کؤنول، عشق اهلینه یئتسه ا گر یـوزمیـن بـلا، خـوشـدور
یئتیشسـه آشنــادان، آشنــایــا هــر جفــا،خــوشــدور
جهـانـدا دؤلـت و مـولـک ایلـه مـالـه ائتمـه رم رغبــت
قاپیندا روز و شب، شاهیم، اولام گر بیر گـدا خـوشـدور
شیکـایـت ائتمـرم چـرخ ِ ستمکــاریــن جفــاسینــدان
جفـای چـرخـدن اولسـا ا گـر قـدّیـم دوتـا، خـوشـدور
غریب آسا کـؤنـول ائیلیـب وطـن اول زولـفِ مشکینیـن
دوشوبدور صیدوش دامه، یقین ائیلیب خطا، خوشـدور
کسیلسـم نئـی کیمـی گــر بنــد بنــدیمــدن فــراقینــدا
فغـان و نـالـه تـرکیـن قیلمـارام، ای مـه، نـوا خـوشــدور
کؤنول ایستر مکان توتسون گئجه گوندوز او زولف ایچره
نئجـه دیـوانـه یــه زنجیــره اولمــاق مبتــلا خــوشــدور
بــلانــی آرزو ائیلـــر بـــو واحـــد، مبتـــلا اولســـون
بلی، عشقین یولوندا عاشیقـه، ای گـول، بـلا خـوشـدور

علی آقا واحد