کؤنلوم فغان ائدیر یئنـه بیـر جـان آلان اوچـون

بولبول همیشه نـالـه ائـدر گـولـوستـان اوچـون
یول وئرمه زولفون اوغرایا روخسارین عطرینی
گول غارت اولسا، یاخشی دئییل باغبان اوچون
گـؤستـر چمنـده نـازایلـه حُسنـون بـاهـارینـی
قورخوب سارالماغا گولو قویما خزان اوچون
مجنـون بیتیـرمـه میشـدیـر هلـه عشـق مکتبیـن
چوخ آزدیر علمی، تجربه سی امتحان اوچـون
اؤیـره ن طبیعـت عـالمینیـن اینجــه لیکلــریــن
یـوزلـرلـه نـازنیـن یئتیـریـر هـر زمـان اوچــون
گؤردوکده ایندی عصـریمیـزیـن دلـربـالاریـن
مین جان گرک فدا اولا بیر نازلی جان اوچـون
واحد، بو سؤزده موسیقی تاثیری گـؤرسـه نیـر
گویا خصوصی دیر بو غزل ناردالان اوچـون

علی آقا واحد