خیلی واختدیر، آیریلیب منـدن او جـانـانیـم منیـم
فـرقتیلـه گـونـده میـن دفعـه چیخیـر جـانیـم منیــم
آغـلارام مـن بـولبـولِ شیـدا کیمـی شـام و سحــر
سولـدوروب بـادِ خـزان بـاغ ِ گـولـوستـانیـم منیـم
چون اولوب مجنون صفت، مسکن منه کویِ نیگار
چـوُلغـاییـب دونیـانـی یکسـر، آه و افغـانیـم منیـم
راضییام، خنجر قاشیـلا یـاریـم اؤلـدورسـون منـی
قـوی تـوُکـولسـون یـار الیلـه، دهـرده قـانیـم منیـم
زولفِ پرخم تـک اولـوبـدور قـامتیـم خـم متصـل
وار سجــودِ خــاکِ راهِ یـــارا پیشـــانیـــم منیـــم
واحدا، گلمه فغانـه، یـوخـدور عشقیـن چـاره سـی
نـالـه ائیلــر عشقــدن، قلــبِ پــریشــانیــم منیــم

علی آقا واحد