حیراندیر سنه، Heyrandir Sənə

ای ملک سیما که سندن ئوزگه حیراندر سنه

حق بیلیر انسان دئمه ز هر کیم که انساندر سنه

وئرمییه ن جانین سنه بیلمه ز حیات جاویدان

زنده و جاویداونا دئرلر که قرباندر سنه

عالمی پروانه شمع جمالین قیلدی عشق

جان عالمسن فدا هر لحظه مین جاندرسنه

عاشقه شوقینله جان وئرمک ایکن مشکل دگل

چون مسیحی وقتسن جان وئرمک آساندر سنه

چخسا یاریم گئجه لر اغیار طعنیندن ساقین

سن مهی اوج ملاحت سن بو نقصاندر سنه

پادشاهیم ظلم ائدیپ عاشق سنه ظالم دئمیش

خوبرو لردن یامان گلمه ز بو بهتاندر سنه

ای فضولی خوبرو لردن تغافلدر یامان

گر جفا هم گلسه اونلاردان بیر احساندر سنه

 

ملا محمد فضولی

جفا سنه، Cəfa Sənə

ای بیوفا که عادت اولوبدر جفا سنه

باالله جفادرـ اولما دئمک بی وفا سنه

گهه ناز و گهه کرشمه و شیوه در ایشین

جانین سئوونلر اولماسا ای آشینا سنه

مین جان اولایدی کاش منی دل شکسته ده

تا هر بیریله بیر گز اولایدیم فدا سنه

عشقینده مبتلا لیقیمی عیب ائدن سانیر

کیم اولماق اختیار ائله در مبتلا سنه

ای دل که هجره دویمایپ ایستر سن اول مهی

شکر ائد بو حاله یوخسا گلربیر بلا سنه

ای گل غمیندن اشگ رخ زردیم ائتدی آل

بیلیردی اولا صورت حالیم صبا سنه

دوشمه ز چو شاه قرب فضولی گدالره

اول شاهیدن التفات نه نسبت منه، سنه

ملا محمد فضولی

 

فلکدن انقلاب، Fələkdən İngilab

روزگاریم بولدی دوران فلکدن انقلاب

قان ایچینده ئولدوم ایاق چکدی بزمیمدن شراب

شعله آه یاندیردیم دیلی سر گشتیه

بیر اوداولدوم جیزگه نن جورمده اولمازمی کباب

لعلین ایله باده بحث ائتمیش ذهی گمراهلیق

اولدی واجب ائیلمک اول بی ادبدن اجتناب

وئرمه زاولدی یول وصاله پیچ زلفون آه کیم

رشته تدبیردن دوران کجرو آچدی تاب

اولمادی اول ماهه روشن یاندیقیم هجران گونی

یاندیقین شب تا سحر شمعین نه بیلیسین آفتاب

گوزکه پیکانین قاپوب گوگدن ساچار هریان سرشک

بیر صدفدر قطره بارانی ائیلر درّ ناب

اولدی ابر دودی آهیم پردۀ رخسار ماه

آه کیم آلماز جمالیندن هنوز اول مه نقاب

کسمه دی مندن سر کوینده آزارین قریب

ای فضولی جنت ایچره نئجه یوخ دئرلر عذاب

 

ملا محمد فضولی

فدا، Fəda

جانیمین جوهری اول لعل گوهر باره فدا

عمرومون حاصلی اول شیوه رفتاره فدا

دردچکمیش باشیم اول خال سیاه قربانی

تاب گورموش تنیم اول طرّۀ طرّاره فدا

گوزلریمدن ساچیلان قطرۀ اشگیم گوهری

لبلریندن توکولن لولوی شهواره فدا

چاک سینمدن اولان قانلی جگرپاره لری

مست چشمینده اولان قانلی غمزۀ خونخواره فدا

پاره پاره دل مجروحی پریشانیمدن

سرکوینده اولان هر ایته بیر پاره فدا

جان و دل قیدینی چکمکدن ئوزوم قورتادیم

جانی جانانییه ائتدیم دلی دلداره فدا

ای فضولی نولا گر ساخلارایسم جانی عزیز

وقت اولارکیم اولا اول شوخی ستمکاره فدا

 

ملا محمد فضولی

سلطانیدر، Sültanidir

اول پریوش کیم ملاحت ملکینین سلطانیدر

حکم اونون حکمیدر فرمان اونون فرمانیدر

سوردی مجنون نوبتین ایندی منم رسوای عشق

دوغری دئرلر هر زمان بیر عاشقین دورانیدر

لحظه لحظه گونلوم اودوندان شررلردر چخان

قطره قطره گوز توکن سانمیش سرشگیم قانیدر

چاکلر جسمیمده تیغ عشقیدن عیب ائتمه یوز

کیم جنون گلزارینین بونلار گلی خندانیدر

ای فضولی اولدی کیم رحم ائده یار افغانینا؟

آغلا زار آنجاق کیم زار آغلاماق امکانیدر

 

