عالـم دئییـر، ایستکلیـن عجـب نـازلـی ملـک دیـر
هر شیوه سی میـن حیلـه دیـر، هـر نـازی کلـک دیـر
هر کـس کـی یئنـه مئیـوه سیـن ایستـرسـه بـاهـاریـن
باخسین بـو گـؤزه ل دلبـره خـالـص چییـه لـک دیـر
سـؤز وئـردی نیگـاریـم منــی اینجیتمــه یــه بیــرده
تئز دؤنـدو سـؤزونـدن، بـو آچیـق دببـه لمـک دیـر
اؤز یـاریـن ایلـه کـوسلـوده اولسـان، بـاریشـارسـان
اوزگه سینـه بئـل بـاغـلامـا، بیجـدیـر، دوبلـک دیـر
بعضــاً دئمــه ائــولـــرده دئیینگـــن کیشیلـــر وار
واردیــر ائلــه آروادکــی، ارینــدن ده گنــک دیــر
قیسقـانجلیـق ائـدن عـایلـه نیـن قیسمتـی، آنجــاق
ار آروادی، آرواد اری، تحقیــر ائلــه مــک دیـــر
قیمتلــی بــزه کلــه قـــادینیـــن زینتـــی آرتمـــاز
اؤلادا گــؤزه ل تـــربیـــه قیمتلـــی بـــزه ک دیـــر
واحـد، چـالیـش، اطـرافینـی اینجیتمــه اؤزونــدن
جهد ائت، ائله سؤز یازکی، او سؤز خالقا گرک دیر
علی آقا واحد