قاچدی صحرالره مجنـون، دئمـه لیـلایـه گـؤره!
عشقه دوشمیـش اودا بیـر بـاشقـا معمـایـه گـؤره
هــره بیــر دردیلــه، آلــوده دیــر ائیلــر نــالـــه
من، سنین حُوسنونه، بولبول، گول رعنـایـه گـؤره
بـو تمنـاده ایـدیـم وصلینـه، ای گـول، یئتیشـم
سینـدی منـدن اوره گیـن، تئـز بـو تمنـایـه گــؤره
یوسیفین عشقـی زولیخـانـی شـرفـدن سـالـدی
اودا زنـدانــه دچــار اولــدو زولیخــایــه گــؤره
باشقا مه پـاره لـر عشقینـده، گـؤزومـدن دوشـدو
قطـره گـوزدن دوشـر، البتـه کـی، دریـایـه گــؤره
گول اوچون بولبولِ شیـدا،کئچیـر اؤز جـانینـدان
گول، نه ییندن گئچه جک بـولبـولِ شیـدایـه گـؤره
عؤمروموز ایندی کی، واحد، بئله سرعتله گئچیر
ممکن اولدوقجا، بو گون گؤر ایشی فردایه گؤره
علی آقا واحد