قویما، ای مه، اوزونو زولف پریشـان تـوتسـون
نییه بو حُسن ایله عالـم سنـه نقصـان تـوتسـون؟
گـر غلط نقطه دئسم، مصحفِ حُسنون خطین
بـو سببـدن منـی قـوی آیــهٔ قــرآن تــوتســون
اعتراض ائیله مه روخسارینا خط گلمک اوچون
کی گرک مور و ملخ مولکِ سلیمان تـوتسـون
تـؤکـدو مستـانـه گـؤزون قـانیمـی یـوز نـازایلـه
گؤروم، ای شوخ ِ خطا دیده، سنی قان توتسـون
نه آتارسـان، دلِ سـوزانیمـه طعـن اوخـلارینـی
بونجا پیکانی گرکمه ز می مگر جان تـوتسـون؟!
دوشدی گومچون رهِ صحرالارا عیب ائیله مه یین
اصلـی دیـوانـه گـرک سمـت بیـابـان تـوتســون
واحدم، نالـه و فـریـادیمـا رحـم ائیلـه، گـولـوم
قورخورام کی، سنی بـو نـالـه و افغـان تـوتسـون
علی آقا واحد