صحبتی افسـانـه مـزیـن!، Sohbəti Əfsanəmizin

ساقیا! بیر بـو دئییـل نشئـه سـی پیمـانـه مـزیـن
هله بـونـدان سـورادیـر لـذتـی میخـانـه مـزیـن
بیـز گـرک بـادهٔ گلگـونـو حکیمـانـه ایچــک
پوزمـایـاق رؤنقینـی مجلیـس ِ مستـانـه مـزیـن
آیاغین اؤپمـه لـی ییـک خـادم ِ میخـانـه لـریـن
بلکه، جام ایچره گؤره ک عکسینی جانانه مزین
زولف شؤقیله اولاق مست، بوتـون عـاقیـل لـر
قـالسیـن ادرا کینـا حئیـران دلِ دیـوانـه مــزیــن
بیز هـامـان رنـدِ خـرابـاتـی ِ بـی بـاک لـریـک
صحبتی اینـدی ده دیللـرده دیـر افسـانـه مـزیـن
درد الینـدن بـوقـدر چکـدیگیمـز نـالــه لــره
نه گلیـر یـاریمیـزن رحمـی، نـه بیگـانـه مـزیـن
عشـق زنجیـرینـه واحــدده گــرفتــار اولــدو
آزدی گویا، بیری ده آرتدی بـو دیـوانـه مـزیـن

علی آقا واحد

گلمیشیک مبارک باده!، Gəlmişik Mübarək Badə

ساقی، بو مجلیسین عشقینلـه دولانـدیـر بـاده

عؤمروموز حسرت مئیلـه نییـه گئتسیـن بـاده!؟

هامی نین سئوگیسی، بیر آرزوسـو وار قلبینـده

چونکی بولبول گولون عشقینده گلیـر فـریـاده

نسل ایله آد قـالیـر عـالمـده، حقیقـت در بـو

مئیـوه سیـز بیـر آغـاج، البتـه، گئـدر تئـز بـاده

باشقا بیر لذتی وادیر، بیـر آتـا سـاغکـن اؤزو

آتــالیــق حقینــی ایفــا ائلــه سیـــن اؤولاده

ییغا اؤز باشینا حؤرمتلی قوهـوم، قـارداشینـی

بوندان آرتیـق نـه گـوزه ل آرزو اولار دنیـاده؟!

بیر سبب وار بو ضیافتده، سبـب سیـزده دئییـل

گلمیشیـک بیـز بـورا شـادلیقـلا. مبـارکبــاده

ایکی نورسته جاوانین بو گئجه شیـرنیسـی دیـر

یعنی شیـرینـی نیکـاح ائیلـه میشیـک فـرهـاده

آرزو ائیلرایدیک کیم، هامی نین اوغلو، قیزی

سـوره لـر عـؤمـرلـریـن سئـوگــی ایلــه آزاده

بختیـار اولمـاغینـی ایستــه همیشــه خلقیــن

قورخما، واحد، سنی ائللر سالاجاقـلار یـاده

علی آقا واحد

دولان آشنالار ایله، Dolan Aşinalar İlə

سئویملیسن، گـؤزه لیـم، گـزمـه بیـوفـالارایلـه
محبــت ایلــه دولان یـــارِ آشنـــالار ایلـــه
گـؤزه ل لیگینلـه غـرور ائیلـه مـه، مـوقّـت دیـر
زمـانـه میـز دولـودور نـازلـی مـه لقـالار ایلــه
وطنـده خـالـق بـاخیــر ظلمکــارا نفــرتلــه
فقیـره، عـاجیـزه، مظلـومـه مـرحبـالار ایلــه
گؤزه للریـن ستمینـدن سیـزیلـداییـر اوره گیـم
توخونما پرده دولوب نئـی کیمـی نـوالار ایلـه
بو ناله لر، سنی ده یاندیریـب یـاخـار بیـر گـون
یـوخ ایسـه مـرحمتیـن گـزمـه بینــوالار ایلــه
او شوخ باخیشلارینین فتنه دیر، خطادیر ایشی
میـن احتیـاط گـرک گـؤزلـری قــارالار ایلــه
نه تخلصو یوسیف وئریـب دئـدی، واحـد
گرک ده فرقلنه سن سـن بـو خـودنمـالار ایلـه