ملا محمد فضولی

دل زار سنه، Dili Zar Sənə

غمدن ئولدوم دئمه دیم حال دلی زار سنه

ای گلی تازه روا گورمه دیم آزار سنه

ایچ مئی ناب که باغریندان ائدر جمله کباب

آتش عشق ایله عشاق جگرخوار سنه

مئی گلگوندا دگل نرگس مستین عکسی

قدح اولموش گوز آچیپ عاشقی دیدار سنه

عارضین گول گول ائدیبدر مئی گلگون تابی

وه که بیر گولدن آچیلمیش نئچه گلزار سنه

باغه سیرائدبورخ لعل ایله کیم غنچه و گل

گوستره خون دل و دیده خونبار سنه

دئرایدیم قامتینه سرو ولی ئوزگه ایمیش

حرکات و روش و شیوه و رفتار سنه

ائیله یب طرف بنا گوشینه درد دیلیمی

یا او طاقین دییه یا طرّۀ دستار سنه

من گرفتارینم و فتنه دن اولمان آزاد

هیچ کیم اولماسین ای شوخ گرفتار سنه

لعل نابین هوسی باغریمی قان ائیله دیگین

آه کیم قانلی یاشیم قیلمادی اظهار سنه

ای فضولی فلگین وار سنینله نظری

کیم غم و محنتینی وئردی نه کیم وار سنه

 

ملا محمد فضولی

بیلیریم، Bilirim

یار حال دیلیمی یار بیلیبدر بیلیریم

دیل زاریمده نه کیم وار بیلیبدر بیلیریم

یاری اغیار بیلیبدر که منه یار اولماز

منده دخی اونی که اغیار بیلیبدر بیلیریم

زلفینی اهل وفا صیدینه دام ای لیلی

منی اول دامه گرفتار بیلیبدر بیلیریم

من نه حاجت که قیلیم شرح اونا درد دلیمی

هامی درد دلیمی یار بیلیبدر بیلیریم

یار هم صحبتیم اولمازسا فضولی نه عجب

ئوزونه صحبتیمی عار بیلیبدر بیلیریم

 

ملا محمد فضولی

نه ایمیش، Nə İmiş

ای خوش اول مست که بیلمه زغم عالم نه ایمیش

نه چکر عالم اوچون غم نه بیلیر غم نه ایمیش

بیر پری سلسله عشقینه دوشدوم ناگه

شیمدی بیلدیم سبب خلقت آدم نه ایمیش

واعظ اوصاف جهنم دئیر ای اهل ورع

وار اونون مجلسینه بیلکی جهنم نه ایمیش

اوخی کوکسیمدن اوتوب قالمیش ایمیش پیکانین

آه بیلدیم سبب آه دمادم نه ایمیش

ای فضولی مزه ی ساقی و صهبا بیلدین

توبه قیل تا بیله سن زرق و ریا هم نه ایمیش

 

ملا محمد فضولی

 

محرم ایدیم، Məhrəm İdim

خوش اول زمان که حریم وصاله محرم ایدیم

نه مبتلائی بلا و نه مبتلا غم ایدیم

گذردیم ایتلرین ایچره فضائی کوینده

یئریم بهشت برین ایدی من بیر آدام لیدیم

همیشه سجده گهیم خاک آستانه ن ایدی

بو اعتبار ایله بیر سر بلند عالم ایدیم

گدای کوئین ایدیم بئیله ذلّتیم یوخ ایدی

سریر سلطنت قربده معظم ایدیم

زمان زمان اثر پرتوی جمالیندن

معالج دل پر درد و چشم پرنم ایدیم

زیاده غمزده یم هجر ایله خوش اول گونلر

که من بو غمزده لیکدن زیاده خرم ایدیم

فضولی اولماز ایمیش محنت و فراقه مفید

بو ذوق ذکر که بیردم یاره همدم ایدیم

 

ملا محمد فضولی

نی کیمی، Ney kimi

ناله دن دیر نی کیمی آوازه ی عشقیم بلند

ناله ترکین قیلمارام نی تک کسیلسم بند- بند

قیل مدد ای بخت، یوخسا کام دل ممکن دئیل

بویله کیم اول دلربا بی درد دیر من دردمند

داغ لر دیر اودلو کوکسوم دن قاراسی قوپمامیش

یا ثبات عشق ایچون اود اوزره بیر نئچه سپند

آچیلیر کونلوم گهی کیم گریه ی تلخیم گوروب

آچار اول گلرخ تبسم بیرله لعل نوشخند

خاک راهیم دن منی قالدیرا بیلمز سایه تک

قیلسا گردون آفتابین هر شعاعین بیر کمند

"جام توت" دئییر ساقی گلچهره، زاهد ترک جام

ای کونول فکر ائیله گور کیم، هانسی دیر توتماغا پند

ای «فضولی»، صورت فقرین قبول دوست دور

هیچ درویشی، سنین تک گورمه دیم سلطان پسند

 

