لبین، روموزو اوچون، چوخ باخئلدی تفسیره
گَلنده شرحینه، دیـل عـاجیـز اولـدو تقـریـره
بهشتِ کویینه یول تـاپسـا ایـدی، واعـظ ا گـر
اینان کی، عاشیقینی، بـاشـلامـازدی تکفیـره
نه لیلی سن، گؤزه لیم، قیلدین عالمی مجنون؟
سـاچیـن خیـالـی چکیـب کـائنـاتـی زنخیـره
تؤ کنده مـاهیـم اوزه، زلـفِ پـرخمیـن گـویـا
گونش توتولدو، جاهان اولدی سـر بسـرتیـره
بلایِ عشقه دوشـن عـاشیقـه، عـلاج اولمـاز
اجـل کـی گَلـدی، نـه بیـراحتیـاج تـدبیــره
قاشین خیـالـی چکیـب عـاشیقینـی محـرابـه
قویاندا سجده یه باش، راست گَلدی شمشیـره
نه واحده، نـه ده کـی، شـرقییـه وفـا قیلـدیـن
کی حؤرمت ایله مه دین، نه جوانه، نـه پیـره!

علی آقا واحد