علی آقا واحد

جهاندا یاشاریق، Cəhanda Yaşariq

سئویره م بیر سنی یاریم، گوزه لیم، ئـوزگـه نـی یـوخ

سنـده انصـاف ائلـه بـاری منـه نـاز ائیلمــه چــوخ

ئولکه مین سئوگیلی، شفقتلی گوزه ل بیر قئزی سان

گلجک نسلیمین، ان پـارلاییجـی اولـدوزی سـان

سئومه مک لیک، نه روا سن، کیمی زیبـا گـوزه لـی

حسن اخلاقـی گـوزه ل، صحبتـی شـریـن مـزه لـی

وارلیقیم، حستیم، حیاتیم، هوسیـم بیـر سـن سـن

سن منیم روحیـم اوچـون، بیـر ابـدی گلشـن سـن

گون توتـولسـا، اگـر آی بـاتسـا، ضیـالـر سـونسـه

یـا افـق لـر منــه بیــر ظلمتــه ســن سیــز دونســه

ینه قلبیمده خیالیـن ملـه کیـم نـور سـاچـاجـاق

طالعیم یوکسلجک، گوگلـره ظلمـت قـاچـاجـاق

بسلــرم دائمــی آغـــوش مـــرامیمـــده سنـــی

بـاسـارام بـاغـریمـا، شـوقیلــه او نــازک بــدنــی

محـرمـانـه یئتـریـک وصلـه گلــوب اوینــایــارق

سـاده بیـر پـاک محبتلــه جهــانــدا یــاشــاریــق

یـا قبـول ائیلـه ویـا، رد جـواب ائــت، نــه دیــره م

واحـدم بلکــه ده یــاریــم سنــه لایــق دگیلــم

علی آقا واحد

تانری محکمه دیر، Tanri Məhkəmədir

سئوگیلیم، من سئون اول سنده اولان شوخ مه مه دیر
بیرده جوت قـارا قـاشـلار، او اه ییلمیـش قمـه دیـر
اینجیمه، هـر سنـی گـؤردوکـده فغـانیـم اوجـالیـر
بولبولم، گول کی گؤروندو، بـو منـه زومـزومـه دیـر
غم ِ جاناندان اؤزون حفظ ائدن عشق اهلـی دئییـل
یار اوچـون عـاشیـق اودور، ذؤقـو بـلا و غمـه دیـر
سن ائدن ظلـم لـریـن شـاهیـدی گـؤز یـاشیمـدیـر
بـو جنـایتلـره تـانـری، گـؤزه لیـم، محکمــه دیــر
دلبریم جامی توتـا، سـؤیلـه یـه، آل، زهـردیـر ایـچ
منیم اول جامه دیر عشقیم، نه کی، جـام ِ جمـه دیـر
واحـدا، ا کـرام ائلـه سـم نـا کسـه، نــامــردم ا گــر
کؤنلومـون ذؤق و وفـا رسمـی فقـط همـدمـه دیـر

علی آقا واحد

افسانه دیر، Əfsanədir

سئوگیلیم، عشق اولماسا، وارلیق بوتون افسانه دیـر

عشقـدن محـروم اولان انسـانلیغـا بیگــانــه دیــر

سئوگیدیر، یـالنیـز محبتـدیـر حیـاتیـن جـؤهـری

بیر کؤنول کی، عشق ذؤقون دویماسا، غمخانه دیر

من اسیرِ عشقییم اؤز خالقیمین، اؤرز یـوردومـون

سئومه ین اؤز خالقینـی، اؤز یـوردونـو دیـوانـه دیـر

قوی وطن دایم ایشیقلانسین گؤزه ل بیر شمع تک

کؤنلوم اول شمعین ضیاء سین سئیر ائدن پروانه دیر

نازنین، رعنا گؤزه للـردیـر بـاخیـرسـان هـر یـانـا

بس بو توپراق ایندی بیر جنّت دئییل، آیا،نـه دیـر؟

اؤلکه میزده گؤر نه لر وار، باشقا بیرعـالمـده ییـک

هر چیچک بیر نازنین، هر غنچه بیر جـانـانـه دیـر

واحدم من، سئوگیلیم، مندن خیانت گؤرمـه سیـن

شاعیرم، عشقیـم ده اؤز قلبیـم کیمـی مـردانـه دیـر

علی آقا واحد

من ده دئدیم!، Məndə Dedim

سئوگیلیم، زولفونه عنبر دئدیلـر، مـن ده دئـدیـم
اوزونـه مـاهِ منــوّر دئــدیلــر، مــن ده دئــدیــم
نئجه کـافـر دئییـم اول گـؤزلـرینیـن مـردومـونـه
فتنـه اوستـادینـا کـافـر دئـدیلـر، مـن ده دئـدیـم
آز دئییلـدیـر منـی ده عشقـده مجنـون ائلــه یــن
سنـی لیـلایـه بـرابـر دئـدیلـر، مــن ده دئــدیــم
اذن وئر عاشیقین، ای گول، سنه ظـالیـم دئمـه یـه
رحم سیز دیر بو گؤزه للر، دئدیلر، من ده دئـدیـم
بـاغ ِ جنتـده جمـالیـن کیمــی اولمــاز، بیلیــرم
لبینـه چشمـهٔ کـوثـر دئـدیلـر، مــن ده دئــدیــم
آفرین خلقته اولسـون کـی، گـؤزه للـر یـارادیـب
نـه قـدر خلقتـه آفـر دئـدیلـر، مـن ده دئــدیــم
ای زولیخـایِ زامـان، بیـرجـه سنیـن خـاطـرینـه
یوسیـفِ مصـره پیمبـر دئـدیلـر، مـن ده دئـدیـم
ائـل ایچینـده نـه قـدر گـؤر منـه تـأثیــر ائلــه دی
سئودیگیم شوخا، ستمگر دئدیلر، من ده دئدیم
غزل اوستـادی فضـولـی لـری وار اؤلکـه میـزیـن
واحدی اونلارا چا کـر دئـدیلـر، مـن ده دئـدیـم

