کج باخسا کیـم اول مـاهِ جمـالـه، گـؤزو چیخسیـن
دوشسون اودا من تک بئله حاله، گـؤزو چیخسیـن
اؤلـدوردو منـی طعنـه ســی هیجــرینــده رقیبیــن
گل، بیر یئتیشـک بـزم وصـاِلـه، گـؤزو چیخسیـن!
مـاهِ روخـونـو چـرخـده خـورشیـده نشــان وئــر
قـالسیـن متحیـر بـو جمـالـه، گــؤزو چیخسیــن!
سئیـرِ چمـن ائـت، غنچــه لبینــدن اولا دلخــون
گؤستر اوزونو، داغداکی لالـه، گـؤزو چیخسیـن!
چشــم و لبینــی ســاقییــه میخــانــه ده گــؤستــر
مئی تک قیزاریـب الـده پیـالـه، گـؤزو چیخسیـن!
آت سینه مـه مـشگـان اوخـون، اغیـاریـن حسـددن
دوشسون اوره گی، ای گؤزو آله، گؤزو چیخسین!
واحد، منیم اول گؤزلـری خـونبـاریمـی هـرکـس
بد گؤزلـه ا گـر سـالسـا خیـالـه، گـؤزو چیخسیـن
علی آقا واحد