خاطیـریـم زولفـون خیـالیلـه پـریشـان ائیلـه دیـم
اؤز الیمله کؤنلومون مولکـونـو ویـران ائیلـه دیـم
گؤل اوزونده دانهٔ خالین گؤروب، ای غنچـه لـب
عندلیبِ گـولشنیـن اولـدوم دا دل قـان ائیلـه دیـم
شمع ِ روخسارین گؤروب پـروانـه لـر، ای مـه لقـا
اودا یاخدیم جانیمی، اول شمعه سوزان ائیله دیم
قصد جانیم چون نظام ایله دوروب مشگـانـلاریـن
سینـهٔ سـوزانیـم اول پیکـانـه قـالخـان ائیلـه دیــم
قصدی بویموش، خنجرِ ابرولرین قـانیـم تـؤ کـه
من اونا اوندان قاباق جانیمـی قـوربـان ائیلـه دیـم
دون رقیب ایله گؤروب جانانی اول قدر آغلادیم
بحرِ اشکِ چشم ایله اغیـاری حئیـران ائیلـه دیـم
واحدا، مجنونو دئـرلـر، عـاشیـقِ صـادق، ولـی
من مجنوندان فزون عشقیمـده طغیـان ائیلـه دیـم

علی آقا واحد