حقیقـی اولسـا ایــدی، سئــوگیلیــم، محبتیمیــز
سئـؤینــج ایلــه یــاشــاردی بیــزی حقیقتیمیــز
سبب نه اولدو، دئییـرلـر، او گـولـدن اینجیمیسـن
سبـب بـودورکــی، مــوافــق دئییــل طبیعتیمیــز
گـره ک دئییـل بیـزه جنّـت، نـه جنّـت حـوریلـری
وطـن گــؤزه للــری حــوری، وطــن ده جنّتیمیــز
وطن محبّتی اولمازسا، محـو اولـوب گئـده ریـک
وطنلــه دایــم اولــور عشــق و ذؤقــه رغبتیمیـــز
اول آهو گـوزلـو هلـه دوشمـه ییـر کمنـده یـاخیـن
نئچیـن کـی، بیـزدن اونـو هـورکـودور قیـامتیمیـز
وطن گؤزه للـری آرتـدیقجـا خـالقیمیـز سئـوینیـر
وار ایندی اؤز گـولـومـوز، اؤزگـه دن نـه مینتیمیـز؟
مرادا یئتدی رقیب، ای فلـک، خـراب اولاسـان!
نه واختادک قالاجاق کـؤنلـومـوزده حسـرتیمیـز؟
نصیحت ائتدسه کئچمیش کیلر، دوشونمه میشیک
بیـزیــم ده ائتمیــر اثــر هئــچ کســه نصیحتیمیــز
بو سئـوگیـدن گـره ک اینـدی بیـر استفـاده ائـدک
جـاوان ایکـن نـه قـدر الــده واردی فــرصتیمیــز
اگـر اجـازه نیـز اولسـا، وصـالــه تئــز یئتــه ریــک
بـو ایشـده طـالعیمیـز وار، گـر اولســا قسمتیمیــز
بیز عاشیقیک، گرک عشق عالمینـده نـالـه ائـدک
نئچـن کــی، روز ازلــدن بــو اولــدو قسمتیمیــز
گؤره نده واحدی،درد اهلی دیـر، چـون اینجیتمـه
بیزیم ده وار اونا، ای گول، بیـر آزجـا حـؤرمتیمیـز

علی آقا واحد