آهسته، بولبولوم، اوخو، دلدار اویانمـاسیـن!

نازیله یاتمیش اول گولِ بی خار اویـانمـاسیـن!

صبحون زامـانـی دردی جـوشـار بینـوالـریـن

گیزلینده ناله چک، او جفا کار اویـانمـاسیـن!

یوخدور غمیم، اویانسا او گول، آرزوم بـودور

یانسیـن رقیبیـم اودلارا، اغیـار اویـانمـاسیـن!

ای مـاه پـاره لـر، بــو گئجــه یــار گلمــه ییــب

سؤنسون فلکده ثابت و سیّـار، اویـانمـاسیـن!

سوزگون باخشلا یار سئویندیردی کـؤنلـومـو

گؤرجک طبیبینی نئجـه بیمـار اویـانمـاسیـن!

چشمینده فتنه وار او گولـون، احتیـاط ائـدیـن

ممکن دئییل کی، مستِ خطا کار اویانماسین!

واحـد، دئییلـر اینـدی ده میخـانــه لــرده دیــر

اؤز تؤبه سین کی، ائیله دی اینکار اویانماسیـن!

علی آقا واحد