کؤنول، بو نـاز ائلـه یـن مـه لقـالـریـن نـه یـی وار؟
جفـادان اؤزگـه، بـو زولـو قـارالاریـن نـه یـی وار؟
بیر آزجا، غم داغیندان، بونلارین گؤزه لیگی دیر
بودا گـر اولمـاسـا، بـو بـی وفـالاریـن نـه یـی وار؟
یئنــه تسلــی وئــرن عــاشیقــه، گــؤزه للــردیـــر
کی، یوخسا غصه چکن، مبتلالاریـن نـه یـی وار؟
شکسته نئی کیمییـم، بـاشقـا همـدمیـم یـوخـدور
هاوایِ عشقـه دوشـن، بـی نـوالاریـن نـه یـی وار؟
اومیـــدِ مهـــر و وفــــا اوُممــــا آشنــــالاردان
اؤزون ده فیکر ائلـه گـؤر، آشنـالاریـننـه یـی وار؟
صدای موسیقی ائتسین گرک کـؤنـوللـری جـزب
اوره ک سیخان، یولو خارج، صدالارین نیی وار؟
اوزونــده دلبــریمیــن طـــره لـــر، تعجبـــویـــم
خـزینـه اوستـه بـو کـج اشدهـالاریـن نـه یــی وار؟
رقیبـی قـویمـایینیـز، کـویِ یــارا یــول تــاپسیــن
بهشت ایچینده بـو خـایـن گـدالاریـن نـه یـی وار؟
عموما خدمت ائله، قورخما، واحد، آرتارسـان
اؤزو، اؤزون، به یه نه ن خـودنمـا لاریـن نـه یـی وار؟
علی آقا واحد