واحدین نذری!، Vahidin nəzri

اولسا هر کیم، سئوگیلیم، حُسن جمـالیـن قـایلـی

اولمـاز عـالمـده، اینـان گـولـزارِ جنّـت مـایلــی

ایندی کی، رعنا گؤزه للر جان آلیـرمیـش نـازایلـه

بیلمیرم، تانریم نئچین خلق ائیله میش عـزرائیلـی؟

توتدو اول زلـفِ پـریشـان دؤورِ روییـن یـاریمیـن

سان بولـود اولمـوش فلکـده تـازه آییـن حـایلـی

جنّتِ اعلانی سئومـز، حـور و قیلمـان ایستـه مـز

بو پریلـر عشقینیـن هـر کـس کـی، اولسـا نـایلـی

منـدن اکـراه ائیلـه مـه، وصلیــن تمنــا ائیلــه ســم

پادشاهیم رحـم قیـل، قـوومـا قـاپینـدان سـایلـی

مستِ مئی گؤردوکده زاهید طعن ائدیر عاشیقلره

فاعل ِ مختار اولان هر کـاریـن اولمـوش فـاعلـی

کویِ جـانـانـدا یئنـه نـذر ائتـدی واحـد جـانینـی

سانِ مینا داغینـا چکمیشـدی خلیـل اسمـاعیلـی

علی آقا واحد

سایدیم ستاره نی!، Saydim Sitarəni

اولدوم جنون گؤرجه گین اول زولفو قاره نی

سایدیم صباحه تک گؤی اوزونده ستاره نی

بیـر یـاره ووردو سینـه مـه تیـغ ِ قـاشیلـه کیـم

مشکل ساغالدا، گلسه ارسطو، بو یـاره نـی

ای دردِ عشقه چاره ایله حکم ائـدن طبیـب

تدبیرین اولسـا، بـو مـرضـه ائیلـه چـاره نـی

تؤ کدو او یـار صفحـهٔ روخسـاره زولفـونـو

ائتدی غروب، گؤرمه دیـم اول مـاهپـاره نـی

احسن، سـریـرِ حُسنـده اول قـاره خـالـووا

بیر تک دولاندیریر بو قدر گنـج ایـراده نـی

پنهـان اولانـدا چشمـدن اول یـار سیمتــن

بیـر اودلـو آه ایلـن یـاخـارام هـر کنـاره نـی

بیر ذرّه کسسه مهرینـی منـدن اول مـاه ا گـر

آهیـم اودویـلا چـرخـه یئتـرره م شـراره نـی

واحـد، ا گـر چـی یـار کسـه سنـدن الفتیـن

سن جهد قیل کی، دلبـریـن وورمـا آره نـی

علی آقا واحد

واقف معنا!، Vaqif Mə'na

اول دئییل عاشیق کی، من تک عشقده روسوا دئییل

روز و شب مجنون اولوب سر گشتـهٔ صحـرا دئییـل

زاهیـدِ نـادان نـه بیلسـن غنچـه آغـزیـن سیـری ّنــی

سیـرّ ِ حقـی بیلمـز اول کیـم، واقــفِ معنــا دئییــل

بحث ائدر هر گون اوزونله گون، نـه نسبـت وار سنـه

عاریضینده نـورِ حـق سـن تـک اونـون پیـدا دئییـل

آتـشِ آهیـم یئتیـرمـه گـؤیلـره، ای مــه، ســاقیــن

کیم گلیر بیر گون دمـی، تـاثیـر ائـدیـر، بیجـا دئییـل

عشـق ذؤقـون بیلمـه یـن کـس دؤلـتِ دونیـا سئــور

اول کی، عشق ایستر همیشـه، طـالـبِ دونیـا دئییـل

پـایبنــد ائتمیــش منــی زنجیــرِ زولفــه اول پــری

مـن کیمــی مجنــون اسیــری، طــرهٔ لیــلا دئییــل

واحــدی بیلمــه وفــاسیــز عشقــده، ای بیــوفــا

اولمــاییــب دیــر اول رقیبــه آشنــا، ادنــا دئییــل

علی آقا واحد

دیوانه لر ین کمندی!، Divanələr kəməndi

اوقـارا زولـف کـه هـر دم دولاشیـر شـانـه لــره

کـؤستـریـر عشـق کمنـدیــن دلِ دیــوانــه لــره

مهرِ روخسارینی منـدن کسیـب اول مـاه تـامـام

دوشدو فـرصـت یئنـه بـونـدان بئلـه بیگـانـه لـره

یوخسا، ای گول بوقدر بادهٔ ناب ایچمه زایـدیـم

شـؤقِ لعلیـن منـی جلـب ائیلـه دی میخـانـه لـره

قانا دؤنسون، گؤروم ، اول بادهٔ گولگون سنسیز

بیرده، گـر رغبـت ائـدیـم سـاغـر و پیمـانـه لـره

حسرتِ چشم ِ خماریـن، لـبِ لعلیـن هـوسـی

گـؤستـریـرگـوشـهٔ میخـانـه نــی مستــانــه لــره

شؤقِ روخسارین ایلـه اودلارا یـانمـش کـؤنلـوم

اؤیـره دیـب شمعـده یـانمـاقلیغـی پـروانــه لــره

جؤرین آز ائت منه، قورخوم بودو، بیرآه چکیم

بیریانـار اود دوشـه بـاشـدان بـاشـا کـاشـانـه لـره

واحـدم، شـاعیـر آزاده پــرستــم، نــه غمیــم!

