دئـدی اول یـار منـه، دفتـریمیـز ائــوده قــالیــب
عشقه دایر یـازیـلان سـؤزلـریمیـز ائـوده قـالیـب
نازیله، قاش گؤز ایلـه، جـان آلیـریـق عـاشیقـدن
ائو یئخان، قان آخیدان، خنجریمیز، ائوده قالیب
بو گؤزه للیکله کی، بیز ناز ایله، مین جـان آلـریـق
هلـه بیـزدنده گـؤزه ل دلبـریمیـز ائـوده قــالیــب
چشم جادوموزا حئیران اولان عاشیـق چـوخـدر
فتنه لـر یـاغـدیـران آ فـت لـریمیـز ائـوده قـالیـب
بیز اسیـر ائیلـه میشیـک زولـف ایلـه بیچـاره لـری
نئچـه مجنـون وفـا پــروریمیــز ائــوده قــالیــب
شیخ صنعان کیمی عاشیقلری یـولـدان چیخـاران
دین و دل غارت ائدن، کـافـریمیـز ائـوده قـالیـب
اینـدی مـن واحـدییــم آذربــایجــانیمیــزیــن
آتـش عشقـه یـانــان آذریمیــز ائــوده قــالیــب

علی آقا واحد