باشقادیر!!!، Başqadir

ای کؤنول، عشق عالمین سئیر ائت، بو عالم باشقادیـر

کیم، بو عالمـده مسـرت بـاشقـا، مـاتـم بـاشقـادیـر!

دم غنیمتـدیـر، دئمیشلـر، بیـر گـول اوزلـو یــارایلــه

همدم اول، مئی جامین الده توت کی، بو دم باشقادیر!

مــن نئجــه ابــرولارا مــاهِ محـــرم ســـؤیلـــه ییـــم

بـو قیلینجـلار بـاشقـادیـر، مـاهِ محـرم بـاشقــادیــر!

کیـم دئسـه گیسـویِ پـرخـم زولفـونـه، دیـوانــه دیــر

عشقـده زنجیـر بـاشقـا، زولـفِ پـرخـم بـاشقـادیـر!

کـویـونـا گلمـزسـه زاهیـد، وجهـی وار، معـذور دور

اول کی، جنت وار، دئمیشلر، اونـدا آدم بـاشقـادیـر!

قطـره ـ قطـره تـر دوزولمـوش روُیـونـا، شبنـم دئییــل

پـربهـا دوردانـه دیـر، گـول اوزره شبنـم بـاشقــادیــر!

شعردن بحث ائتمه، واحد، بیزده دونیا گؤرمـوشـوک

شعـرده آذر  کیمـی اوستـادِ اعظــم بــاشقــادیــر!

علی آقا واحد

 

نزاکت اؤزگه دیر، Nəzakət Özgədir

ای کؤنول، سن سئودیگین اول نازلی آفت اؤزگه دیر!

بـولبـولِ شیـدایـا گــولــزارِ لطــافــت اؤزگــه دیــر!

عاشیق و معشوق مست اولمـوش خیـالِ وصـل ایلـه

بــارگــاهِ عشقــده، ذؤق خــلا فــت اؤزگــه دیـــر!

دهــرده دیــدارِ یــارایلــه ظــرافــت ائتمـــه دیـــم

اهـل ِ عشقـه کـویِ جـانـانـدا شـرافـت اؤزگـه دیــر!

قورموشوق بیز بو ضیافت مجلیسیـن بیـر شـؤق ایلـه

اینجه لیک، مین نازنین صحبت، ظرافـت اؤزگـه دیـر!

خلقیمیـز یـوزلـرجـه مجلیسلـر، ظیـافتلـر گـؤروب

ان گؤزه ل، قیمت لی، ان عالـی ضیـافـت اؤزگـه دیـر!

نـازنینلـر بیـر طـرف، بیـر یـانـدا رنـدِ مئـی پـرسـت

بیـر اشـاره عــارفــه ائیلــر کفــایــت، اؤزگــه دیــر!

ظن ائدیردیم گـؤرمـه دن، واحـد، نـزاکـت اهلیسـن

آنلادیم گؤرجک سنـی، اهـل ِ نـزاکـت اؤزگـه دیـر!

علی آقا واحد

یاشاسین صولح!، Yaşasin Sülh

ای کؤنول، سئوائله جانـانـی، گـول انـدام اولسـون

سـؤزو شیـریـن، اؤزو بیـر شـوخ ِ دلارام اولســون

هـر گـؤرنـده سنـه مستـانـه گـولـوشلـرلـه بـاخـان

بـــو نـــزا کتلـــه او بیـــر فتنـــهٔ ایـــام اولســــون

اولاسـان اووچـوسـو دایـم ائلـه رعنـا گــؤزه لیــن

سنــه آهــو کیمــی هـــردن اؤزوده رام اولســـون

بوندان آرتیق دا سعادتمـی اولار عـاشیـق اوچـون

یاری هم مجلیس، الینده مئـیِ گـولفـام اولسـون!؟

بو گؤزه ل مجلیسیمیز، روحاغیـدا مـوسیقـی دیـر

ساکیت اگلشمه لی، قوی موسیقی اتمـام اولسـون!

کاما یئتمک لیگه قـویمـور منـی کـویـونـدا رقیـب

خلقـی نـا کـام ائلـه یـن کـس اؤزو نـاکـام اولسـون!

یاری اغیارایله گـؤرجـک، دئمـه، فـریـاد ائلـه مـه

گول اولا خارایلـه ، بـولبـول نئجـه آرام اولسـون!

ائلیمیـز شـاددی، وطـن ده گـونـو ـ گـونـدن آبــاد

یاشاسین صولحو سئونلر، هامی خوش کام اولسون

قورخما، عشق عالمی ،آخیـر سنـی بـدنـام ائتسـه

گـرک عـاشیـق لیـک ائـدن دهـره بـدنـام اولسـون

واحد، ایسترسن ا گر، مـوسیقـی دن ذؤق آلاسـان

مجلیسینده هم ابوالفتح، همی بهرام اولسون!

