کـؤنلـومـو قیلـدی سیـه، اول مـهِ تـابـان گئتــدی
بیلمم، اول ماه گؤروب منـده نـه نقصـان گئتـدی؟
سـایـه وش دوشـدو دالینجـا فـرحینـدن اوره گیـم
هـر یـانـا نـاز ایلـه اول ســروِ خــرامــان گئتــدی
طـوطــی وش آئینــه حُسنــونــه اول شکــرلــب
قیلـدی آخیـر منـی سـرگشتـه و حئیـران گئتـدی
لشکر ِ زولفـونـو جمـع ائتمیـش ایـدی بـاشینـدا
قیلــدی آشفتــه منــی، شــهِ خــوبــان گئتــدی
خــانــهٔ غمــده منـــی دیـــدهٔ گـــریـــان ایلـــه
قویدو یعقوب تک اول یوسیـفِ کنعـان گئتـدی
آغلارام، وجهی بودور صبح و مساء بولبول تک
سالدی غم ایچره منی، اول گـولِ خنـدان گئتـدی
واحـد اول مـاه وشیـن حســرتینــی چکمکــدن
طـاقـت و تـاب و تـوان، صبـر دل و جـان گئتـدی
علی آقا واحد