کؤنلوم قوشو، ای گول، سنی شام و سحر ایستر
بولبول نئجـه گـولشنـده گـولـو تـازه تـر ایستـر
آشفته قیلیب کؤنلومو زولفون کیمـی، گئتسیـن
معشوقه مگر عاشیقینـی خـون جیگـر ایستـر؟
دور ماها بـرابـر، گـؤتـور اول زولفـونـو اوزدن
روخسارینی گؤرمک لیگی شمس و قمر ایستر
وئـر اذن، دویـونجـا امیـم، اول لعـل ِ لبینــدن
کؤنلوم قوشو طوطی کیمی شهد و شکر ایستـر
عشق آتشینـه دؤزمـه دی مجنـون دا منیـم تـک
بـو معــرکــهٔ عشــق، حقیقــت، هنــر ایستــر
اؤیمازدیم اونون عشقینه، بیلسـه یـه دیـم ازلـدن
بیگـانـه لـری منـدن او گـول بــی خبــر ایستــر
عاشیق کیمی گل عشقـده روسـوایِ جهـان اول
عشق اهلی او عالمده مگر خئیر و شـر ایستـر؟
گؤزله، بو گؤزه ل، شعـرلـری، واحـد، ایتیـرمـه
سنـدن گلـه جـک نسـل گـؤزه ل بیـر اثـر ایستـر
علی آقا واحد