علی آقا واحد

 

شادام اوندان!، Şadam Ondan

ای کؤنول، دونیاده چوخ نـادانـی انسـان ائتمیشـم

جـاهیلـی علـم و ادب شـؤقیلـه انسـان ائتمیشــم

آشنـالیـق خـاطـریچیـن دؤزمـوشـم هـر زحمتـه

ال اوزوب بیگانه دن جان دوستا قـوربـان ائتمیشـم

چوخ صداقت، مرحمت گؤسترمیشم همدردلره

عاجیزه، مظلوما دایـم لطـف و احسـان ائتمیشـم

اقربالار خئیرخواهی اولمـوشـام عـؤمـروم بـویـو

قان ایچن ظالیملارین حـالیـن پـریشـان ائتمیشـم

توتموشام حؤرمتلرین عاریف اولان انسانـلاریـن

حق سئوه نلر خاطیرین هر لحظه خنـدان ائتمیشـم

مرحمت گؤسترمیشـم قـوّه م چـاتینجـا خـالقیمـا

بینــوالار دردینــه تــدبیــر و درمــان ائتمیشـــم

شادام اوندان، والدینیم راضی گئتمیش تـورپـاغـا

احتیاجین اونلارین سـاغلیقـدا هـر آن ائتمیشـم

والـدینـه مـن ائـدن حـؤرمتلـریـن مینـدن بیـریـن

بـونـلار ائتمـزلـر منـه، یـوز آه و افغـان ائتمیشـم

یادگار اولسون، بو شعـری واحـده یـازدیـرمیشـام

مـن اونـون دا قلبینـی دردیملـه سـوزان ائتمیشــم

علی آقا واحد

هئچ کیم بیلمه سین!، Heç Kim Bilməsin

ای کؤنول، آهسته گئت گولزاره،هئـچ کیـم بیلمـه سیـن

گیزلی چیخمیش سئیره اول مهپاره،هئچ کیم بیلمه سین

یار اوچون گؤزیاشی تؤ کسم، قورخورام بیلسین رقیـب

ممکن اولماز، آخسا بیر فواره،هئـچ کیـم بیلمـه سیـن

یاری اغیار ایله گؤرموشلر، ائشیتـدیـم، کیـم گـؤروب

همدم اولسون گول چمنده خاره،هئچ کیم بیلمه سیـن؟

اول قـارا زولفـو سئـونـدن گــؤر نئجــه دیــوانــه یــم

گئتدیم آچدیم سیرّیمی اغیـاره،هئـچ کیـم بیلمـه سیـن

من نئجه گیزلین تـوتـوم ائلـدن بـلاسیـن کـؤنلـومـون؟

یـانسـا پـروانـه نـه ممکـن نـاره،هئـچ کیـم بیلمـه سیـن

عـاجیـزانـه ایستـه دیـم، گـول لـب لـرینـدن کــام آلام

گلدی یوزمیـن نـاز ایلـه گفتـاره،هئـچ کیـم بیلمـه سیـن

من گرک،واحد، دئیـه ایـدیـم یـارا گیـزلیـن دردیمـی

بلکه، یار ائتسین منـه بیـر چـاره،هئـچ کیـم بیلمـه سیـن

علی آقا واحد

سن دئدین!، Sən Dedin

ای کونول، اول شوخه جانان من دئمزدیم، سن دئدین

جان بئله جانانا قوربـان مـن دئمـزدیـم، سـن دئـدیـن

کیم بیلیردی لعل ِ جانـانیـن صفـابخـش اولـدوغـون؟

بؤیله سیرّی خلقه پنهان مـن دئمـزدیـم، سـن دئـدیـن

نـازایلـه میـن جـان آلان مـه رولـریـن گــول لبلــریــن

عاشیقین دردینه درمان مـن دئمـزدیـم، سـن دئـدیـن

مه اوزون خورشیـده بنـزتـدیـم، هیـلالـه قـاشـلاریـن

وار سنین فیکرینده نقصان، من دئمزدیم، سن دئدیـن

هـر گـول اوزلـو دلبـریـن دوشمــه خیــالِ زولفــونــه

قلبینـی ائیلـر پـریشـان، مـن دئمـزدیـم، سـن دئـدیـن

عصـری گـؤرمـور، اینـدی ده جنّـت تمنـاسینـدادیــر

زاهیـدِ بـی ذؤقـه نـادان مـن دئمـزدیـم، سـن دئـدیـن

زولفِ جاناندان دل اوزموش، سانکی بیر دایـوانـه دیـر

واحدین حاقیندا بهتـان مـن دئمـزدیـم، سـن دئـدیـن

علی آقا واحد

گؤزه ل مجلیس، Gözəl Məclis

ای کـؤنـول، وار بـو ضیـافتـده شـرافـت بــو گئجــه

بیر گؤزه ل نـؤرس اوچـونـدر بـو ضیـافـت بـو گئجـه

خلقیمیــز غصــه و غمــدن اوزاق اولســون یــارب

بـو صفـا مجلیسینـه ائتمــه سیــن آفــت بــو گئجــه

توپلاشیب بیر یئره دوست آشنا، هامی خاطیری شاد

گول، دانیش صبحـه کیمـی ائیلـه ظـرافـت بـو گئجـه

مـوسیقـی ذؤق وئـریـر روحـونـا پــشمــرده لــریــن

تـاپـاجـاق دردینـه هـر شخـس شفـاعـت بـو گئجـه

یوسیـفِ مصـر، سـاییـرسـان کـی، زولیخـایـه گـؤره

قـوردوروب عـزّت ایلـه خـطِ خـلافـت بــو گئجــه

اولمـامیـش بیــر کســه دونیــادا میّســر بئلــه تــوی

هامـی شـادلیقـلا اولـور مجلیسـه دعـوت بـو گئجـه

بـو گـؤزه ل مجلیسـه بیـر شعـر یــازارســان، واحــد

سـن ده گـؤستـرمـه لیسـن خلقـه نـزا کـت بـو گئجــه

علی آقا واحد

بو گئجه، Bü Gecə

ای کـؤنـول، ائیلمـه بـولبـول کیمـی افغـان بـو گئجـه!

