لبیندن عاشیقه اولسـایـدی استفـاده یئـری
قدحده قانه دؤنوب قالماز ایدی باده یئری
دیارِ عشقده، کؤنول، لاابالی قـویمـا قـدم
بو بـارگـاهـه گئـدرکـن بیـر اعتقـاده یئـری
ایراده سیزلره ئیر یوخدور عشق مولکونـده
خوشا بیر عاشیقه وار اوندا بیر ایراده یئری
شراب مجلیسینه قـویمـایـن گلنـده رقیـب
دئییل بو گـوشـهٔ جنّـت، حـرامـزاده یئـری
سنین گؤزه للیگینین عـاجیـزم ایفـاده سینـه
ملکدن اؤزگه سنه تاپمـادیـم ایفـاده یئـری
تکّبر اهلینی عشق ایچره ایستـه مـز جـانـان
طریقِ عشقه، کـؤنـول، دایـم افتـاده یئـری
دیارِ عشقـده، واحـد، هـامـی بـرابـردیـر
بیلینمـز اوردا گـدادایلـه شـاهـزاده یئـری
علی آقا واحد