قیلماسام رغبـت ا گـر مسجیـده، بـوتخـانـه لـره

علی آقا واحد

کربلای قنبرین اوغلونا نصیحتی، Kərbəlayi qənbərin oğlüna nəsihəti

اوغلوم آتانیـن چخمـا سـوزونـدن کـور اولارسـان

آل وئـردن اوزاقـلاشمـا اینـان دلخـور اولاراســان

یونگولجه دولان بـرک ایشـه گیـرمـه یـورولارسـان

پاپروس ساتان اوغلـوم

سرخوش یاتان اوغلوم

بیـریـرده گئــدیــب ایشلمـــه یــن اینــدی عبثــدر

پـاپـروسـدان اوچـرددن نـه قـازانسـان بیـزه بســدر

میـن مفتـه تــرامــوایــلارا گئــد تینلــری کســدر

پاپروس ساتان اوغلـوم

سرخوش یاتان اوغلوم

بیلـدیـرلـری آل وئـرلـه بـویـوک دولتـه چـاتـدیـم

اوچ آی قیشی هیی قند چای آلیب خلوتی ساتدیم

هر چند بیـر آزجـزئـی گئـدیـب حبسـده یـاتـدیـم

پاپروس ساتان اوغلـوم

سرخوش یاتان اوغلوم

ایندی آ بالام آز قالیـب اون بئـش یـاشیـن اولسـون

بیر مین سنین هر گونده گرک داش بـاشیـن اولسـون

آل وئرچی گـرک الـدن ایـاقـدان مـاشیـن اولسـون

پاپروس ساتان اوغلـوم

سرخوش یاتان اوغلوم

شکر آللها صـانـدیـق دولـوسـی قنـد چـائیـن وار

آرشیـن مـالیـدان گـونـده پـاسـاشلاردا پـائیــن وار

غمه چکمه توتـولسـان نـه دی کـی آلتـی آئیـن وار

پاپروس ساتان اوغلـوم

سرخوش یاتان اوغلوم

گئت چای خانایا ائچ چائی چک نئشه نی حـالـلان

دنـج اولمـا سـاتـاش خلقـه تـرامـوایـلارا سـالـلان

تئز گیر جیبـه گـوردون کـه پلیـس وار یئـره تـولـلان

پاپروس ساتان اوغلـوم

سرخوش یاتان اوغلوم

سـن گئچمیشـه بـاخمـا آتـان اونـدا خـوزئیـن دی

قالسایـدی او مـال دولتیـم هـر گـاه بیـری میـن دی

دولتـده گئـدیـب مـالـدا گئـدیـب نئیلـه یـم اینـدی

پاپروس ساتان اوغلـوم

سرخوش یاتان اوغلوم

عبـرت آل آتــانــدان

مامملی مانـان اوغلـوم

ئولسون آتـان اوغلـوم

سرخوش یاتان اوغلوم

علی آقا واحد

سئوگیلیم، Sevgilim

اوزونده تزه دیر خالین

الینده گوللو دستمالین

آخ، تئز ائله، تئز ائله، تئز ائله

قاش گؤزائله، گؤزائله، گؤزائله،

یولوندا جاندان کئچه رم، سئوگیلیم

آی عزیز جانینا آند ایچه رم، سئوگیلیم!

بولبولم، بوش دولانمارام

جهجهیمدن دایانمارام

بوندان سونرا اینانمارام

هرگؤزه له، گؤزه له، گؤزه له

یولوندا جاندان کئچه رم، سئوگیلیم

آی عزیز جانینا آند ایچه رم، سئوگیلیم!

گول سنین تک دئییل گؤیچک

ائشیتمیشم یالان کئرچک

آران رقیبله دگه جک

آخ، تئز ائله، تئز ائله، تئز ائله

قاش گؤزائله، گؤزائله، گؤزائله،

یولوندا جاندان کئچه رم، سئوگیلیم

آی عزیز جانینا آند ایچه رم، سئوگیلیم!

علی آقا واحد

قـان یئـری وار!، Qan Yeri Var

اوزونده بوسه دن، ای گول، ایکی نشـان یئـری وار

بیرینده قیرمیـزیلیقـدیـر، بیـرینـده قـان یئـری وار

گؤزونده واردیر اوخ آتماق، مُشه نده قان تؤ کمک

قاشیندا، سهو دئییلدیر، دئسم، کامـان یئـری وار

سـاچیـن تـوتـانـدا عـذاره،بیلـه خیـال ائــدیــرم

چمنده بـرگِ گـول اوستـه قـارا دومـان یئـری وار

بـلایـا سـالمـا منـی، درد محنتیــم چــوخــدور

نـه دیلـده تـاب قـالیبـدر، نـه ده تــوان یئــری وار

وفـاسـی اولمـاسـادا، یـاردن ال اوزمـه، کـؤنـول!