علی آقا واحد

حسرت چکمیشم!، Həsrət Çəkmişəm

سئوگیلیم، بیر بیلمه دین، سنسیز نه محنت چکمیشم

بـی وجـود اغیـارلاردان چـوخ اذیــت چکمیشــم

ذؤقِ وصلین خاطیره گلـدیکجـه، غمـدن آغـلارام

اؤزگه بیر جانانا سنسیز، سانما، حسـرت چکمیشـم

مه جمـالیـن گـؤرمگـه بیگـانـه فـرصـت وئـرمـه دی

صبح اولونجا هر گئجه کویـونـدا نـؤبـت چکمیشـم

بی وفالیق رسمینی ترک ائت، دئدیم، ترک ائتمـه دیـن

سنـدن اؤتـرو یـالـواریـب اغیـاره منـت چکمیشــم

وصـل ِ یـار اولمـاز میسّـر هـر بـلاکــش عــاشیقــه

من صداقتلـه بـو یـولـدا چـوخ مصیبـت چکمیشـم

نـازنیـن لـر وصلینـه مـن نـایـل اولســام، حــاقلییــام

چونکی چوخ مه پاره لر عشقینده زحمت چکمیشـم

اؤزگه نی دیندیردی، اؤز یاریـم منـی دینـدیـرمـه دی

ایندی گؤر، واحد، خجالت دن نـه ذلّـت چکمیشـم

علی آقا واحد

بویوک اوستاد!، Böyük Üstad

سئوگیلیم، بولبوله اولسـایـدی گـولـون ایمـدادی
بـولبـولـون عـالمـی آغـلاتمـازایـدی فـریــادی
عشـق سئـوداسینـا،لایقلـی دئییـل هـر عـاشیــق
درد، غـم جکمگـه گـر اولمــاســا استعــدادی
قـوپـا یـوزلــرجــه بــلا، قلبینــه تــأثیــر ائتمــز
هر کیمین عشـق ایلـه محکـم قـورولـوب بنیـادی
گؤر نئجه حُسنـده مغـرور ایـدی شیـریـن اؤزونـه
داغ داشی چـاپمـاغـا مجبـور ائلـه دی فـرهـادی
هانی رحمتلیک او مجنون کی، گئدیب دونیادن؟
بیـزیـک اینـدی او بـلالــر چکــه نیــن اؤولادی
حُسـنِ لیـلانـی دا مجنـون اؤزو اؤیـرتــدی بیــزه
اهل ِ عشقیـن اودور عـالمـده بـؤیـوک اوستـادی
منی، واحد، بـوقـدر سئـوگیلیـم اینجیتمـزایـدی
یئـره گیـرسیـن، گـؤروم، ای کـاش، رقیبیـن آدی

علی آقا واحد

گول یاخشیدیر،سن یاخشیسان؟، Gül Yaxşidir, Sən Yaxşisan

سئوگیلیم! سئیر گولوستان یاخشیدیـر، سـن یـاخشیسـان؟

عاشیقن چین باشقا جانان یاخشیـدیـر، سـن یـاخشیسـان؟

مین منیم تـک عـاشیقـی حئیـرتـده قـویمـوش گـؤزلـریـن

سئوگیلیم، بیر سؤیله، جئیران یاخشیدیر، سن یاخشیسـان؟

بیر دؤنوب باخمـاقـلا تئـز آلـدیـن، آپـاردیـن کـؤنلـومـی

آولاییب چالماقدا طرلان یاخشیدیـر،سـن یـاخشیسـان؟

گؤی اوزون آی رؤشن ائتمیش، حُسن ایلـه سـن یئـراوزون

نـازنینیـم، مـاهِ تـابـان یـاخشیـدیـر، ســن یــاخشیســان؟

سن کیمـی جـانـان اوچـون جـانـدان کئچـن بیـر عـاشیقـه

ای گوزه للیک تانریسی، جان یاخشیدیر، سن یاخشیسـان؟

سنده وارکـن نـازایلـه گـولمـک، دانیشمـاق، اینجـه لیـک

لطفده گولبـرگ خنـدان یـاخشیـدیـر، سـن یـاخشیسـان؟

مجلیسین خلوت، نیگـاریـن، واحـد، الـده مئـی تـوتـوب

گؤر، بوخوش عالمده سلطان یاخشیدیر، سن یاخشیسان؟

علی آقا واحد

گؤزلرین، Gözlərin

سئوگیلیم! ائـل بیلیـر مـن اهـل دردم
سندن باشقاسینـی سئـوسـم نـامـردم
غصـه دن اؤلـوره م نئیلیم کـی، هـردم
منی قویوب بـاخیـر یـانـا گـؤزلـریـن
کپریگین خنجردیر، قاشلارین کمان
ییخدیغین عاجیزه وئرمـزسـن آمـان
دئدیلر جلادسان، ائتمه زدیـم گمـان
سالاجاقدیـر منـی قـانـا گـؤزلـریـن
سنیـن الینـده دیــر هــر اختیــاریــم
ظالیم، اؤلدور منی، غمدن قورتاریم
بس کیمه سؤیله ییم، کیمـه یـالـواریم
گتیـریبـدیـر منـی جـانـا گـؤزلریـن
کؤنلومو سـالاجـاق زولفـون کمنـده
حسرتین قویماییب جان قالسین منده
او گـؤزلـر واریکـن نـه قــدر سنــده
آلاجاق کؤنلومو سـونـا گـؤزلـریـن
واحـدم، سئـوگیلیـم، مـن ده قـانیـرام
فتنـه کـار گـؤزه لــی اوزدن تــانیــرام
نئجـه دئییـم سنـه، غمــدن یــانیــرام
منیم تک اود توتوب یانا گـؤزلـریـن

