کؤنلومو ائتمیش جمالین شؤقو حئیران، سئوگیلیـم
یوخ بشرده سن کیمی ایستکلی جانـان، سئـوگیلیـم
هر گؤرنده گول اوزون، دویماز تمـاشـادان کـؤنـول
اولموشام بولبول صفت عشقینده نالان، سئـوگیلیـم
من محبت مولکونون مجنونو، سـن لیـلاسـی سـان
درس آلا بیزدن گرک عشق اهلی هر آن، سئوگیلیم
عشق دردیندن چتیـن بـی درد یـوخمـوش دهـرده
چاره سین تاپماز بو دردین گلسه لقمان، سئـوگیلیـم
چـاره اولسـایـدی، زولیخـادن اولاردی یــوسیفــه
ائیلـدی واحـد کیمـی پـا بنـدِ زنـدان، سئـوگیلیــم
علی آقا واحد