گلـرتـرّحمـه بیـر گــون، یئنــه گمــان یئــری وار

رقیبـه همـدم اولـوب، دلبـریـم کـوسـوب منـدن

بئلـه گمـان ائـدیـرم، بلکـه بیـر اوُمــان یئــری وار

وفـالـی سـؤیلـه دیگیـن چیخـدی بیـوفـا آخیــر

سنین سؤزونده ده، واحد، بیر آز یـالان یئـری وار

علی آقا واحد

سئویرم وطنی!، Sevirəm Vətəni

اوره گیمــده او قــدر سئــوگــی واریمــدیــر وطنــه

نئجـه کـی، بـولبـولِ شیــدا اولــور عــاشیــق چمنــه

ایندی فرهادی گره کدیـر مـن اولایـدیـم بـو گـولـون

چـونکـی مـن عـاشیقیـم هـر خسـروِ شیـریـن سخنـه

گـــر زولیخـــاده وفـــا اولســـا ایـــدی عـــالمـــده

جـؤرلــر قیلمــاز ایــدی یــوســفِ گــول پیــرهنــه

قـان اولــور لالــه کیمــی عشقــده عــاشیــق قلبــی

هــر بــاخــان لحظــه ده بیــر دلبـــرِ غنجـــه دهنـــه

ای کؤنول، قان اولاسـان، عشقـه منـی سـن سـالـدون

سنــدن اولــودو، او پــریچهــره جفــا قیلــدی منــه

تکی، ای گول، سنه، فخر ائیله کی، عاشیق من اولدوم

یــوخســا اسکیلمــه رم هــر دلبــرِ نــازک بـــدنـــه

نـولا، واحـد، آزاجیـق ســاکیــت اولا مجلیسیمیــز

((شـور)) دستگـاهینـی بیـز خـواهـش ائـده ک تـارزنـه

علی آقا واحد

تاریم ایله عهدیم!، Tarim ilə Əhdim

اوره کدن ایئله میشم من بـو عهـدی تـاریـم ایلـه

گونوم کئچه ایدی همیشـه او نـازلـی یـاریـم ایلـه

وفـالـی بـولبـولیـم بیـر گـول اوزلـو جـانــانیــن

اینـانمیشـام اونــا اؤز دوغــرو اعتبــاریــم ایلــه

شرفله عؤمر کئچیـرمـک بـؤیـوک سعـادتـدیـر

فـداسییـام بـو یـولـون مـن اؤز اختیـاریــم ایلــه

همیشه خوش کئچه جکدیر حیاتیمیز، گونوموز

بیر اولسا هـر سـؤزومـوز نـازنیـن نیگـاریـم ایلـه

وطــن اوغــولــلاری نسلیلــه افتخــار ائیلـــر

اودورکـی، فخـر ائـدرم مـنده یـادگـاریـم ایلــه

بهشتـی گــؤرمــه میشــم، آرزودا ائیلــه مــه رم

وطنـده کئچسـه گـونـوم یــار گلعــذاریــم ایلــه

محبت اهلینه، واحد، چـالیـش، یـاخیـن گلمـه

کی، قورخورام، یـانـا قلبیـن بـو آه و زاریـم ایلـه

علی آقا واحد

آذربایجان اوخوسون!، Azərbaycan Oxusün

اوخو، ای بولبـولِ شیـدا، گـول خنـدان اوخـوسـون

گؤرسون اؤز عاشیقینی، شور ایله جانان اوخـوسـون

بـو گـؤزه ل لهجـه ن ایلـه عـالمــه گــوستــر اؤزونــو

اؤزگه نـی قـویمـا مـوغـامـاتینـا داستـان اوخـوسـون

وطنیــن بــولبــولِ شیـــدالارینـــی شـــورا گتیـــر

اوخـو بیـر نغمـه، بـوتـون آذربـایجـان اوخـوســون

مــوسیقــی صنعتینــی آذربــایجــان یـــارادیـــب

قـوی بـو تـاریخـی حقیقتلـری تهـران اوخـوســون

لحـنِ داوودی بیـزیـم خلقیمیـز ایجــاد ائلــه ییــب

بؤیله ایجادی گرک یاخشـی غـزلخـوان اوخـوسـون

قـارابـاغـدیـر بیـزیـم اؤز اؤلکـه میــزیــن شیــرازی

اؤز موغامـاتینـی لازیمـدی هـر انسـان اوخـوسـون

عصـرلـرلـه یـاشـاسیـن مـوسیقـی خـادیملـریمیــز

قوی ائشیتسین بوسؤزو مصطفی پـایـان اوخـوسـون

تبـریـزیـن نغمـه سینـی خلـق یــاراتمیــش، واحــد

قوی دئسین فیکریمه احسن بوتون عرفان اوخوسون

علی آقا واحد

گلمه میسن!، Gəlməsin

او گون ده سؤز وئریب، ای ماه پاره، گلمه میسـن

بو گوزله مکه گـونـوم اولـدو قـارا، گلمـه میسـن

او گوندن اینـدییـه جـک کـونلـوم انتظـاردادیـر

تسلـی وئــرمگــه بــو انتظــارا، گلمــه میســن

بو حُسنلـه سنـه هـرگـز یـاراشمـاییـر،گـؤزه لیـم

بیرینجی دفعه دئییلـدیـر، دوبـاره، گلمـه میسـن

سنه نه طعنه ائدیـم، چـونکـی تجـربـه ن آزدیـر

منیم تک عشقه دوشوب آه و زاره، گلمه میسن

علی آقا واحد

گئجه دیر، Gecə'dir

او گـول منـه بـو گئجـه همـزبـان اولان گئجـه دیـر

دئییب، گولوب، دانیشیب مهربان اولان کئجه دیر

وفـا صحیفـه سینـی شـرح ائـدم گـرک او گـولــه

حقیقـی عشقیمیــزه امتحــان اولان گئجــه دیــر

