لبینین، باده نه شئی دیر کی، صفـاسیـن وئـرسیـن؟
اوزونون، گونده نه جرأت کی ضیاسین وئـرسیـن!
اولمـاسـا شـربـتِ لعلیـن دل مجـروحــومــوزون
مئیده یوخدر او لیاقـت کـی، غـذاسیـن وئـرسیـن
اؤزگـه معشـوقـه سینـی ایستـه مـه رم، حــوری اولا
ربّیـم هـر عـاشیقیـن اؤز مـاه لقـاسیـن وئــرسیــن
میـن بـلا یـار یـولـونـدا منـه چکـدیـردی رقیــب
غئیری بیرسؤز نه دئییم، تانری بلاسیـن وئـرسیـن!
فلکیـن جـاهینـا گــؤز تیکســم ا گــر، نــامــردم
عشـق فیضـی منـه قـوی فقـر لبـاسیـن وئــرسیــن
شـور سـالمیـش چمنـه بـولبـول ا گـر عـاشیقســه
بیر کره نـالـه میـن عـؤمـرونـده نـواسیـن وئـرسیـن
واحـدی گـوشـهٔ میخـانــه ده دفــن ائیلـه ســه لــر
مست اولانلار ائشیدیب، خئیر و دعاسین وئرسین
علی آقا واحد