیــاره
واحد! بیز اؤلـوب گئتـدیـک، مهـرایلـه،محبتلـه
دونیا دؤنـه جـک بیـر گـون بیـر صحنـه ٔ گلـزاره!

علی آقا واحد

پروانه دئییلمیش، Pərvanə Deyilmiş

مجنــون هلــه ده عشقــده دیــوانــه دئییلمیــش

لیلـی او زامـانــلار اونــا جــانــانــه دئییلمیــش

مجنــونــوگــرفتــارِ غــم ِ عشــق ائلــه یـــن وار

دیــوانــه دئیــن لــر اونــا فــرزانــه دئییلمیـــش

چوخ فرقی وار، عارف دوشونر عقل ایله عشقین

عشـق اهلـی کمـال اهلینـه همخـانــه دئییلمیــش

پـروانـه یـانیـر شـؤق جمــالینــلا، ســانیــردیــم

اؤز کؤنلوم ایمیش هـر گئجـه، پـروانـه دئییلمیـش

زولفـونـده گـزن شـانـه نــی بیگــانــه بیلیــردیــم

او، محـرم ایمیـش کـؤنلـومـه، بیگـانـه دئییلمیـش

پیـریمـدن ائشیتـدیکــده خــرابــاتــی ِ عشقــی

اؤیـرنـدیـم او گنجینـه نــی، ویــرانــه دئییلمیــش

وار عذرو، ا گر سئومـه سـه عشـق اهلینـی زاهیـد

معـذوردور، اونـون طبعـی ظـریفـانـه دئییلمیــش

البتـه، حقیقـت چیخــاجــاق ظــاهیــره، واحــد

بیـر ایـش تـاپ، اونـون اوّلـی افسـانـه دئییلمیـش

علی آقا واحد

یار اه یله شیب، Yar Əyləşib

مجلیـس اغیـارده گـؤردوم کـی، دون یـار اه یلــه شیــب
سانکـی عقـرب بـورجـونـه اول مـاه مـه وار اه یلــه شیــب
دام زولفیلــه منــی بنــد ائیلــدی اول شـــوخ شنـــگ
من خیال ائتدم کی، سروه سارمـاشیـب مـار اه یلــه شیــب
سـؤیلـه دیـم، آخیـر، اسیـرم زولفـونـه، ای تـازه گــول
دینمه عاشیق، سؤیلهدی، گولشنده چون خار اه یلــه شیــب
چکمـه، مشـاطـه، نیگـاریـن زولفـونـه، اول شـانـه نــی
هر تئلینـده چـون اونـون، میـن عـاشیـق زار اه یلــه شیــب
واحــدا، چکمــه آیــاق هـــرگـــز در میخـــانـــه دن
مست اولانلار، قوی اونو گؤرسونلر، هوشیار اه یلــه شیــب

علی آقا واحد

ماییل زولفونم!، Mayil e Zülfünəm

ماییل زولفونم ای مـه، کـؤنلـوم اولمـوش تیـره

منــی دیــوانــه لیگیــم ســالــدی یئنــه زنجیــره

ابـر تـک زولـف تـوتـوب مـاهِ جمـالیـن دؤورون

آی توتولجاق، بلی، عادتدیـر، اولـور شـب تیـره

آهـو گـؤزلـوم یئنـه بیـر دام قـوروب زولفـونــدن

ســانکــی صیــاد قــوروب دام ِ بــلا نخجیـــره

خالدیرمی او ایکـی قـاشیـن آراسینـدا دوشـوب

یـا کـی، هنـدوبچـه دیـرمـی ال آتیـب شمشیـره؟

عهد قیلمیشدی نیگاریم کـی، تـؤ کـه قـانیمیـزی

بیز کی حسرت چکیریک، سالمیش اؤزو تأخیره

جیوه تک بوتهٔ هیجـرینـده یـانیـب محـو اولـدوم

ائتمــه دی هئـــچ ده اثـــر اول نظـــری اکسیـــره

ایستــرم، یــاره یــازام هیجــرده حــالِ دلیمـــی

واحـدا، نیطـق گلـرمــی بــو چتیــن تحــریــره؟

علی آقا واحد

موسیقی نین قیمتی!، Müsiqinin Qiməti

مئیخانـه مجلسینـده گـره ک صحبـت اولمـاسیـن
بیرکسده صحبت ایلـه مگـه جـرئـت اولمـاسیـن!
صحبت خیلافـدیـر، دئمیـرم، تـرکیـن ائیلـه ییـن
مئی مجیلسینده، جهد ائله یین، غیبت اولماسین!
سرخـوشلیـق ایتمـه، گـؤزلـه مئییـن احتـرامینـی
سالما آیاغـا بـاده نـی، بـی حـرمـت اولمـاسیـن!
مئـی دن مـراد و ذؤق و صفـا آلمــاق ایســه گــر
مئی تک بوساطه ذؤق یئتیر، نفـرت اولمـاسیـن!
ایچـدیکجـه اهـل ِحـالـی ائـدر هـوشیـار مئــی
پـشمـرده لنمـه، قـابـل اوتـور، غفلـت اولمـاسیـن
پیر ِمـوغـان او شخصـه ائـدیـب بـاده نـی حـلال
ذاتینده، شبهه یوخ، کیم، اونون علت اولماسیـن!
سـن آدم اول، ادبلــه مئــی ایــچ، اوُیمــا جنّتــه
کوثر، جهنمـه! سنـه قـوی، قسمـت اولمـاسیـن!
مئی دیر، خلاصه، روحه غـذا، بیـرده مـوسیقـی
بونلاردان اؤزگه عالی گـر ک نعمـت اولمـاسیـن!
ظنیم خطا دئییل کـی، دیسـه م، مـوسیقـی کیمـی
صنعتلر ایچره اینجـه گـر ک صنعـت اولمـاسیـن!
هـر علمـه قیمـت اولـدو ایگیـرمنجـی عصــرده
بیریئرراولورمی، موسیقییـه قیمـت اولمـاسیـن؟!
واحیـد، او ملّـت کـی اونـون مـوسیقیسـی یــوخ
باتسین دا یئرلـی دیبلـی، ائلـه ملّـت اولمـاسیـن!

علی آقا واحد

آهو باخیش!، Ahu Baxiş

مئی دن می قیزارمیش، گؤزه لیم، عارض ِآلیـن؟

یا عکس سالیب ساغره خـورشیـدِ جمـالیـن؟

چیـن ایلـه ختـا چـؤللـرینـی سـالـدی نظــردن

شکین ساچین، آهو باخیشین، هندوی خالین

سن حُسنـده خـورشیـدِ فلکـدن ده گـؤزه لسـن

یـا اه یـری قـاشینـدان نـه یـی آرتیقـدی هـلالیـن

بـالمـره کـؤنـولـدن غـم ِهیجـرانـی اونـوتــدوم
لـذّت وئـریـر عشـق اهلینـه گـولـزارِ وصـالیــن
چوخ نازلی گؤزه للر یئتیـریبـدیـر قـوجـا دونیـا
مینـدن بیـری اولمـاز یئنـه مــاننــد و مثــالیــن
یوخدور سنـه بنـزر، گـؤزه لیـم، بیـر گـولِ رعنـا
گول اوزلولرین توپـلاسـالار جملـه مـاحـالیـن
واحد، یئنه مجنونوسان اول شوخون، ائشیتدیم
بیچاره، سنین ده یـوخ ایمیـش عقـل و کمـالیـن

علی آقا واحد