او سرو بـویلـو سحـر سئیـر لالـه زار ائـده جـک

چمن چیچک لرینین باغری قان اولان گئجـه دیـر

خصوصی عطر آلاجاق اؤز گولوندن هر بولبول

خـدنـگِ نـازه کـؤنـوللـر نشـان اولان گئجـه دیـر

بو خوش دقیقـه لـری، ای کـؤنـول، غنیمـت بیـل

بــلا اسیلــری شـــادمـــان اولان گئجـــه دیـــر

رقیب ائشیتسه، نیگـاریـم منیملـه همـدم اولـوب

حسدله عؤمرو بو غمدن خـزان اولان گئجـه دیـر

گـول ایسـه پـردهٔ عصمتـدن آشکــار اولاجــاق

وصـالـه یئتمگـه بـولبـول نهـان اولان گئجـه دیــر

اینـانمـا، ال چکـه بـولبـول گـولـون کنــارینــدان

سئـویملـی دلبـرینـه پـاسبــان اولان گئجــه دیــر

گول اوزلولر سنی، واحد، یئنـه احـاطـه ائـدیـب

تفاخر ائیـه کـی، بختیـن جـاوان اولان گئجـه دیـر

علی آقا واحد

ناز ائدیرم!، Naz edirəm

او گـول کـی نـاز قیـلاردی مـن ِ پــریشــانــه

من ایندی ناز ائدیرم اول گـول اوزلـو جـانـانـه

بو عشق عـالمینـی. عشقـه دوشمـه یـن بیلمـز

بیلرمی، یـانمـاسـا شمعیـن شـرفنـی پـروانـه؟

منـی اسیـر ائلـه میشـدی او شـوخ لیلـی وشـم

دؤنوب او ایندی اولوب عشقیـم ایلـه دیـوانـه

وفاسیز اولماغینی بونـدان اول گـولـون بیلیـرم

عزیـز اولـوب اونـا منـدن، نـه دنسـه، بیگـانـه

نـه ائیلـه طـالیبـم اول دلبـریـن وصـالینـا مــن

کی، صبر ائدیم، دؤزوم، البته، دردِ هیجـرانـه

نه یوسیفم، نه ده کی، سئودیگیـم زولیخـادیـر

اسیر ائـدیـب منـی سـالسیـن ستملـه زنـدانـه

جهاندا بسدی منـه، واحـدم، بیـر اؤز یـاریـم

بهشت ایچینده گؤزوم یوخدور حور و قیلمانه

علی آقا واحد

خوار اولما، دئدی!، Xar Olma, Dedi

او وفـاسیـز، ((منـه بـونـدا سـونـرا یـار اولمـا))، دئـدی

سئـومـه هـر بیـر گـؤزه لـی، عـاشیـقِ زار اولمـا، دئـدی

بیـر گـؤزه ل عشقینـه وئـر کـؤنلـونـو، ثـابــت قــدم اول

جوشما دریا کیمی، خزری، گیلاوار اولما، دئدی

بــو قــارا زولفــده یــوزلــرجــه اسیــریـــم واردیـــر

احتیـاط ائیلــه، بــو زنجیــره دوچــار اولمــا، دئــدی

چکمه، گؤز یاشـی تـؤ کـوب گـوزلـریمیـن حسـرتینـی

گئجه، گـونـدوز بـو خیـال ایلـه خـومـار اولمـا، دئـدی

سنـی مـن سئـومیـرم، آردیمجـا دوشـوب یـالــوارمــا

ائل ایچنده دوشون اؤز قـدرینـی، خـوار اولمـا، دئـدی

وئــرمــه رم اذن، ســرِ کــویــومــا جنّــت دئیــه ســـن

بـوش تمنــا ایلــه بــی صبــر و قــرار اولمــا، دئــدی

عکس ِ روخسـاریمـا عـالـم اولـوب حئیـران، شـاعیـر

سـن بـو آیینـه یـه چـوخ بـاخمـا، غبـار اولمـا، دئــدی

واحدم، من دئدیم، ای گـول، قـوجـالیـق دؤورور گلیـر

عشـق ذؤقـونـدن اوُزاقـلاشمـا، کنـار اولمــا، دئــدی

علی آقا واحد

کونلوم، Konlüm

او قـارا زولفـون الینـدن بـلالـی دیـر کـؤنلــوم

باتیب غمه، ائله بیل کـی، غـزالـی دیـر کـؤنلـوم

بـو عشـق عـالمینیـن بیلمیـرم نــه دیر سیــرّی

اسیـر ِ عشـق اولالـی لاابـالـی دیــر کــؤنلــوم

گؤرن ده سئوگیلی سین غنچه گول کیمی قیزاریر

ادبلـی بیـر قیـزا بنـزه ر، حیـالـی دیـر کـؤنلــوم

اؤلـونجـه چکمـز الیـن نـازنیـن نیگـارینــدان

رقیبـه هـرگـز اینـانمـاز، وفـالـی دیـر کـؤنلــوم

فلک اوظلمـو منـه ائتمـه ییـب، رقیـب ائتـدی

یازیلسا درد و غمیم، مـاجـرالـی دیـر کـؤنلـوم

شکسته نئی کیمی یارینـدان آیـریـلان گـونـدن

نوایه همدم اولوب، سان یـارالـی دیـر کـؤنلـوم

منیم ده دردیمی، واحد، دئمزسن اول شـوخـه

دئینـده قـانـه دؤنـر، ادعـالــی دیــر کــؤنلــوم

علی آقا واحد

پناهی نه دیر؟، Pənahi Nədir

او جـان آلان نـه بیلیـر، عــاشیقیــن پنــاهــی نــه دیــر؟

اونــا بــو حُســن وئــرن قــدرتِ ایــلاهــی نــه دیـــر؟

صفـاسیـن اؤزگــه گــؤرور، مــن بــلالاریــن چکیــرم

منیـم بـو قـانـا دؤنـن کـؤنلــومــون گنــاهــی نــه دیــر؟

داغیتـدی زولفـون اوزه دلبــریــم، کئچنــده دئــدیــم:

