لبین شؤقـویلـه، ای گـول، مـایـل ِ جـام ِ شـراب اولـدوم
اولوب مستِ مئی ِ عشقین، عجب خانه خراب اولدوم!
دئییلـدیـم واقـفِ آیــاتِ قــدرت، شــاهیــم، اوّلــدن
بحمدالله، گؤروب خط و روخـون اهـل ِ کتـاب اولـدوم
چکیب تیغین دمادم، تؤ کمه قانیم قهـرایلـه، رحـم ائـت
یئتر بونجا، من اؤز قانیمله، ای ظالیـم، خضـاب اولـدوم
نه اؤلدیم قورتـاریـم بیـر دفعـه لیـک انـدوهِ هیجـرینـدن
نـه ده بیـر اؤیلـه جـام ِ وصلیــن ایلــه کــامیــاب اولــدوم
دئییلـدیـم دردِ عشقینلـه مکـدر کیـم، بــو روشــن دیـر
اودور غم کی، قارا زولفـون غمینـدن پیـچ تـاب اولـدوم
گؤزوم یاشیله تسکین وئـرمـه دیـن بیـر لحظـه کـویـونـدا
توتوشدوم آتش عشقینله یـانـدیـم، دل کـابـاب اولـدوم
یئتیشـدم جنّـتِ وصلینــه اول حــوری وشیــن، واحــد
جهنم دن قورتـاردیـم، ائیلـه بیـل، اهـل صـواب اولـدوم
علی آقا واحد