فلـک بوکوب بئلیمی، انتقـام آلیر مندن


عدونو  گور کی، بو حـالتلـه کـام آلیـر منـدن


منیمله دائـم او کـس لـر، کی هـم پیـالـه ایـدی


نه جام لطف ائدیر ایندی، نه جـام آلیـر منـدن


غورورا  مـایـل اولور بعضی همـدم ِ نـاقص


نه بیـر سلام وئـریـر نـه بیـر سلام آلیـر منـدن


سورون کی، نئیله میشم مـن او مهـرسیـزملکـه!


نـه وارسـا صبـر و قـراریـم، تمـام آلیـر منـدن


نظـام گـردش ِ چـرخیـن، نظـام دان دوشسون


نظـام ِ عشـرتیمی، بی نظــام آلیر منـدن


منیم بو حالیمی گوردوکجه، شاد اولور دشمن


سانیـر قصاصه تـاتیپدیر، مقـام آلیر منـدن


متـاع ِ شعـرلـه، واحـد، همیشـه خوشحـالـم


وطن جوجوخلاری شیرین کلام آلیـر منـدن


علی آقا واحد