کؤنول، اینانما او شوخه،وفاسی یوخدور اونـون
حقیقی محرم اولان آشناسـی یـوخـدور اونـون
منیـم تـرانـه مـه بـولبـول چمنـده حسـرتــدیــر
منیم تک عشقده شور و نواسی یوخدور اونـون
من ایندی کی وارام عالمده، اؤلمه ییـب مجنـون
او یوخسادا، دئمه یین، اقرباسی یوخدور اونـون
فلکـدن اوُممـاق عبثـدیـر، اومیـدِ ذؤقِ حیـات
بیناسی غصه و غم دیر، صفاسی یوخدور اونـون
طبیعت عاشیقی دیر، اؤز یاراتـدیغـی گـؤزه لیـن
شعور سوزدور ازلدن، ذکاسی یوخـدور اونـون
اسیـرِ زولـفِ نیگـار اولمـایـان دئییـل عـاشیــق
باشیندا عشق و محبت هاواسی یوخـدور اونـون
بوتون گؤزه للـره دیـر واحـدیـن بیـل اخـلاصـی
گؤزه لدن اؤزگه شئیه اختصاصی یوخدور اونون
علی آقا واحد