بوتون گوزللیگی تانریم او سرو نازه وئریب

او هر نه ائتسه طبیعت اونا ایجازه وئریب

اول آهو گؤزلو گؤرخورام منی خطایه سالا

کی، فیتنه سیله چوخ عاشیقلری گودازه وئریب

اَییلدی سجده یه، محراب گؤردو قاشلارینی

اودور کی، اهل ریا مئیلینی نمازه وئریب

گولردی قیرخ گوزل عشقیله، آغلایاردی خزر

همین او ذوق صفانی کره آرازه وئریب

جمال یوسیفه جاه و جلال محموده

کمالی معرفتی سرّی وار ایازه وئریب

گوزللیک عالمینین شهریاری دیر بو پری

بونا بو سلطنت حسنی ایندی تازه وئریب

بو فخریمیز بیزه واحد بؤیوک سعادتدیر

زمانه، ثروت آغیر یوکدور، آنلامازه وئریب

 

علی آقا واحد