علی آقا واحد

سای بیر طرفدن، Say Bir Tərəfdən

سئوگیلیم قاشلارین چـاتیـب بـاش – بـاشا

حُسنــونــه ائتمگــه هــر گــون تمــاشــا

اوفـوقلـردن چیخیـر هــر سحــر قــوشــا

گـونـش بیـر طـرفـدن، آی بیـر طـرفــدن

چـوخـدانـدیـر کسمیسـن منـدن نظـریـن

یـانیــرام عشقینــه،یــوخــدور خبــریــن

چکیبـدی قصـدیمـه جـلاد گـؤزلـریــن

کـامـان بیـر طـرفـدن، یـای بیـر طـرفــدن

سن یئری، آرخانجا زولفـون سـورونسـون

سـونبـوللـر آل یـاشیـل دونـا بـورونسـون

گونش جمالیـن آچ، آشکـار گـؤرونسـون

بـاهـار بیـر طـرفـدن، یـای بیـر طــرفــدن

حسـرتیـن یــانــدیــریــر پــروانــه لــری

قــویمــا کنــارینـــه بیگـــانـــه لـــری

آچمـا زولفــونــده کــی دیــوانــه لــری

بـاغـلا بیـر طـرفـدن، سـای بیـر طـرفـدن

اوخـونســون ائلیمیــن ظفــر نغمــه ســی

واحدین غزلی، خان نین خوش سسی

ینــه ده بـــزه سیـــن بیـــزیـــم مجلیســـی

شربـت بیـر طـرفـدن، چـای بیـر طـرفـدن

علی آقا واحد

پئشیمان دئییلم!، Peşiman Deyiləm

سئومیشم من سنـی، ای شـوخ، پشیمـان دئییلـم
سندن ال چکسم اؤلـونجـه ا گـر، انسـان دئییلـم
او وفـاسیـز کــی، سنینلــه بئلــه رفتــار ائلــه دی
من بو ایشدن، گـؤزه لیـم ذره جـه خنـدان دئییلـم
مین ا گـر دوشمنیـم اولسـا او جفـا پیشـه کیمـی
سن ده قورخما، ملگیم، من داها قورخان دئییلم
سئویرم من سنی، بی حـد و حسـاب ائتمـه منـی
سندن اؤزگـه گـؤزه لیـن عشقینـه قـوربـان دئییلـم
سن منیمله اولاجـاقسـان، نـه قـدر عـؤمـروم وار
سندن اؤزگه گؤزه لین عشقینـده نیگـاران دئییلـم
منـی سنـدن آییـرا، بلکـه اؤلـن واختــدا اجــل
واحدین عقلـی کسیـر هـر شئیـی، نـادان دئییلـم

علی آقا واحد

همی سنسن، همی من!،Həmi Sən, Həmi Mən

سئومه سه یدیم ا گر اول زولفِ خم انـدر خمـی مـن

بیردم، عؤمرومده، چکردیم می، بو درد غمی من؟

بـاشقــا بیــر دلبــره اولســایــدی محبــت منــده

بـو قـدر آه ایلـه یـانـدیـرمـازایـدیـم عـالمـی مـن!

سنیـن حُسنـونـدو منیـم عشقیمـی افـزون ائلـه یـه ن

بـؤیلـه رسـوالیغـا بـاعـث همـی سنسـن همـی مـن

من سن اولسایدیم ا گـر غیـره کـؤنـول وئـرمـزدیـم

قـویمـازایـدیـم، یئتیشـه وصلینـه نـامحـرمــی مــن

ایندی دونیا، گوزه لیم، گئت – گئـده بیـر جنّـت دیـر

سنسن حوّاسی بـوگـون عصـریمـزیـن، آدمـی مـن

اهـل ِ فقــرم، منــه اؤز جــام ِ شــرابیــم بســدیــر

نئیلـه رم کــاســه ٔ فغفــورایلــه، جــام ِ جمــی مــن

واحـد اؤپســم او گــولــون چــاهِ زنخــدانینــدان

ایستــه مــم کعبــه ٔ عُلیــادا اولان زمـــزمـــی مـــن

علی آقا واحد

جاندان بئزیکمیشم!، Candan Bezikmişəm

سئودایِ زولف، یارا او گوندن کی، دوشمـوشـم
گــویــا کــی، دام ِ غفلتــه محکــم ایلیشمیشــم
بیـرگئجـه اولمـادی، گـؤروم اول مــاه تــابــانــی
صبح آچیلسنجا هر گئجـه کـویـون گـزیشمیشـم
اغیـاره، بیلمـه دیـم ، دئـدیـم اؤز سیـرّ عشقیمـی
سهو ائتمیشم بو باره ده، خیلـی سـوروشمـوشـم
آغـزیمـدا اینـدی ده وار اونـون طعـم و لــذتــی
اول لعل ِ شکر ایله کـی، بیـر یـول اؤپـوشمـوشـم
یـانسیـن دیلیــم، او یــاره ا گــر بیــوفــا دئســم
امــــا رقیبــــدن نئجــــه دفعــــه ائشتمیشــــم
بیـر سنگـدل نیگــارِ وفــاسیــزدان اؤتــرو مــن
اغیار ایلـه او قـدر کئچـن گـون سـؤیـوشمـوشـم
یـاریـن وفـاسیـز اولمـاغـی، اغیــار طعنــه ســی
واحد، چوروتدو عؤمرومو، جاندان بئزیکمیشم

