کؤنول، اول شوخا یاخینلاشمـا اونـون انگلـی وار
بیـوفـالـریــن نــه اولــر آخیــری، نــه اوّلــی وار
مندن آیریلمـاز ایـدی سئـودیگیـم اؤز جـانـانیـم
آرامیـزدا، گـؤرونـور، گیـزلـی رقیبیــن الــی وار
چوخ چتین ترک ائله سین عاشیقی ظلم ائیله مه گی
نه قدر اینـدی جـاوانـدیـر، هلـه گَـل هـا گَلـی وار
عاشیقی ناز ایله اینجیتمه سـه، دینجـه لمـز او گـول
بـو گـؤزه للـر آراسینـدا نـه قــدر شیــوه لــی وار!
بیر گؤزه ل کی، آتیب اؤز یـارینـی، اغیـاری تـوتـا
قـورو اونـدان اؤزونـو، آخیـری بیـر جنجلـی وار
بـویـوروب لیلـی مـلاحتلــی گــؤزه للــر وطنــی
دئمه ((مجنون)) منه، یوزلرجه منیم تـک ده لـی وار
واحـد آنجـاق بـو وفـاسیـزلاری منـدن خبـر آل
خاطیریمده اولارین گـؤرنئجـه جـور هیکلـی وار

علی آقا واحد