(( کؤنلوم یئنـه جـانـانیـن الینـدن گیلـه ائیلـر))
بولبول نه جفا چکسه، شیکایـت گـولـه ائیلـر
فخر ائیلـردیـم وصلینـه، هیجـرانینـا یانـدیـم
طالع نـه بیلیـم کـی، منـی آخیـر بئلـه ائیلـر؟!
ظـالیـم فلگیـن گـردشـی آتشلـره یــانسیــن
اوّلجـه نـه جـؤر ائیلـه سـه، اهـل ِ دلــه ائیلــر
دیوانه سییم بیر اؤزو گؤیچـک، قـارا خـالیـن
زولفـون منـه زنجیــر کیمــی سلسلــه ائیلــر
بیلسن سنه، ای گول، نه قدر عاشیق اولان وار
تقـریبـاً ا گـر سـایسـان، او میـن قـافلـه ائیلــر
گر بادِ صبا زولفونه یـول تـاپسـا او شـوخـون
مین طعنه چمنلرده گئـدیـب سـونبـولـه ائیلـر
واحد، یئنه من حُسنونـه حئیـرانـام او مـاهیـن
رحم ائیله، دئسم، جؤر ائله مه! او، هلـه ائیلـر

علی آقا واحد