علی آقا واحد

الهام آلاسان!، İlham Alasan

سئودیگین یارین الیندن توتاسـان، جـام آلاسـان

اؤپه سن لبلرین، او نـاز ائـده، سـن طعـم آلاسـان

مبتـلاسـی اولاسـان بیـر گـولـو اوزلـو گـؤزه لیـن

هر سحر کوسدوره سن، کؤنلونو آخشام آلاسـان

شـاعیـرانـه، نـه سعـادتلـی گــؤزه ل منظــره دیــر

باخیب اؤز ایسته دیگین دلبـره، بیـر کـام آلاسـان

شؤق لعلی یئتـر عشـق اهلینـه گـول چهـره لـریـن

نه گـرک سـاقـی الینـدن مئـی ِ گـول فـام آلاسـان

یا وئریب جان وطن اوغروندا، هنر گـوستـره سـن

یـا اولـوب عشـق اسیـری، بئلـه بیـر نـام آلاسـان

اووچو گورموش قوشو صیّاد چتیـن لیکـه تـوتـار

ساده دل بیر ائله قوش تاپ کی، اونو رام آلاسـان

بیر گؤزه ل وارمی کی، ناز ائیلـه مـه گینـدن بـاشقـا

یئریشیندن، دوروشوندان باخیب الهـام آلاسـان؟

بسدیر، ای خسته کؤنول، هیجر بلاسین چکدین

سن گرک وصلـه یئتیـب، بیـر قـدر آرام آلاسـان

واحد، انعام ائده جـک یـاریـم اؤز عـاشیقلـرینـه

بلکه بیـر لطفـه گلیـب سـن ده بیـر انعـام آلاسـان

علی آقا واحد

بیزیم اولسون، Bizim Olsün

سئـوگیلیـم، بـو بـاغـدا بیـز بــاغبــانیــق
بو گول، بو لاله زار، قوی بیزیـم اولسـون!
اؤزومــوز ذؤق آلاق گــوللــریمیـــزدن
بو گولشن، بو باهار، قوی بیزیم اولسـون!
بـو ائللـر بـاغیـدیـر، اینـدی بیــز گــرک
هـامیمیـز بیـر یئـرده ا کیـب بئجــه ره ک
اذن وئر، بـو بـاغـدان بیـزده گـول دره ک
صفالـی روزگـار، قـوی بیـزیـم اولسـون!
هــامــی نیــن پــایــی وار آنــا وطنـــده
تک دوُرما گل قـوشـول بیـزیملـه سـن ده
بولبول تک سسله شک بـاغـدا، چمنـده
طبیعتـده نـه وار، قـوی بیـزیـم اولســون!
دئمیشلـر بـو سـؤزو بیــزدن قــوجــالار
ائلینـدن آیـریـلان چـوخ تئـز قـوجـالار
بـاریــلا هــر آغــاج آرتــار، اوجــالار
شاد ائللر، شن دیللر، قوی بیزیم اولسون!
دونیـــا ائللـــرینیـــن بختیــــاری ییــــق
صلحـون، عـدالتیـن بـایـراقــداری ییــق
مظلـوم انسـانـلاریــن طــرفــداری ییــق
صداقت، اعتبـار، قوی بیـزیـم اولسـون!
مــن کــی آییــرمیــرام ائلــدن اؤزومــو
تیکمیشــم خلقیمــه ایکــی گــؤزومــو
واحـدم، سئـوگیلیـم، بـو بیـر سـؤزومــو
ساخلایاق یادگار، قوی بیـزیـم اولسـون!

علی آقا واحد

کاشانه دن – کاشانه یه، Kaşanədən – Kaşanəyə

سئــوگیلیم، عکسین دوشوب پیمانه دن- پیمــانـه یـه

آرتیـریبـدیـر ذؤقـومـو میخـانـه دن – میخــانــه یــه

لیلی نین دیوانه سی مجنـون اولـوبـدور، مـن سنیـن

فـرق قـویـا عـاقیـل گـرک دیـوانـه دن – دیـوانـه یــه

شمـع ایلـه پـروانـه یـانـدی، مـن جمـال یـار ایلــه

بیـر تفـاوت قـویمـالـی پــروانــه دن – پــروانــه یــه

سؤیله نیر دیللرده چوخ عـاشیقلـریـن افسـانـه سـی

دوشمه میشـدیـرمـن کیمـی افسـانـه دن – افسـانـه یـه

یوسیفـی گـؤستـرمـک ایستـردی زولیخـا عـالمـه

چوخ گؤزه للر تـوپـلادی کـاشـانـه دن – کـاشـانـه یـه

کعبه دن بوت خانه نی هرگز آییرمـاز حـاق پـرسـت

عشقدیـر یـول گـؤستـرن جـانـانـه دن – جـانـانـه یـه

تاپمادی، واحد، هله هئچ کس بو خطین صاحبین

((قـالـدی بـو دونیـا ائـوی دیـوانـه دن – دیـوانـه یــه))

