کؤنول، عشـاق قـانیـن چـوخ تـؤکـوب اول تیـغ ِ ابـرولار
هـاچـان، بیلمـم، گلیـر رحمـه جفـادان یـارِ بـد خــولار
اولـور گـؤزدن روان خـونِ جیگـر، آهیــم شــرارینــدان
بو اوددان جیسمیمی، یارب، خیلاص ائیلر آخان سولار
ایلاندیر، قیوریلیب یاتمیش، نیگاریم، گنج ِ حُسن اوستـه
و یـا کیــم حلقــه لنمیــش دؤرِ رویــون اوزره گیســولار
سـالیـب یـوز فتنـه وآشـوب چشمیـن مـولـکِ دونیـایــا
حـذر ائیلـر، دوشـر خـؤفـه سنـی گـؤردوکـده جـادولار
هاچـان گـؤرسـم تجـلایِ جمـالیـن شـام ِ زولـف ایچـره
اولـور گـونـدوز کیمـی رؤشـن منـه اول شــام ِ دیجــولار
توتوبدور لشگـرِ خـط عـارضیـن، جـانـا، خـراج ایستـر
کی، گویـا مـولـکِ روم اوستـه گلیـب یغمـایـه هینـدولار
گـؤتـور زولفـون اوزونـدن، ای اوزو خـورشیـددن انــور
اولـوبـدور قلبلـر قـارا، تـوتـوبـدور زنـگ گــوزگــولار
رقیبیـن طعنـه سینــدن اینجیییـب هئـچ اعتـراض ائتمـه
گرک صبر ائیله سین عاشیق، ا گـر میـن اولسـا بـدگـولار
شیکایت ائتمـه مـک یئـی دیـر جفـایِ چـرخ ِ ظـالیمـدن
بـاهـارِ عـؤمـرومـو قیلسـا خـزان گــردبــادِ قــایغــولار
داهـا گـوش ائتمـه، واحـد، پنـدینـه واعـظ لـریـن هـرگـز
نئجـه ائـولـر قـویـوب ویـرانـه جهـل ایلــه او بــایقــولار

علی آقا واحد