عجب اولدو، گؤزه لیم، اوُیمادین اغیـارلارا،
لایق اولماز گـول ا گـر همـدم اولا خـارلارا
زولفِ زنجیرینه بیـر کیمسـه گـرفتـار اولمـاز
ا گــر ائتمــزســه هــوس طــرهٔ طـــرارلارا
بو ملاحت، بو لطافتله یاراشمـاز، گـؤزه لیـم
باخاسان، بیر گول ایکن بعضـی دل آزارلارا
عندلیبین نه قدر باغرینـی قـان ائتسـه ده گـول
یئنه تاثیـر ائـده جـک نـالـه سـی گـولـزارلارا
بو سببدن بوتون عشق اهلی سئویر صنعـانـی
غـارت ائتـدیـردی او اؤز دینینــی زنــارلارا
یاره جان وئرمه ین عاشیق نئجه مقصوده یئتر؟
نییـه بـس عشقـده پـروانــه یــانیــر نــارلارا
نازِ غمزه ایله قارا گـؤزلـولـر اؤلـدوردو منـی
کیم بو تحصیلی وئریبدیـر بـو خطـا کـارلارا
دورّدور قیمتی ان یاخشـی کـلامیـن، واحـد
سن ده بو شعرینی صرف ائیلـه خـریـدارلارا

علی آقا واحد