سن گره کدیر، اولاسان گول کیمی خنـدان بـو گئجـه!

بیز بو شادلیق گونـونـو فخـرایلـه تبـریـک ائـدریـک

گـؤستـریـر عـاشیقـه اؤز لطفـونـو جـانـان بـو گئجـه!

گـول اوچـون بـولبـولِ شیـدا نییـه فـریــاد ائلــه سیــن

ذؤق و شؤق ایله صفـالانـدی گـولـوستـان بـو گئجـه!

شعــرا اهلینــه تــاریخــی گــؤزه ل گــونـــدور بـــو

قـدر ایلـه یئتـدی مکـافـاتـا سلیمــان بــو گئجــه!

اوتوز ایل لیک، بـو عـزیـز شـاعیـره قیمـت وئـریلیـر

یئـری ورا، فخـر ائلـه ســه آذربــایجــان بــو گئجــه!

خلقیمیـز هـر گـز اوُنـوتمـاز بـو شــرافتلــی گــونــو

بیزه گؤستـردی بـو خـوش طـالعـی دؤران بـو گئجـه!

هـامینیـن قلبـی سئـونــج ایلــه، فــرحلــه دولــودور

بو بؤیوک حـؤرمتـه حئیـران قـالیـر انسـان بـو گئجـه!

یاشاسین علم و معـارف، یـاشـاسیـن صنعـت و شعـر

گـولـدو اؤز نـورو ایلـه چهـرهٔ عــرفــان بــو گئجــه!

نـه اولار، واحـد، ا گـر مجلیسیمیــز ســا کیــت اولا

علی آقا واحد

عجب ماجراده یم!، Əcəb Macəradəyəm

ای قـارا گـؤزلـو، زولفـون الینـدن بـلاده یــم

بیر درده دوشموشم کی، بو گونله صبـاده یـم!

آغلاتدی خالقی گؤز یاشیـم احـوالِ زاریمـه

بیر یول سوروشمادین کی، نه محنت سراده یم

ای بیـوفـا، بـو حـالیمـا بیـر قیلمـادیـن نظــر

عشقینده متصـل گئجـه گـونـدوز جفـاده یـم

هر یاندان اوستومه تؤ کـولـر طعنـه داشـلاری

مرد عاشیقم کی، گؤرنئجـه یـالقیـز آراده یـم!

بیر یان رقیب طعنه سی، بیر یـان سنیـن غمیـن

بیلمه م، نه سیرّدیر بو، عجـب مـاجـراده یـم؟!

نذیر ائمیشم، یولوندا گـر ک جـان فـدا ائـدم

اولسـون قسـم او جـانـانــا، بــو ادعــاده یــم

واحد، صفای عالمـی وئـردیـم بـوتـون سنـه

عؤمـروم قـوتـاردی، مـن دخـی راهِ فنـاده یـم

علی آقا واحد

ناز ائله مه، Naz Eyləmə

ای غنچه دهـان، نـاز ائلـه مـه، ائـومـی ییخـارسـان

انـدام ِ لطیفیـن گـونـه وئـرمـه، سـولــوخــارســان

جـؤر ائتمـک ایلـه عـاشیـقِ بـی کسلـره، ظـالیــم

فیکر ائیله مه کی، آخیـری بیـر یـانـه چـاتـارسـان!