علی آقا واحد

شانه دولانسین!،Şanə Dolansin

زولفینده نه لازم، گـؤزه لیـم، شـانـه دولانسیـن؟
قـویمـا او حـرمخـانـه نـی بیگـانـه دولانسیــن!
عیب ائیله مه، کویوندا دولانسام گئجه گـونـدوز
شمعیـن گـرک اطـرافینــا پــروانــه دولانسیــن
ساقی! دولانیم بـاشینـا، مئـی جـامینـی گـزدیـر
سرمسـت اولـوم، بـاشیمـا مئیخـانـه دولانسیـن
اول زولفه کؤنول وئرمه، دئییرلر منه، ال چک
اونسـوز نئجـه بـس بـودلِ دیـوانـه دولانسیــن؟
مجنـون نـه بـرابـر منـه! صحـرالارا قــاچــدی
عشق اهلی اودور، عرصه ده مردانـه دولانسیـن!
اغیـارایلـه اؤز یـارینـی همـدم گـؤره ن عـاشیـق!
دوشسون او گرک دشـت و بیـابـانـه دولانسیـن!
سرخوشلق ایله عؤمرونی صرف ائیله مه، واحد!
عارف اونا دئرلر کـی، حکیمـانـه دولانسیـن!

علی آقا واحد

ای مه لقا!،Ey Məhliqa

زولفونه مشـک ختـا سـؤیلـه دی، قیلـدی خطـا

زولفونـون بیـر تئلینـه مشـک اولا بیلمـزدی بهـا

دل پـرخـونیمـی سـوراخ قیلیـب غمـزن اوخــو

نئـی کیمـی جسمیمـه ووردوقجـا ائـدرآه و نـوا

دؤنه – دؤنه اوره گیـم قـان اولـو گـؤردوکـده لبیـن

لعل نـابینـدان آلیـب بـاغـدا گـول، ذؤق و صفـا

تاغ ِ قاشین کیمی خم اولـدو قـدّیـم گـؤردوکـده

سجده ائتـدیکـده او خـم قـاشینـا، ای مـاه لقـا!

زولف تک اینجه لیب هیجرینده بو نازیک بدنیم

وار اومیـدیــم، یئتــره وصلــه منــی بــاد صبــا

سـر کـویـونـدا گــدالیقــدا قبــول ائیلــه منــی

کیم کی شاه اولسا، نیگاریم، اونا لازیمـدی گـدا

متصل واحده جؤر ائیلـه مـک اولمـوش کـاریـن

بسدی بو ظلـم و اذّیـت، بـو قـدر جـؤر و جفـا

علی آقا واحد

هره بیر یانه چکر، Hər Bir Yanə Çəkər

زولفونـه نـاز ایلـه هـردم او پـری شـانـه چکـر
کؤنلومو بند ائدیب اول زولفِ پریشانـه چکـر
گولشن ِ حُسنده زولف ایچره قویوب خالِ سیه
کؤنلومون مُرغونو اول دامه طرف دانـه چکـر
دایـم اغیـاریـم ایلـه محـرم اولـوب جـانـانیـم
مبتلا عاشیقی گـؤردوکـده اوزون یـانـه چکـر
هـوس ِ زولفـو منـی چکـدی بیـابـانـه طـرف
عشـقِ لیلـی نئجـه مجنـونـو بیـابـانــه چکــر!
ائتمـه عشـق اهلینـه بیهـوده مـذمـت، زاهیـد!
نه قانیرسان، بـو بـلاکئشلـری، آیـانـه چکـر؟
بو قارا گـؤزلـو گـؤزه للـر منـی دیـوانـه کیمـی
زولف زنجیرینه باغلار، هـره بیـر یـانـه چکـر
آلیـــر اغیـــار صفـــا طـــرهٔ مشکینینــــدن
متصـل دردینـی آنجـاق دلِ دیــوانــه چکــر
آتشِ عشق ایلـه، واحـد، یـانیـرام، مـن بیلیـرم
شمع اوندا اونوکـی، هـر گئجـه پـروانـه چکـر

علی آقا واحد

معرکه دوشدو، Mə'rəkə Düşdü

زولفون گؤتور اوزدن دئدیم، اول مه شکّه دوشدو

آیینـه کیمـی کـؤنلـومـه گـؤردوم، لکــه دوشــدو

خـالِ سیهیـن گـوشـهٔ چشمینــده گــؤره ن تــک

دریـادا گـزن فیکـریمــه گلــدی تیکــه دوشــدو

ابـرولـرینـا تیــغ دئــدیــم، قــانیمــی تــؤکــدو

قان ایله مه میش گؤرنـه بـؤیـوک معـرکـه دوشـدو!

