حئیف بیر بیلمه دین ای گول دل زاریمـدا نـه وار!
عشیقمیـن سیـرّی نـه دیـر ائیلـه یـه بیلمـم اظهـار
قانا دؤنموش اوره گیم، آختاریر هر یئـرده سنـی
امتحان ائتمک اوچون، سینه می آچ، قلبیمی یار
قورخورام شانه ده یر کؤنلومه، زولفـونـده گـزیـر
عشق سرگشته سینه، قویما، تـوخـونسـون اغیـار
ترله میش گول کیمی گؤردوم، سنـی بیگـانـه ایلـه
خسته دیر کؤنلوم او گوندن، گؤزه لیم لیـل و نهـار
عاشیقین گؤرمه سه، روخسارینی، باخماز چمنـه
نقدر لاله و گول آچسا، مین ایـل، اولسـا بـاهـار
ایلـدیـریـم سـرعتـی وار تیـرِ نیگـاهینـدا مگـر؟
مایل ِ عشقین اولان، حُسنونه باجـدیقجـا یـانـار
واحـدم، نـاز ایلـه گـل بیـر بئلـه اینجیتمــه منــی
نولا بیر دفعه لیک آل جانیمی، غمـدن قـوُرتـار

علی آقا واحد