قـویمـا، گـولــوم، اغیــاری اولا وصلینــه محــرم

نـازیکـدیـر او اینجـه بـدنیـن، تئـز سینیخـارســان

بیـر یـول بیـزیـم اطـرافــادا هــردن، گــذر ائیلــه

یالقیز، گـؤزه لیـم، ائـوده اوتـورمـا، داریخـارسـان

قان اولدومی، ای گول اوزونو ایسته دیـم اؤپمـک؟

نازیکدی دئدین، قلبیمـی اینجیتمـه، سیخـارسـان

واحد، دوشون، اؤز قدرینی، چوخ اولما مئی آلود

آخیـر رهِ میخـانـه ده بیـر گـون بـویـوخـارســان

علی آقا واحد

واحد غزل یاز!، Vahid Qəzəl Yaz

ای ظلم ائوی، تئـز محـو اولاجـاقسـان تملینـدن

اؤلادِ بشــر قــوُرتــاراجــاق قــانلــی الینـــدن

آرخانجا سوئت سونگولری باش – باشا چاتمیش

گـویـا خبـریـن یـوخــدور هلــه اؤز اجلینــدن

تاریـخ گلـه جـک نسلـه سنـی گـؤستـره جکـدیـر

نفـرت یـاغـاجـاق نــامینــا ضــرب المثلینــدن

قان یاش تؤ کور آوروپا، بوتون مـاتمـه بـاتمیـش

جئیننـدی جهــان اهلــی بــو مــردارعملینــدن

مین لرجه بشـر نسلـی قـالیـب یـوردونـا حسـرت

مین فاجعه باش وئـردی بـو جنـگ و جـدلینـدن

نـامـردلیگینـی خـاقـا ثبـوت ائیلـه دیــن آخیــر

ذاتـاً، ائلـه ســن خــایــن ایمیشسن ازلینـــدن

واحـد، وطـن اوغــرونــدا محبتلــه غــزل یــاز

دؤیـدوقجـا کـؤنـول لـذت آلا هـر غــزلینــدن

علی آقا واحد

جسارتله شعر یاز!، Cəsarətlə Şeir Yaz

ای شوخ نازنیـن، نـه گـؤزه لـدیـر مـلاحتیـن!

هئچ کس اسیری اولمایا بیر سن تـک آفتیـن!

هر عاشیقین کی، جنّتی گؤرمک خیـالـی وار

گـؤستـر جمـالینـی، گـؤزه لیـم، وار لیـاقتیــن

یارب، بو مجلیس اهلینی شاد ائیله هـر زمـان

غمدن خیلاص قیل، اوزو گولسون جماعتین

اولسون همیشه عیش ایلـه عشـرتلـه خلقیمیـز

قـالـدیـر، ایـلاهـی، شـأنینـی بــو ولایتیــن!

هر بیر کس اؤز رفیقی ایله ساکیت اگلـه شیـب

گـولمکـده دیـر، شـرافتـی وار بـو ضیـافتیـن

اولسون او گون کی، توی ائله یک نوجاوانلارا

شادلیقدا کئچسین، ای کؤنول، ایـام ِ فـرقتیـن

اهـل ِ ریـا بهشتـی سئـویـر، کـویِ یـاری بیــز

بونـدان گـؤزه ل نـه عـالمـی وار بـاغ ِ جنّتیـن؟!

بیر یاندا اهل ِ موسیقی، بیـر یـانـدا اهـل ِ ذؤق

ای خلق، دائمـی یـاشـاسیـن بـؤیلـه عـادتیـن

واحد، وطـن یـولـونـدا جسـارتلـه شعـر یـاز

خلقین یانینـدا یـوکسلـه جکـدیـر شـرافتیـن!