بیلدیم کی، منی اؤلدوره جـک نـازیلـه اول شـوخ

بـو واهیمـه دن قلبیمــه میــن سکسکــه دوشــدو

جور ائتمه، دئدیم، عاشیقینه رحـم ائلـه، ای گـول

چوخ ظلم ائدن آخیرده گلیب پیس کؤکه دوشدو

زاهیـد منــه تــرک ائیلــه ، دئــدی بــادهٔ نــابــی

بیرسؤز دئدی، یوز دفعه باشینـدان یئکـه دوشـدو

گاه کـؤنلـومـو ایستـر آلا غمـزن، گهـی چشمیـن

بیچاره نی گؤر بیـر نئجـه چـک هـاچکـه دوشـدو

واحـد نـه قـدر اینجـه غــزللــر دئمیــش آممــا

باشدان ـ باشـا بـو بیـر غـزلـی مضحکـه دوشـدو

علی آقا واحد

شمع پروانه سیز اولماز، Şəm Pərvanəsiz Olmaz

زولفون نییه بیرآن، گؤزه لیم، شانه سیز اولماز!
عادت بئله دیـر عشق ائوی بیگانـه سیـز اولمـاز!
طعن ائیله مه، زولفوندن اوُزاقلاشماسا کؤنلـوم
بیر یئرده کی زنجیراولا، دیـوانـه سیـز اولمـاز!
غمـدن یـانیـرام، رویـونـو گـؤستـرمــه رقیبــه
بیر شمع کی، شؤق آرتیرا، پروانه سیز اولمـاز!
مخمور گؤزون قویمادی بیر کؤنلومی راحـت
بیردم بو ستم خانـه سـی مستـانـه سیـز اولمـاز!
سـن شـؤقِ لـبِ یـارایلـه ایـچ، بـاده ایچینــده
کیمدیر دئیه، مئی مجلیسی پیمانه سیز اولمـاز!
بیر دلبرین عشقینـده بـوتـون دیللـره دوشـدوم
هنگامه دیر، عشق عالمی، افسانه سیز اولمـاز!
واحد مئی ایچیر گیزلی، دئییرلردی ائشیتدیـم
او رندِ خرابـاتـی دیـر، میخـانـه سیـز اولمـاز!

علی آقا واحد

نه ملاحتلی سسین وار، Nə Məlahətli Səsin Var

زولفون کیمی، ای گول، نه عطیـرلـی نفسیـن وار

یوخسا بـو لطـافتلـه جـان آلمـاق هـوسیـن وار؟

روحوم دیریلیر، ناز ایله هر دم کی، گـولـورسـن

حئیرتده یم، ای گول، نـه مـلاحتلـی سسیـن وار!

طـاووس کیمــی آزاده گــزیریســن بــو چمنــده

بـولبـول کیمـی نـه خـار غمیـن، نـه قفسیــن وار

فـریـادینـا یئتـدیکلــریــن ایمــدادیــوا یئتمــز

فیکر ائتمه، بو عالمـده، کـؤنـول، دادرسیـن وار

واحـد،منیـم ایستکلـی گـؤزه ل یــاریمــا بنــزه ر

آختار بوتون عالمده، گوره ک هانسی کسین وار

علی آقا واحد

شانه نئیله سین؟، Şanə Neyləsin

زولفون داغیلماق عادتیدر، شانـه نئیلـه سیـن؟
یارین وفـاسـی اولمـاسـا، بیگـانـه نئیلـه سیـن؟
پـروانـه عشقـی وار، دولانیـر شمــع بــاشینــا
شمع ایسه یاندیریـر اونـو، پـروانـه نئیلـه سیـن؟
زولفونـده نـالـه ائیلـه سـه اینجیتمـه کـؤنلـومـو
زنجیـره تـاب قیلمـاسـا، دیـوانـه نئیلـه سیــن؟
معشوقون اؤزگه لـرلـه گـزیـر، اوُممـا خلـق دن
بیر ائوکی گئتدی غارته، هم خانـه نئیلـه سیـن؟
گول غنچه لیقدان، عادت ائدیب بی وفـالیغـی
دؤنموشسه بولبولون اورگـی قـانـا نئیلـه سیـن؟
ییخدی رقیب کؤنلوم ائوین، وصل ِ یار ایچون
دشمن منم، بـو ظـالیمـه کـاشـانـه نئیلـه سیـن؟
میخـانـه نیــن شــرافتینــی آنــلا، بــاده ایــچ
سرخوشلیق ائیله دین، بونا میخانـه نئیلـه سیـن؟
سینـدیـر طبیعتینـده اولان جهـل شیشـه سیــن
سیندرما مست اولان کیمی پیمانه نئیلـه سیـن؟
واحد، دئییـرسـه خلقـه حکیمـانـه بـاده ایـچ
همدم فسـاد اولانـدا، حکیمـانـه نئیلـه سیـن؟