ملا محمد فضولی

 

آیینیم منیم، Ayinim mənim

سجده دیر هر یئرده بیر بت گورسه م آیینیم منیم

خواه کافر، خواه مومن توت، بو دور دینیم منیم

باغبان، شمشاد و نسرینین منه عرض ائتمه کیم

اول قد و رخسار دیر شمشاد و نسرینیم منیم

خاک درگاهین نظردن سورمه ای سیلاب اشک

قیلما ضایع سرمه ی چشم جهان بینیم منیم

اشک موجی گزدیرر هر یان تن خاشاکیمی

ممکن اولماز اشک تحریک ایله تسکینیم منیم

چاره اومدوم لعل شیرینین دن اشک تلخیمه

تلخ گفتارایله آلدین جان شیرینیم منیم

من ده ساکن اولدو درد عشق، مجنوندان کئچیب

اوندان آرتیق دیر مگر عشق ایچره تمکینیم منیم

ای «فضولی»، هر یئتن طعن ائیلر اولدو حالیمه

بو یئتر اهل ملامت ایچره تحسینیم منیم

 

ملا محمد فضولی

 

عشق دیر، Eşq dir

قد انار العشقُ للعشّاقٍ منهاج الهدا

سالک راه حقیقت عشقه ائیلر اقتدا

عشق دیر اول نشئه ی کامل کیم آندان دیر مدام

مئیده تنویر حرارت، نئیده تاثیر صدا

وادی وحدت، حقیقتده، مقام عشق دیر

کیم مشخص اولماز اول وادیده سلطاندان گدا!

ائیله مز خلوت سرای سرّ وحدت محرمی

عاشقی معشوقدن، معشوقو عاشقدن جدا

ای کی اهل عشقه سؤیلرسن ملامت، ترکین ائت

سؤیله کیم، ممکون مودور تغییر تقدیر خدا؟

عشق کلکی چکدی خط، حرف وجود عاشقه

کیم اولا ثابت، حق اثباتینده نفی ماعدا!

ای فضولی انتها سیز ذؤوق بولدون عشقدن

بؤیله دیر هر ایش کی حق آدیله قیلسان ابتدا

 

ملا محمد فضولی

 

شهید عشق، Şəhid Eşq

اگرچه ایینه تک کئچدیم جهانین جمله وارین دن

هنوز آردیمجادیر قید تعلق، زلف تارین دن

شهید عشق اولوب فیض بقا کسب ائیله مک خوشدور

نه حاصیل بیوفا دهرین، حیات مستعارین دن

حباب اشک و آه پرشرر، قیلمیش منی فارغ

جهانین قصر سیم اندود و کاخ زرنگارین دن

گورونمز صورت امید وصلین، لوح جانیم ده

مکدر دیر مگر اول آینه، جسمیم غبارین دن

اوزانیر رشته، طول امل، دیدار ذوق ایله

خم آچیلدیقجا، اول گلچهره زلف تابدارین دن

سنه دیر اقتداسی طواف کوی لیلی ائتمکده

خس وخارین قوپار ای ناقه، مجنون رهگذارین دن

"فضولی" دن، ملامت احترازین ایسته ین گویا

دئییل واقف، دل سوزان و چشم اشکباریم دن

 

ملا محمد فضولی 

عرض نیاز ائیله، Ərz niyaz eylə

حذر قیل آه اودوندان، جؤورونو عشّاقه آز ائیله

خس و خاشاکی یاخما، شعله سین دن احتراز ائیله

صنملر سجده سیدیر بیزده طاعت، تانری چون، زاهید

کیمی گؤرسن سن اؤز دینین ده تکلیف نماز ائیله

حقیقت خطّینی یازماق دیلرسن لوح ذاتینده؟

خطین گلرخلرین منظور توت، مشق مجاز ائیله

صنم لر سنگ دللردیر، ائشیتمزلر سؤزو زاهید

یئتر بیهوده من تک اونلارا عرض نیاز ائیله

سنین نازین گؤرنده، عقل قالماز حسبتاٌ لله

آمان وئر عاشق دیداره، بیر دم ترک ناز ائیله

یولوندا انتظار مقدمینله خاک اولان چوخدور

خرام ائت بیر قدم، من خاکساری سرفراز ائیله

فضولی! جانه تاپشیردین خیالین، ایندی رسواسان

سنه کیم دئیرکی هر نامحرمه، افشای راز ائیله

 

ملا محمد فضولی