قارداشیم تحصیل علمه آچ گـوزون امـداد قیـل
علم اوخی بالمرّه جهلی خـاطـرینـدن یـاد قیـل
علمسیـز انســان اولــور دائــم بــلایــه مبتــلا
علم ایله دردی کنار ائد غملی گونلون شاد قیـل
کوهله نی نفسی دایاندیر عقلی پارلاق ائد گوزوم
علم ائوین آباد، جهلین خـانـه سیـن بـربـاد قیـل
مستسـن غفلـت شـرابینـدان همییــت وقتیــدر
هـوشیـار اولمـاقلیقـا ئـوز خلقینـی معتـاد قیـل
قیـل وطـن اولادینـا تعلیــم و علــم و صنعتــی
جهلیـدن قـایتـار تمـامیـن علمـده اوستـاد قیـل
غیرلر ایجـاد ائـدیـرلـر تلکـراف. تلفـون مـدام
سنـده بیـر مکتـب وطـن اولادینـا ایجــاد قیــل
خلقینه فرصت واریکن خدمت ائد واحد مـدام
تـا کـه سنـده بـو صـداقتلـه جهــانــدا آد قیــل
علی آقا واحد