کؤنلوم آچیلدی زولفونو گؤردوکده شانه سیـز
بیگـانـه بـاتـدی مـاتـه، قـالـدی شــانــه سیــز
گؤسترمه گـول جمـالینـی، آرتیـرمـا نـالـه مـی
بـولبـول بـاهـار اولانـدا دایـانمـاز تـرانـه سیـز
دایـم گـؤزون خیـالینـی کـؤنلــومــده بسلــرم
بیماری کیم گؤروبدور، اولا خسته خانه سیـز؟
جـلاد میـن بهـانــه ایلــه قصــدِ جــان ائــدر
سن اؤلدورورسن عاشیقی هر گون بهـانـه سیـز
زولفوندن آیری روُحوم اوُچور، آختاریر سنی
ساکیت اولارمی، بیر قوُش اولا آشیـانـه سیـز؟
هر یئرده، واحد، ایندی سنین صحبتین کئدیـر
خالقین سئون بیر عاشیق اولارمی فسانـه سیـز؟

علی آقا واحد