علی آقا واحد

ائدم گرک!، Edəm Gərəg

ای دل، فــراق یــاردا افغــان ائــدم گــر ک

هیجران اودویلا تا سنـی بـریـان ائـدم گـر ک

زولفِ نیگاری بوینوما زنجیـر تـک سـالیـب

مجنون کیمی بو چؤللری جؤلان ائدم گر ک

لعــل ِ لبینــدن آیــری دوشــن بینــوا منــم

بولبول صفـت فـراقـدا دل قـان ائـدم گـر ک

عهـد ائتمیشـم زامـانـدا وصلیـن بهــاسینــا

خاکِ رهینله جسمیمی یکسـان ائـدم گـر ک

ای دل، فـراقِ یـار ائـدیـب صبـر، عشقیمــه

اغیارِ زشـت خـولاری حئیـران ائـدم گـر ک

واحـد، او قـدر نـالــه ائــدیــب آه و زاردن

اهـل ِ جهـانـی حـالِ پـریشـان ائـدم گــر ک

علی آقا واحد

مذمّت ائیله مه یین دلربالاری!، Məzəmmət Eyləməyin Dilrübaləri

ای دل، اوُنـوتمـا ظلـم ائلـه یــن مــه لقــالاری

اونـلاردیـر عشـق اسیــری ائــدن بینــوالاری

زنجیـرِ زولفـه ائتمـه هـوس، ای اسیــرِ عشــق

چوخ گورموشوک بو دامه دوشـن مبتـلالاری

حُسن اهلینین بـو عـادتـی دیـر، بـی وفـا اولار

چـوخـدا مـذّمـت ائیلـه مـه ییـن، دلـربـالاری

هر شوخه وئرمه کؤنلونو، بـاغـلانمـا زولفـونـه

چونکی چکیب بو یولدا باشیم چوخ بلالاری

دیوانه ائتمه یینجه، گـؤتـورمـز، یـاخـانـدان ال

چوخ چکـدیـم امتحـانـه بـو زولفـو قـرالاری

آلدانمـا رحـم سیـز، بـو وفـاسیـز، گـؤزه للـره

دائـم ائـدیـرلـر عـاشقــه جــؤر و جفــالاری

واحـد، جهـانـدا طعنـهٔ بیگـانـه یـاخشیـدیــر

پـر ادعـا گـؤرونجـه بـو دوسـت ،آشنـالاری

علی آقا واحد

اهل دل ایله، Əhl Dil İlə

ای دئین، خار یاخینلاشدی وفـاسیـز گـول ایلـه

گول بو آز عومرو ایله بحـث قیلیـر بـولبـول ایلـه

کاشکی، بیرده بیزه او وصلین اولایـدی قسمـت

یئنه هم صحبـت اولاق بیـر نئچـه اهـل ِ دل ایلـه

هانسی گؤیلرده ملک لـرلـه گـزیـرسـن گئجـه لـر

مه جمالین بیـزه گـؤرسنمـه ییـر آیـلا، ایـل ایلـه

مئـی بـوسـاطینـدا زهـرلنـدی حیـاتیـم غمـدن

هم قدحدین، گؤزه لیم، غیرایله شیریـن دل ایلـه

کؤنلومـو اودلار جـذب ائتـدی خیـالِ زولفـون

یاندیـرار خلـق چیـراغـی گئجـه لـر مفتیـل ایلـه

اهـل ِ حـال ایلـه جهنـم منـه جنّـت گــؤرونــور

همدم اولماقدان ایسـه تـربیـه سیـز جـاهیـل ایلـه

ائیله کی، واحد، او گـولچهـره سئـویـر اغیـاری

ظن ائدیر، سانکی ملک گؤیدن ائنیب زنبیل ایله

علی آقا واحد

ساقین! افغانیمدان!، Saqin! Əfğanimdan

ای تؤ کن نازایله قانیم، حذر ائت قـانیمـدان

تؤ کمه قانیمی، سـاقیـن آه ایلـه افغـانیمـدان

تیــرِ ابــرولــرینــه عــاشیــقِ بیچــاره فــدا

من رهِ عشقده، جانـا، گئچـه نـم جـانیمـدان

چونکی آماده دوُروب قتلیمه اول تیـرِ مـشه ن

یوخدو قورخوم، ده یه گر چاکِ گریبانیمدان

گون جمالیندی سنین نـور ائلـه یـن دونیـانـی

یا کی، آهیمدی چیخان سینهٔ سـوزانیمـدان

بیلمز اوصافینی واعظ، نه قدر وصف ائله سه

اهل ِ حال اولسا، بیلـر قلـبِ پـریشـانیمـدان

دلبـرا، واحـدِ نـالانـی وصـالــه یئتیــریــب

خوف قیـل سینـهٔ سـوزان، دل بـریـانیمـدان

علی آقا واحد

گؤزه ل، Gözəl

ای تفلیسـه گئـده ن بـاکـی گــؤزه لــی!

یـاییلـدی ائللـره ســوراغیــن سنــون

سونبوللر آچیلدی، گـوللـر قیـزاردی

دگـرکــن تفلیســه آیــاغیــن سنیــن

تـرسینـه ن اوستـونــو چیچکلــه بــزه

خـومـار بـاخیشینـا جـان گـرک دؤزه

صفـانیــن داغینــا چیــخ گــزه گــزه

تـرلتسیـن لالـه نـی یـانـاغیــن سنیــن

تـؤ کمـه آغ اؤزونـه قــارا زولفــونــو

کـؤنلـوم ده اوردادیــر آرا زولفــونــو

احتیــاطــلاً هــر دم دارا زولفــونــو

قوی دوشوب ایتمه سین داراقین سنین

سـن گـزن یئـرلـرده اؤزگـه حـال اولار

گــوللــر آیــاغینــا پـــایمـــال اولار

بیر کلمه دانیشسان، طوطـی لال اولار

گولدوره ر غنچـه نـی دوداغیـن سنیـن

واحـدم، عشقینـده داستـان قـوشـارام

بـاشقـا گـؤزه للــردن اوُزاقــلاشــارام

اؤلمـه رم، دونیـادا یـوز ایـل یـاشــارام

اولارسام بیـر گئجـه قـونـاغیـن سنیـن

علی آقا واحد

قبله گاهیمسان منیم، Qiblə Gahimsən Mənim

ای گؤزه لیک کعبه سی، سن قبلـه گـاهیمسـان منیـم

مـن گـدای عشقینـم، سـن پـادشــاهیمســان منیــم

اؤزگـه بیـر جـانـانـا جـؤرونـدن شیکـایـت ائتمـه رم

هـر جفـا ائتسـن یئنـه، اؤز دادخــواهیمســان منیــم

جان وئریب، یا جانیم آلسان، اختیـاریـم سنـده دیـر

عاجیزم قـارشینـدا، گـویـا کـی، ایـلاهیمسـان منیـم

زولفِ روخسارین اسیـری مـاهـا سـالمـاز مهـرینـی

سن بولودلاردان چیخان بیر مهر و ماهیمسـان منیـم

صید قیلمیش کؤنلومو نـاز ایلـه محـزون گـؤزلـریـن

مشـکِ عنبـر تیـره لـی آهــو نیگــاهیمســان منیــم

من بو فقریمله سنین عشقینده فخر ائتسـم نـه اولار؟

دولتیم، فخریـم، پنـاهیـم، عـزّ و جـاهیمسـان منیـم

واحـدم، جـانـا، فـرحـدن یـوکسلـه ردیـم گـؤیلــره

لطف ائدیب بیردم دئسن کیم، خاکِ راهیمسان منیم

علی آقا واحد

گونده مین گؤزه ل یارادیر، Gündə Min gözəl Yaradir

اؤیونمه چوخ، گؤزه لیم، چوخ دا گؤزلرین قارادیـر

طبیعتین ایشیـدیـر، گـونـده میـن گـؤزه ل یـارادیـر

بو جانی ایسته، ویریم، اؤزگه بیر شئییـم یـوخـدور

من عاشیقم، نه ییم اولسـا، منیمکـی آشکـارادیـر

سنـی گـؤرن کیمـی عــالــم منــه بهشتــه دؤنــور

او گون کی، گول اوزونو گؤرمه سه م، گونوم قارادیر

رقیبه وئرمه نشـان، یـاخشـی سـاخـلا قـوینـونـدا

منیم ده عشقیم او بیر جوت ده ریلمه مـش نـارادیـر

دیسه م قیلینج قاشینا، قورخورام که حرصلنه سن

سوزون دوزو، نه بیلیم، بلکه ا گری آی پارادیـر؟!

