کـؤنلـوم یئنـه بـولبـول کیمـی شیـدایِ وطــن دیــر
مجنـون ائــدن عــاشیقلــری لیــلایِ وطــن دیــر
یـوزلـرلـه گـؤزه ل عـاشیقـی اولســام دا مــن، امّــا
قلبیــم یئنــه ده عــاشیــقِ ســـودایِ وطـــن دیـــر
دونیـایـا گـؤزه لیـک وئــرن، البتــه، گــونشــدیــر
اونــدان دا گــؤزه ل حلقــه، تجــلایِ وطــن دیـــر
قـویمـاز بـو مقـدس یئـره بیگـانـه تـوخــونســون
هـر کـس کـی، صـداقتلـی دیـر، ابنـایِ وطـن دیــر
تعریـفِ بهشـت ائیلـه مـه سیـن خلقیمـه هئـچ کـس
جنّـت ده، بهشــت ده بیــزه صحــرایِ وطــن دیــر
واحد، ائله ظن ائیله مه سین کی، من یوسیفِ عصرم
معشــوقــه منــه عشــقِ زولیخـــایِ وطـــن دیـــر

علی آقا واحد