بـونـون یــانینــدا بهشتیــن گــول و گیــاهــی نــه دیــر؟

بــو قــارا گــؤزلــولــریــن اولمــایینجـــا مجنـــونـــو

جهـانـدا کیـم بیلـه جـک عشـق بــارگــاهــی نــه دیــر؟

گئجــه گــونــدوز ائــدیــرم آه و نــالــه کــویـــونـــدا

سـوروشمـاییـر، بـو قـدر بیـر فقیـریـن آهــی نــه دیــر؟

گول اوزلـو، نـازلـی گـؤزه للـرمیـش، اینـدی مـن بیلیـرم

محبــت اهلینیــن عــالمــده قیبلــه گــاهــی نــه دیــر؟

تـارینـدا، واحـد، ا گـر قــوربــانیــن محــارتــی وار

دایان بیر ایندی گؤره ک، زولفونون سه گاهی نه دیر؟

علی آقا واحد

روزگاریم اوندا ایدی!، Rüzgarim onda İdi

او بیـوفـا منیـم ایستکلـی یـاریــم اونــدا ایــدی

اسیری بیر مـن ایـدیـم، اختیـاریـم اونـدا ایـدی

رقیب لر یـوخ ایـدی، مـن اسیـرِ عشقـی ایـدیـم

بــو رتبـــه ایلـــه اعتبـــاریـــم اونـــدا ایـــدی

گولردی گول کیمی، من آغلادیقجا بولبول تک

خزان غمین نه بیلیردیـم، بـاهـاریـم اونـدا ایـدی

باخـان زامـانـدا منـی اؤلـدوروب دیـریلـدردی

منیم او عشـق ایـلاهیسـی تـانـریـم اونـدا ایـدی

منی قویوب، گئدیب اینـدی رقیـب لـرلـه گـزیـر

یاخیندی اوندا منه، جملـه واریـم اونـدا ایـدی؟

هانی او دم کـی، نیگـاریـم منیملـه همـدم ایـدی

دمـم او دملـرایـدی، روزگـاریـم اونـدا ایــدی!

منیم ده، واحد، اولوب عشقه دوشدوگوم گونلـر

او بیـوفـا منیـم ایستکلـی یـاریــم اونــدا ایــدی

علی آقا واحد

گؤزلر، Gözlər

او اینجـه، نـازلـی بـاخیشـلار، او آتشیـن گـؤزلـر

حزین حزین نه باخیر، سانکـه عـاشیقیـن گـؤزلـر

سنین کیمی، گؤزه لیم، نازنین گـؤزه ل چـوخـدور

کی، یوخدور هئچ بیریسینده، بـو نـازنیـن گـؤزلـر

سنین او گـؤزلـرینـی بیـرجـه یـول گـؤرن عـاشیـق

اینان کی، سؤیله یه جک یوز یول آفریـن گـؤزلـر!

سورولسامندن، اسیر ائیله یـن کیـم اولـدی سنـی؟

باخوب بو گؤزلـره عـرض ائیلـرم، همیـن گـؤزلـر

وفاسی اولماسا بیر گون ده، چوخ گمـان، دوزمـه ز

وفـالـی اولسـا، یـوز ایـل عـاشقیـن یقیـن گـؤزلـر

همیشــه شــاد اولــورام انتظــار وصلیـــن ایلـــه

نئجـه کـی، بیـر تـازا دامـاد اولان گلیـن گــؤزلــر

من اؤز نیگاریمی، عیب ائتمه، گؤزله سه م، واحد

کی، بولبول اوز گولونو، عاشیق همدمیـن گـؤزلـر

علی آقا واحد

روخسارِ عدالت، Ruxsar Ədalət

اظهار اولا گـر پـرتـؤ، روخسـارِ عـدالـت

دنیـانـی تـوُتـار بـوسبتـون انـوارِ عـدالــت

جان نقـدینـی بـازارِ جهـانـدا تـوتـار الـده

شوق ایله، اولا کیم که خـریـدارِ عـدالـت

جان بخش ائـدر امـواتـه میثـالِ دم ِ عیسـی

هر بزمده کیم، ذ کـر اولا گفتـارِ عـدالـت

ضحاک کیمی هر کیم ائده ظلمـده طغیـان

فـوت ائیلـر اونـی کـاوهٔ احـرارِ عـدالــت

هر کس کی دیلر دفع قیلا دوشمـن خلقـی

آلسیـن الینـه تیــغ ِ شــرر بــارِ عــدالــت

غـرق ائیلـر اونـی نیلـده مــوســی ِ الهــی

هر کیم ائده فرعون کیمـی انکـارِ عـدالـت

خـورشیـدِ عـدالتلـه جهـان اولســا منــوّر

ظالیملـره اظهـار اولار عصّـارِ عـدالـت

سـانجیلسیـن عـدالتلـه تـرازوی صـداقـت

تـا گـرم اولا بـونـدان بئلـه بـازارِ عـدالــت

خلقین ائوی بر باد اولاماز بیل بونو، واحد

هر گاه اونـو تعمیـر ائـده معمـارِ عـدالـت

علی آقا واحد

جامالین آچما!، Camalin Açma

اجازه وئر بـاخیـم، ای گـول، او قـاره گـؤزلـرینـه

وورولمیشـام، نـه ائـدیـم، آشکـاره گـؤزلـرینــه!

غم ائتمه رم منـی یـوز دفعـه گـونـده اؤلـدوره سـن

بـاخـانـدا بیـرده دیـرللـم، دوبـاره، گـوزلــرینــه

جمالین آچما، گولوم، قورخورام گؤروب اوزونو

گون اولسون حُسنونه عاشیـق، ستـاره گـؤزلـرینـه

اولایـدی قسمـت، اؤپـه یـدیـم او نـازک اللـرینـی

اوره کــدن ائیلــه میشــم استخــاره گــؤزلــرینــه

کمنــدِ آه ایلـــه صیـــادلـــر دالینجـــا دوشـــر

بـو نـاز ایلـه ا گــر ائتســه ن اشــاره گــؤزلــرینــه

گـؤزوم گـؤتـورمـه ییـر، اغیـارلـر بـاخـانـدا سنـه

بیـر آیـری گـؤزلـه ائـدیـرلـر نظـاره گـؤزلــرینــه

شکستـه واحــده اولمــاز طبیــب لــردن عــلاج

قالوبـدر اینـدی سنیـن بیـرجـه چـاره گـؤزلـرینـه!