او یئرده که، ده لی کؤنلوم سنی گزیـب سـوروشـور

اؤزوم ده بیلمه ییرم چوخ زامـان، او یئـر هـارادیـر؟

رقیب طعنه سی، واحـد، منـه تـوخـونـدو اوگـون

سیزیلدایر اوره گیم، سانکی اوخ ده ییـب یـارادیـر

علی آقا واحد

بیر دلبریم اولسا، Bir Dilbərim Olsa

اؤلمزدیم، ا گر سن کیمی بیر دلبریم اولسـا

بیر آفت جان، شوخ ملک، منظریم اولسـا

هر گون دولانیب باشینا، قوُربانین اولاردیم

پروانه صفت، اوُچماغا، بال و پـریـم اولسـا

من ده سئویلردیم بوتون عـاشیقلـر ایچینـده

آهولری، مجنون ائله یـن گـؤزلـریـم اولسـا

شـؤق ایلـه نثـار ائیلـرم هـر بیـر قــدمینــده

دریا قدری الـده، دوّر و گـؤهـریـم اولسـا

کویوندا منه قوی نه بیلیـر، ائیلـه سیـن اغیـار

البته جزاسیـن چکـر، آلـلاه کـریـم اولسـا

بیگانه یه مـن بیـر بئلـه منـت مـی ائـدردیـم؟

کونلوم کیمـی بیـر یـار وفـا پـروریـم اولسـا

واحد دئمه رم دردیمـی مـن بـاشقـا نیگـارا

یاریم بیلیر عشقینده نه درد و سـریـم اولسـا

علی آقا واحد

عاقل و فرزانه یم ایندی!، Aqil O Fərzaniyəm İndi

اؤز یـاریمـا، بیلمـه م، نییـه بیگـانـه یـم اینــدی

اونسوز، ائله بیل کی، ده لی دیوانـه یـم اینـدی

زولفونده اسیر اولدوغوم اول نازلی نیگـاریـن

شمـع ِ روخـونـون دؤرونـه پـروانـه یـم اینـدی

قان اولسون او مئی، بیرده اونو مـن الـه آلسـام

صد شوکر اولا، تـرکِ رهِ میخـانـه یـم اینـدی

گؤردوکجه بو گول اوزلولرین چشم ِ سیـاهیـن

مئی سیـزده همیـن ذؤقلـه مستـانـه یـم اینـدی

نه حُسنونه، نه وصلینه محتـاجـم او شـوخـون

محتـاج بیـر اول زولـفِ پـریشـانـه یـم اینـدی

مجنونو منم ایندیکی عصرین، هانی مجنون؟

دیللـرده مـن اونـدان داهـا افسـانـه یـم اینـدی

دیـوانـه ایـدیـم عشقـده خـالقیـن نظـرینــده

شوکر ائیله، کؤنول، عاقل ِ و فرزانه یـم اینـدی

واحد، منـه کـافـر دئمـه، مـن عشـق پـرستـم

نه طالیبِ مسجید، نـه ده بـوتخـانـه یـم اینـدی

علی آقا واحد

سن اولایدین!، Sən Olaydin

اوّلده گرک سئـوگیلـی یـاریـم سـن اولایـدیـن

سرویم، چمنیم، باغ و باهاریم سـن اولایـدیـن

بولبول کیمی اطرافینـا هـر گـون دولانـایـدیـم

اؤز گولشنیم، اؤز لاله عذاریم سـن اولایـدیـن

بیر باشقـا نیگـار عشقینـه دوشمـزدیـم ازلـدن

هر گاه، گؤزه لیم، نازلی نیگاریم سن اولایدیـن

بیر اوو ایتیرن اووچوتـک آرخـانجـا گـزردیـم

گر بـؤیلـه نـزا کتـی شیکـاریـم سـن اولایـدیـن

گولزاری گزیب، نرگیسه باخمازدیـم اؤلـونجـه

عؤمروم بویو گر چشم ِ خوماریم سن اولایدین

قلبیمـده سنـی گـول کیمـی بسلـردیـم همیشـه

دؤرمـده گـزن بـولبـولِ زاریـم سـن اولایـدیـن

خوشدور منه، اؤز واحدینـم، عشقینـه یـانسـام

پیوسته گرک دیلـده شعـاریـم سـن اولایـدیـن

علی آقا واحد

آسلان یاخشیدیر، Aslan Yaxşidir

اوُیما، ای کؤنلوم، وصالِ یارا، هیجران یاخشیـدیـر

ناز ائدینجه عاشیقه ظلم ائتسه جـانـان یـاخشیـدیـر

کـویِ جـانـانـدیـر وئـرن ذؤق و محبـت عـاشیقــه

بولبولِ شیدا اوچون سئیرِ گـولـوستـان یـاخشیـدیـر

سؤز قانان بیر اهل ِ حال عشقینده جاندان کئچمه لی

قانمایان نـا اهلـدن بیـر اهـل ِ عـرفـان یـاخشیـدیـر

