فکرینده می، بیر گون گؤزه لیم، بیـز سیـزه گلـدیـک؟
سیـزدن قـاییـدیـب، سـونـرا بـرابـر بیـزه گلــدیــک
گُـولـدوک و دانشـدیـق گئجـه نـی، صبـح آچیلینجـا
بیر غنچه گول اوستونـده، سیـزیملـه سـؤزه گلـدیـک
کئـف چکـدیگیمیـز خـاطـره لـر، وارمـی یـادینـدا؟
گـولشنـده بیـر آیـدیـن گئجـه ده، اوزـ اوزه گلـدیـک
خیلی دولانـوب سئیـر ائلـه دیـک گـوللـر ایچینـده
بیرـ بیریمیزه چوخ عشوه لی، چـوخ بـا مـزه گلـدیـک
بیزکی، گؤزه لیم، جان دئیه رک، جـان ائشیـده ردیـک
بس ایندی نه اولدو بیـزه، یـوخسـا گـؤزه گلـدیـک!!
نــه سنــده وار اول مهــر و محبــت، نـــه ده منـــده
سؤندوک ایشئق اولدوز کیمی، سون منزله گلدیک
واحـد، او گئچـن گـونلـری، بیــرمــره اوُنــوتــدیــق
لیکـن یئنــی دنیــایــه بیــز اینــدی تــزه گلــدیــک
علی آقا واحد