علی آقا واحد

مردانه لیگمدن!، Mərdanə'ligmdən

ائل دوشدو بـوتـون حئیـرتـه دیـوانـه لیگمـدن

سیرّیـن دئمـدیـم بیـر کسـه مـردانـه لیگمـدن

خـاکستـر عشقـم، منـه تحقیـرایلــه بــاخمــا

میـن گنـج چخـار ظـاهیـره ویـرانـه لیگمــدن

مجنون کیمی من بارگـهِ عشقـی دولانـدیـم

گئچـدیـم بـو تمنـا ایلـه، شـاهـانــه لیگمــدن

مخمور گؤزون فکری ایله باده چوخ ایچـدیـم

هر بیر کیمسه ضرر گؤرمه دی مستانه لیگمدن

هر ماه روخون شمـع کیمـی عشقینـه یـانـدیـم

بیـر لحظـه خبـر تـوتمـادی پـروانـه لیگمــدن

دیوانه ٔ عشـق اولمـاغـا هـر کیـم هـوس ائتسـه

اوّل جـه گــرک درس آلا رنــدانــه لیگمــدن

واحد، من او خاکم، ئینه میخـانـه ده بیـر گـون

بیــر ذؤق یئتــر عــالمــه پیمــانــه لیگمــدن

علی آقا واحد

عم اوغلونون محبتی، Əm oğlünün Məhəbəti

ائـل بیلیـر، تـانییـر کیـم اولـدوغـومــو

هـانسـی عـائلـه ده دوغـولـدوغـومــو

رایوندا مشهورم، سـوزون دوغـروسـو

آدیمـا سـؤیلـه نیـر:((دانـا اوغـروسـو))

خالقی فیریلداقلا چـوخ آلـداتمیشـام

بئش ایل ده حبسده کئـدیـب یـاتمیشـام

دوز ایشیم اولماییب عـؤمـروم اؤزونـو

تـوولاییـب آلمیشـم عمیـم قیــزینــی

اوزاوللــی قیــزا قـــوُردوم بیـــر تلـــه

اونـو اینـانـدیـردیــم، گتیــردیــم الــه

یازیق نه توی گـؤردو، نـه رسمـی کبیـن

منـدن سـوراشـانـدا بــونــون سببیــن

عوضینده گؤردو یـومـروق، شـاپـالاق

همیشه دؤیـولـوب ائـودن قـووولمـاق

اونـونـلا گیـرمـه ره م بیــرده سـازیشـه

چونکی گئتمک ایستر کولخوزدا ایشه

اونـو بـو کلکلـه سـؤیـوب قـوولادیـم

((سنیله کـی یـوخـدور کبینیـم زادیـم؟))

یـــالان محبّتلـــه آلمیشــــام اونــــو

بودا او سئوگی نیـن، او عشقیـن سـونـو

سککیز آیلیق بیر اوغلوم وار، تامـاشـا

عمیم قیزین کیمسـه سـالیبـدیـر بـاشـا

دئییر: گرک اوشـاغـا خـرج وئـره سـن

گرکمزکی، اوشاغـی بیـر گـؤره سـن ؟!

منــده یــوخــدور آتــالیــق محبتــی

یـاشـامیشـام یـارپـاق آلتـی، خلـوتــی

علی آقا واحد

واقفدن ترجمه، Vaqifdən Tərcumə

ائشیتــدیــم لیلینیــن اولـــوم خبـــری

یئتـر کــن مجنــونــا آرتــدی کــدری

ییـرتـدی یخــه سنــی او قلبــی خستــه

یــوگــوردی لیلینیــن مــزاری اوستـــه

مزار باشیندا بیـر اوشـاق دورمـوشـدی

لیلینیـن قبـرینـی اونـدان ســوروشــدی

اوشاق گولدی دئدی ای دردلی مجنون

سن ا گـر حقیقـی عـاشـق اولسـایـدیـن

ائیلمـه زدیـن منـدن بــو سئــوالــلاری

گئد آختار گـز دولاش هـر بیـر مـزاری

گـوتـور هـر قبـردن بیـراووج تــوپــراق

او مشگیــن تــربتــی ایلــه یبــده بـــاخ

گلسـه او تــوپــراقــدان محبــت ایــی

یقیـن بیـل دفـن اولـوب او یئـرده لیلــی

علی آقا واحد

پیرانه لیک ده، Piranəlik'də

ائشیتدیم، سئوگیلیم، کوسموسن مندن؟

قـاچیـرمــا بــولبــولــو اؤز چمنینــدن

منیملـه دوز دولان، کــوســه رم سنــدن

منده دوستلوق دا وار، بیگـانـه لیـک ده!

بیر سنسن بو مجنـون کـؤنلـومـه اویغـون

سنیـن جمـالینـا اولمــوشــام وورغــون

هــر لیلــی عشقینــده دئییلــم مجنــون

منـده کمــال دا وار، دیــوانــه لیــک ده!

بوتون بـو دونیـانـی گـزدیـم، دولانـدیـم

بیـر سنـی اؤزومـه وفـالــی ســانــدیــم

سن گزدین اؤزگئیله، اود توتوب یانـدیـم

منــده آتــش ده وار پــروانــه لیــک ده!