حیلـه گـرلیـک شـأنینـه لایـق دئییـل انســانلیغیــن

تولکوتک یالتاقالانان آلچاقدان آسلان یاخشیدیر

خالقیمیـز هـر عصـره لایـق قهـرمـانـلار بسلـه ییـر

یوزمین عاجیزدن بو گون بیر مردِ میدان یاخشیدیـر

ایندی لازیمدیـر آیـاقـلاشمـاق معـاصـر دؤورالـه

واحدا، هـر شعـرینـه بیـر تـازه عنـوان یـاخشیـدیـر

علی آقا واحد

کونول، Konül

اوُیما هر زولفو قارا، سئوگیلی جـانـانـه، کـؤنـول

بـو وفـاسیـزلـر ائـدرلـر سنـی دیـوانـه، کـؤنــول

ممکن اودوقجا چالیش، یانمایاسان عشق اودونا

شمع دن گؤرنه چکیر هر گئجـه پـروانـه، کـؤنـول

سـن هلـه عشـق کمنـدینـده اسیـر اولمـامیســان

اوُیما مجنون کیمی هر زولفِ پریشـانـه، کـؤنـول

گولده اولسایدی وفا، خار ایله یـار اولمـازایـدی

بولبولون آهی یاییلمازدی گولـوستـانـه، کـؤنـول

آشنـا اولمـاق عبـث دیـر بــو پــری چهــره لــره

یئنه بیر گون اولاجـاقـلار سنـه بیگـانـه، کـؤنـول

سئودیگین اولسا زولیخایِ زمان، سـن یـوسیـف

مکر ائدیب سالدیراجاقدیر سنی زندانه، کؤنـول

واحدین عؤمرو بوتون نازلی گؤزه للـرلـه کئچیـب

بو حقیقت سؤزو ظـن ائیلـه مـه افسـانـه، کـؤنـول

علی آقا واحد

شانه ده ینـده، Şanə Dəyəndə

اولور شکفته کؤنـول زولـفِ یـاره شـانـه ده ینـده

نئجه که اووچو اولور شـاد اوخـو نشـانـه ده ینـده

فرحله نیر اورگیم هر زمان کی، اول قاشی یایین

خدنگ غمزه سی بو چشـم خـونفشـانـه ده ینـده

زمانه اهلـی اولـور جمـع، خـالینیـن نظـاره سینـه

بهـار زمـانـی چخـار خلـق سئیـره، دانـه ده ینـده

ستـاره لـر یـانـار اول مـاهـه ذرّجــه اثــر ائتمــه ز

هاچان کـی، آهیـم اودو طـاق آسمـانـه ده ینـده

گلنـده گـردشـه الـدن آلیـر عنـان طــاقتمــی

او شهسـواریـن الـی هـر زمـان عنــانــه ده ینـده

دوباره جان وئریر انسانه، واحد، اول پـری گـویـا

بیراؤزگـه نئشـه سـی وار تیـرِ نـازی جـانـه ده ینـده

علی آقا واحد

بیر یانه سن، بیر یانه من!، Bir Yanə Sən, Bir Yanə Mən

اولموشـام، ای گـول، جمـالیـن شمعینـه پـروانـه مـن

عشـق تـرکیـن قئلمـارام اود ایچـره یـانـه ـ یـانــه مــن

چوخ خیالِ زولف ایله مجنون اولانـلار گـؤرمـوشـم

گؤرمه دیـم عـالمـده اؤز کـؤنلـوم کیمـی دیـوانـه مـن

غمــزه پیکــانیــن دریـــغ ائتمـــه دلِ عشـــاقـــدان

سینـه مـی قیلـلام هـدف اول نـاوکِ مــشگــانــه مــن

بیلمه دیم بیگانه لر، ای گـول، نـه سئحـر ائتمیـش سنـه

دوشموشه م گؤزدن، یانینـدا،اولمـوشـام بیگـانـه مـن

شیشه تک سینمیش، ائشیدیم، خاطرین مندن، گولوم

سـؤیلـه دیـم، گـزمـه رقیبیملـه، سنـه ارک یـا نـه مــن

یــارایلــه اولســام ا گــر بیــر گــوشــهٔ ویـــرانـــه ده

کـافـرم، وئـرسـم بـو بـزمـی روضـهٔ رضــوانــه مــن

کؤنلومو سـن زولـف ایلـه، مـن آهیمیلـه سئـو گیلیـم

دارتیریـق دیـوانـه تـک بیـر یـانـه سـن، بیـر یـانـه مـن

نازنین، گـول اوزلـو، جـانـانـلاردیـر عشقیـن لـذتـی

نئیله ییـم، بـس گلمـه ییـم بـولبـول کیمـی افغـانـه مـن

دل گشـا مـه پـاره لـر زولفـونـدن آلسـام کــؤنلــومــو

وئرمه رم، واحد، او گولدن بـاشقـا بیـر جـانـانـه مـن

علی آقا واحد

 