علی آقا واحد

مبارک وطن!، Mübarək Vətən

زولـفِ عنبـر شکنـی، اول بـوتِ شکّـر سخنیـن

سـالـدی صحـرا لـره مشگیــن غــزالِ ختنیــن

لبلـریـن صحبتـی تـا دوشـدی آغیـزدان آغـزا

قـدری اسگیلـدی او گـونـدن بـری لعـل ِیمنیـن

گول گریبانینی چـاک ائتـدی اوزون شـؤقـونـدن

غنجـه نیـن بـاغـرینـی قـان ائتـدی خیـالِ دهنیـن

پیـرِ کنعـان بـو وجـاهتلـه سنـی گــؤرســه یــدی

حسرتین چکمه زایدی یـوسـفِ گـول پیـرهنیـن

سـاقـی ِ مجلیـس ِ مئـی اولمـاسـا گـول رولـردن

اولمـاز عشـق اهلینـه تـأثیــری شــرابِ کهنیــن

جلوه گـر اولمـاسـا بـاغ ایچـره ا گـر قـامـتِ یـار

بیـزه دوزخ گـؤرونـور سـایـه سـی سـروِ چمنیــن

چکمه سه یدیم من ا گر هیجرینی هر لاله روخون

چوخدان آثاری ایتیب گئتمیش ایدی کـوه کَنیـن

واحـد! البتـه، یـانــار آتــش ِ غــربتــده مــدام

بیلمه سه قدرینـی هـر کیـم کـی، مبـارک وطنیـن

علی آقا واحد

منی عفو ائت!، Məni Əfv Et

روخـون گـؤستـرسـه اول مهـوش ا گـر زیـرِ نقـابینـدن
یقین کی، دؤنـدره ر اوز گـؤیـده چـرخ اؤز آفتـابینـدن
دئمین مجنونا عـاشیـق کیـم، دئییلـدیـر اول منـه همتـا
قویوب صحرایه اوز، قاچمیشدیر او عشقین عذابیندن
نـه منـده تـاب واردیـر، نـاز و غمـزه چکمگـه بیــردم
نـه ده ال چکمـز اول یـاریــم بئلــه نــاز و عتــابینــدان
ریـا ایلــه منــه تکلیــف مسجــد قیلمــا، ای زاهیــد
گناهکارم، منی عفو ائت، کئچرمـی کـس ثـوابینـدان؟
گؤروب روخسار و زولف یاریمی دون شب، مهِ تـابـان
اوزون گیزلتـدی ابـرو ظلمـت ایچـره اؤز حجـابینـدان
بوسـاطِ عشقـدن، واحـد، بیـزی منـع ائیلـه ییـر زاهیـد
نه بیلسین، بی خبردیر، دادماییـب عشقیـن شـرابینـدان

علی آقا واحد

سر افراز ائده سن!، Sər Afraz Edəsən

راضییام، سئوگیلیم، هرگون منه مین ناز ائده سن

اؤزگه لر تـک منـی ده لطفیلـه دمسـاز ائـده سـن

مئیلیم آرتیر سنه جؤرون منـه اولـدوقجـا فـزون

قورخورام، جؤرونو لطف ایله منه آز ائـده سـن

اؤتمه کهلیک کیمی مین نازایله، الـوان گئیینیـب

بیزیم اطرافدا، اولماز می کی، پرواز ائـده سـن؟

بیر اؤزون فیکر ائله، انصاف، دئییلدیر، گؤزه لیم

گیزلی اؤز سیرّیمیزه اوزگه نـی همـراز ائـده سـن

گولمـه سینلـر بیـزه بیگـانـه لـر، آغـلاتمـا منـی

ییخدیغین عاشیقی اولمزمی سرافراز ائده سـن؟

واحد، ایسترسن ا گر عشقده، مشهور اولاسـان

سن گر ک آه ایله مجنون دئییب آواز ائده سـن!

علی آقا واحد

عجب اولدو، Əcəb Oldü

دیندیـرمـه دی، ای دل، سنـی جـانـان، عجـب الـدو!
ائتـدیــن نــه قــدر نــالــه و افغــان، عجــب الــدو!
یــوز دفعــه دئــدیــم، وصــل تمنــاسینــا دوشمـــه
یـانـدیـردی سنـی محنـت و هیجـران، عجـب الـدو!
گـول اوزلـو گـؤزه ل یـاریـن اولـوب غئیـر ایلـه همـدم
چیخسین گؤزون، اولسون جیگرین قان، عجب الدو!
اول زولفه کؤنول وئرمه، دئدیـم، قـوی دئسیـن عـالـم
اینــدی سنـــه دیـــوانـــهٔ دؤوران، عجـــب الـــدو!
قـویـدون نییـه اغیـاری یــاخیــن کــؤیــوا یــاریــن؟
جنّتـدن اؤزاقــلاشمــادی شیطــان، عجــب الــدو!
واحــد، ائلــه بیــر دؤورده گلــدیــک بــو جهــانــه
بیـر گـؤزده گـؤرونـدو بـوتـون انسـان، عجـب الـدو!

علی آقا واحد

فرصت اولاندا، Fursət Olanda

دیندیـر منـی هـردن، گـؤزه لیـم، فـرصـت اولانـدا،

وصلیـن بیـزه بیـر آن، نـه اولار، قسمــت اولانــدا؟

بـاخ، گـؤر منـی زولفـون نـه پـریشـانلیغـا سـالـدی،

بیــر گــون آچــارام دردیمــی جمعیّــت اولانــدا.

یـوزلـرجـه جفـا ائتسـن، اوُنـوتمـاز سنـی کـؤنلـوم،

فیکریمده سن، ای گول، یئنه هـر صحبـت اولانـدا.

بیگـانـه ا گـر اولمـاســا، تئــز وصلــه یئتــردیــک،

کیم خئیر گؤروب، دوشمنی کـم فـرصـت اولانـدا؟

زولفون کی، توتوب روُیونو، چوخ قورخورام اوندان

عـالـم تـوخـونـار بیــر بیــرینــه ظلمــت اولانــدا.

کؤنلوم نئجـه سنسیـز، گـؤزه لیـم، نـالـه سیـز اولسـون

بـولبـول دایـانـارمـی گـولـونــه حســرت اولانــدا؟

واحـد، هلـه قـارشینـدا بـؤیـوک بیـر گلـه جـک وار

دونیــا بیــزه لــذّت وئــره جــک جنّــت اولانــدا!

علی آقا واحد