ازلــــدن دئمیشــــم سنینلــــه یــــارام

یــولــونــدا اؤلســم ده بیــل بختیـــارام

دئـدیگیـم سـؤزومــده مــن یئنــه وارام

منـده کجلیـک ده وار مـردانـه لیــک ده!

واحـد، بـو بیـر سـؤزون میـن لعلـه دگـر

منـه گــرک دئییــل نــه ثــروت، نــه زر

طبعـم خـزینـه دیـر، سـؤزلـریـم گـوهـر

منـده گنجلیک ده وار پیـرانـه لیــک ده!

علی آقا واحد

همایِ کرم!، Hümayi Kərəm

ائتمم گؤزه لیـم، کیمسـه یـه بیـر شکـوه غمینـدن

یـانسـام دا، یـاخیلسـام دا تـوکنمــه ز ستمینــدن

دنیاده ساناردیم ابدی عـؤمـرومـو خـوشبخـت

اؤپسـه یـدیـم ا گـر بیــرده مبــارک قــدمینــدن

دؤنسـون منـه بیـر ظلمتـه چـرخیـن یئنـی آیــی

تـوُتسـام ا گـر آرتیــق اونــو ابــرویِ خمینــدن

بــو فخــر یئتــرکیــم منـــه، افتـــادهٔ عشقـــم

سـال بـاشیمـا بیـر ســایــه همــایِ کــرمینــدن

زاهیـد! رُخ جـانـانیمــا بیــر یــول نظــر ائیلــه

وصـف ائتمـه منــه بیــر داهــا بــاغ ِ ارمینــدن

معتــاد غــم عشقینــم، اؤللــم بیلیــر عــالـــم

بیـر لحظـه ا گـر آیــریــلا کــؤنلــوم المینــدن

گول چکدی خجالت، اوزونو گؤردو، قیزاردی

لـب بستـه لیگـی غنچـه لـر اؤیـرنـدی فمینـدن

واحد! بو قدر سـاده غـزللـر کـی، یـازیـرسـان!

بیر گون گله جـک، اود یـاغـاجـاقـدر قلمینـدن

علی آقا واحد

خدا سنی!، Xüda Səni

ائتـدی فلـک جفـا ایلـه منــدن جــدا سنــی

قیلــدی رقیــب بــد صفتـــه آشنـــا سنـــی

جکدیـم جفـا و جـؤرونـو، ای مـه، زمـانـه ده

سـانـدیـم خیـالِ خـام ایلــه اهــلِ وفــا سنــی

هر صبح و شام سـائـل کـویـونـدور عـاشیقیـن

حـاتـم کیمـی چـو بیلمیشـم اهـلِ سخـا سنـی

اوزدون وصالدن، الیمی تـرک لطـف ائـدیـب

ای مـه، بـو نـوع بیلمـزایـدیــم بیــوفــا سنــی

اولدوم مریض، عشق ایله، حالیمی سورمادین

قیلسیـن دوچـار مـن کیمـی درده خـدا سنــی

سوردوم عـلاجیـم، ای بـوتِ زیبـا، طبیـب دن

یــازدی بــو دردِ عشقــه معــالــج دوا سنــی

بــو واحــدِ فقیــره، گــؤزه ل، ائیلــه التفــات

روحوم، حیاتدا بیـرجـه بلیـب دیـر شفـا سنـی

علی آقا واحد

اوزون!، Üzün

ائتدی پنهـان زولـف ایچینـده اول ملـک سیمـا اوزون

گیـزلـه میـش ابـر ایچـره سـان، مهـرِ جهـان آرا اوزون

لیلـی سـاچلـی بیـر پـری مجنـونـه دؤنـدرمیـش منـی

رحمـه گلمــز تــوتســادا، آهیــم اودو دونیــا اوزون

غرق اولوبدور سیـل ِ غـم ایچـره وجـودوم اؤیلـه کیـم

بنـزه رم مـن اول حبــابــه کیــم، تــوتــار دریــا اوزون

یوز گؤزه ل، اؤز سسئوگیلیمدن باشقا آچماز کؤنلومی

شبهـه سیـز، مجنـونـا گـوستـرسیـن گـرگ لیـلا اوزون

یـارسیـز، گـول اوزلـو جـانـان سیـز، بـوسـاطِ بــاده ده

قان اولور کؤنلوم، گؤزوم گورسـه، مئـی ِ حمـرا اوزون

یوز کؤنول، مین ناز ایله باخدیقجا قـان ائتسیـن گـرک

گـؤستـرینجـه عـاشیقــه بیــر دم گــولِ رعنــا اوزون

بیـر منیـم کـؤنلـوم دئییـل دیـوانـه ســی مــه رولاریــن

من کیمی مینلرجه مجنونلار تـوتـوب صحـرا اوزون

زولف دن. دیوانه دن دیـر هـر سـؤزون شـاعیـر یئنـه

گـؤستـره ر بیـر گـون سنـه عـارف لـر استهــزاء اوزون

واحـدا، اول بیـوفـا اغیــاره یــوزمیــن لطــف ائــدر

گـــؤستـــره ر امّـــا مـــنِ مسکینـــه استغنـــا اوزون

علی آقا واحد

گلیب دوشر یئرینه!، Gəlib düşər yerinə

اگـر مـن اولسـام، او گیسـویِ مشـکِ تـر یئـرینـه

اوُپوپ، قوُجوب، سالاردیم او شوخون هر یئرینه

شکـر نـه دیـر کـی، حســرتیــن چکــم سنسیــز

منـه کفـایـت ائــدر لبلــریــن شکــر یئــرینــه؟!