اهلِ حالین عاشیقی!، Əhli halin Aşiqi

اولمـوشـام، ای گـول، حُسـن ِ جمـالیـن عـاشیقـی

بـولبـول آسـا اول لـبِ غنچـه میثـالیـن عــاشیقــی

مسجیـد و محـرابـه بـاش اه یمـز، یقینیـم دیـر، ا گـر

اولسـا زاهیـد طـاقِ ابـرویِ هیــلالیــن عــاشیقــی

نئیلر اول کس سونبـول و گـولـزار و سبـز و دانـه نـی

اولسا گر روخسار و زولف وخط و خالین عاشیقی

گون دوشوب هر گون آیاغیـن آلتینـا ائیلـر سجـود

سـایـهٔ قـدینلـه اولمـوش پــایمــالیــن عــاشیقــی

مـاهِ نـو یئتمـز تمـامـه گـؤرمـه یینجــه گــون اوزون

کسبِ نور ایستر، اولوب روخسـارِ آلیـن عـاشیقـی

نولا، گر هیجرینده اولسا کـؤنلـومـوز درده دوچـار

آه و زار ائیلـر، اولـوب بـزم ِ وصـالیـن عــاشیقــی

واحـده عیـب ائتمـه ییــن، درویشــه اولســا آشنــا

اهل ِ حال اولسون گره کدیر اهل ِ حالیـن عـاشیقـی

علی آقا واحد

صیاد گؤزلر، Səyad Gözlər

اولمـوشـام بیـر بـی مـروت یـار الینـدن دلفکــار

ائیلرم جـؤر و جفـاسینـدان او شـوخـون آه و زار

شک سیز، عالم اولور رؤشن، ا گر ظلمـت ایسـه

ابـرِ زولفـون ائیلـه سـه اول مـاه اوزونـدن گـر کنـار

عـاشیـقِ دلخستـه یـه وئـرمـز ذکــاتِ حُسنــونــو

سایله، بو رسمیدیر کیم، لطف قیلسیـن تـاجـدار

ای کؤنول، صبر ائت خزانِ هیجره عادتدیر بوکیم

چرخ، اوّلـدن یـازیبـدیـر هـر خـزانـه بیـر بـاهـار

دلبرا، پستان می دیـر، سینـه نـده اول لیمـو نـه دیـر

یا کی سروه یئل دگیب، گولشنده تیتره ر ایکی نار؟

دام ِ زولفون، دانه خالیندیـر، مگـر رویـون چمـن

گؤزلرین صیادتک دل مُـرغـونـو ائیلیـب شیکـار

واحدا، یاز بو سؤزو گر یوخدو، غئیر مومکونون

تـا حضـورِ واقـف اوستـادا ائیلــه بیــر گــذار

علی آقا واحد

افغانیمیزین!، Əfğanimizin

اولســا ایــدی اثــری نــالـــهٔ افغـــانیمیـــزیـــن

یئنـه بیـر رحمـی گلـردی بیـزه جــانــانیمیــزیــن

آغـلاریـق صبـح آچلینجـا گئجـه لـر کـوُیـونــدا

اوزو گـولسـون بیـزه، بلکـه، مـهِ تـابــانیمیــزیــن

بیزه هیجران گونو ظلمت گئجه گوندوز کیمی دیـر

ائیلـه رؤشنـدی چیـراغــی دلِ ســوزانیمیــزیــن

نـازنیـن حـوری لقـالــر بــورویــوب دونیــانــی

بوندان آرتیـق نـه یـی وار روضـهٔ رضـوانیمیـزیـن؟

خـم ِ ابـرولـریـن اوخشـاتـدیـق هـلالـه او مهیــن

قدر و قابل دئییـل عـالمـده بـو نقصـانیمیـزیـن

چکدیک، افسوس، عبث زولفو سیاه لار فیکرین

سببـی بیــرده بــودور حــالِ پــریشــانیمیــزیــن

بـو تفـاخـر منـه، واحــد، یئتــر اؤلسمــده ا گــر

منــده بیــر شــاعــرییــم آذربــاجــانیمیــزیــن

علی آقا واحد

پرستارین اولاردیم!، Pərəstarin Olardim

اولسایدی میسّر، گـؤزه لیـم، یـاریـن اولاردیـم

هر لحظه غمین چکمگه غمخوارین اولاردیم

هر شب دولاشیب صبحه کیمی شمع ِ جمالین

پـروانـه کیمـی، طـالـبِ دیـداریــن اولاردیــم

ممکن کی دئییل بیرده گـزیـم گلشـن ِ کـویـون

ممکـن گـر اولایـدی، یئنـه زوّاریـن اولاردیـم

ای طوطی وشیم، آیئنـهٔ حُسنـونـو گـؤرجـک

آلــودهٔ اول لعــل ِ شکــر بــاریــن اولاردیــم

مجنون کیمی دایم، سـر کـویـونـدا گـزه ردیـم

عؤمـروم نقـدر وارسـا، پـرستـاریـن اولاردیـم

یوسیف کیمی وئرسه یـدیلـه دینـدارینـا قیمـت

جان نقدی ایلـه مـن ده خـریـداریـن اولاردیـم

واحد، سر ِ کویوندا گزه ردیم گئجـه ـ گـونـدوز

ای مـه، بـو ادا ایلـه دل افکــاریــن اولاردیــم

علی آقا واحد