کؤنول، همیشه سعادت بیـزیملـه یـار اولاجـاق
خزان غمی بیته جکدیر، یئنـه بـاهـار اولاجـاق!
تـرنـم ائیلـهییـر هـر بیـر چمنــده بــولبــوللــر
بو اودلار اؤلکه سی بیر باشقا لالـه زار اولاجـاق
دئییب، گولوب، دانیشیر خـاقـلار محبـت ایلـه
فرحلی اؤلکه میـز هـر فتنـه دن کنـار اولاجـاق!
شرفله عؤمـر ائیلـه ییـر هـر کـس اؤز دیـارینـدا
نه درد و محنتِ غـربـت، نـه انتظـار اولاجـاق!
گؤزه للشیر گونو گوندن حیـاتـی خـالقیمیـزیـن
همیشه لیک وطن اؤولادی بختیـار اولاجـاق!
بوخوش زامانی گؤره ن اهل حاله عشق اولسون!
عمـوم عـالمـه فــرخنــده روزگــار اولاجــاق
جهان ایشیقلاناجاق صلـح ایلـه، عـدالـت ایلـه
بیـزیـم اوفقـده ظفـر نـوری پـایـدار اولاجـاق!
بیـزیـم دیـار وئـریــر قــدر و قیمــت انســانــه
بـوتـون جهـانـه نمـونـه بیـزیـم دیـار اولاجـاق!
وطن دیارینا، واحـد، نـه خـدمـت ائیلـرسـه ک
بو شانلی ایش گله جک نسله یادگـار اولاجـاق!
علی آقا واحد