قیزیل، گوموشسوز هـانـی منـده اؤیلـه طـالـع کـی

قوجاقلایـایـدیـم او نـازک بئلیـن کمـر یئـرینـه؟!

کؤنولده غمـزن اوخـو، اؤلمـه دیـم، دئییلـر بـس

ساغالماز، هر کیمین اوخ دگسه گـرسـه ور یئـرینـه

خیالِ زولفِ روخـونلـه کئچـر گئجـه م، گـونـوزوم

بیـریسـی شـامـه بـرابــر، بیــری سحــر یئــرینــه

فلـک، حقیـر ائلـه یـن کسلـریـن مـرادینـه یئــت!

بو مرحمت، گون اولورکی، گلیب دوشـر یئـرینـه

او شـوخ ِ مهـوشـی طـاووسـا بنـزه دیـر کـؤنلــوم

اوزونــده طــرهٔ مشکینــی بــال و پــر یئـــرینـــه

جاهاندا هر کسین اؤز قیبله گاهـی، مکـه سـی وار

منیم ده قیبلـه م اوزون، خـالـلاریـن حجـر یئـرینـه

بو سرو بویلولارین، واحد، هـر غمیـن چکـدیـم

همیشـه گـؤز یـاشـی وئـردی منـه ثمــر یئــرینــه

علی آقا واحد

بیزیم یئرده دیر، Bizim yerdədir

آی عاشیق! صحبت آچ، گولدن، چیچکدن

چمنلـــر زینتـــی بیـــزیـــم یئــــرده دیــــر

بــولبــولــر ذؤق آلیــر گـــوللـــریمیـــزدن

بــاهــاریــن لــذّتــی بیــزیــم یئــرده دیـــر

چـال، اوخـو شـورایلـه چــوبــان بــایــاتــی

ســازینــدا تعــریفلــه بــو شــن حیـــاتـــی

عطـرلــی گــوللــری، بــاغــی، بــاغــاتــی

گـؤزه للیــک خلقتــی بیــزیــم یئــرده دیــر

ائلیمـدن، آرخـامـدان، غــم اوزاقــلاشیــر

ذؤقیمـوز، نشئـه میـز قــاینــاییــر، داشیــر

خــالقیمیــز فــرحلــه گــولــوب دانیشیـــر

انســان سعــادتـــی بیـــزیـــم یئـــرده دیـــر

سـازیـن، کمـانچـانیـن، قـارمـانیـن، تـاریــن

اوخـویـوب چـالانیـن، گـولـون، بـاهـاریــن

ادیبیـن، شـاعـریـن، هــر صنعــت کــاریــن

ان بــؤیــوک قیمتــی بیــزیــم یئــرده دیـــر

نــه تــاریــخ لــرده وار، نــه بــاشقــا یئـــرده

چـوخ اوشـاقـی قـادیـن وارمــی بیــر ائلــده

ائلـدن آلا تحسیـن، حـؤرمـت هــر ایلــده؟

آنــالیــق حــؤرمتــی بیــزیــم یئــرده دیـــر

فــاشیستیــن ظلمــونــه دونیــالار بــاخیـــر

آنــالار بــاغــرینــا ســونگــولــر تــاخیــر

کـؤرپـه اوُشـاقـلاری یـانـدیـریــب یــاخیــر

بـــالا محبّتـــی بیــــزیــــم یئــــرده دیــــر

نــوروز بــایــرامینــدان آلــدیــق الهــامــی

شـادلیقـلا کئچیـردیـک بـو شـن بـایـرامــی

وطــن اوُشــاقــلاری سئــونییــر هـــامـــی

ائللــریــن قــدرتــی بیــزیــم یئـــرده دیـــر

بیـر چـوخ بـایـرامـلاری گـؤردوکســه ا گــر

بــاهــار بــایــرامیمیــز هـــامسینـــا ده یـــر

بـو خـوش گـونـو گـؤره ن سئــوینمــز مگــر

کــؤنــوللــر بهجتــی بیــزیــم یئـــرده دیـــر

سیلینسیــن دونیــادان بــوش هنگــامــه لـــر

سسلنسیـن دیللـرده، جـوشســون نغمــه لــر

یــازسیــن بــو ائللــر تبــریــک نــامــه لــر

دونیـــالار جنتـــی بیـــزیـــم یئـــرده دیـــر

علی آقا واحد

نالهٔ شور!، Nalə şür

آپـاریــر آیــا فلــک مهــرِ جمــالینــدان نــور

بد نظـرلـر نظـرینـدن ائلـه سیـن حـق سنـی دور!

خط گلیب عارضِ جـانـانـی تـوتـوب سـرتـاسـر

ساناسان، مولکِ سلیمانی تـوتـوب لشکـرِ مـور

کفـرِ زولفـون گـؤروب، ایمـانـا گلیـر کـافیـرلــر

چـاهِ ظلمتـدنـن او خـورشیـدلقـا قیلسـا ظهــور

یئتیر ای مـاهِ تمـامیـم، سنـه نقصـان، حـذر ائـت

اولما، گل قلبـی قـارا کسلـره هـر بـزمـده جـور!

تـارِ گیسـولارینـی تـؤ کــدو نیگــاریــم اوزونــه

کؤنلـومـون تئللـری تـرپنـدی نئجـه نـالـهٔ ((شـور))

منه ای زاهیـد، ا گـر وئـرمـه سـه لـر سئـوگیلیمـی

نه گرکدیـر منـه جنّتـده کـی قیلمـان ایلـه حـور؟!

باغلامیشدیر منـی، واحـد، او پـری زولفـو ایلـه

ایندی بیلدیم کی، نئجه داره چکیلمیش منصور!

علی آقا واحد