جـانـان، نـه ائتمیشـم، بئلـه بیگـانــه یــم سنــه؟
مجنـون اولان دامـن ائـوی ویـرانــه یــم سنــه!
یوزلـرلـه نـازلـی یـار اولا، کـؤنلـوم سنینلـه دیـر
اولسـان نـه یئـرده، مـن یئنـه همخـانـه یـم سنــه
جـانـان دا بـؤیلـه جـؤر ائـدر اؤز مبتـلاسینــا؟
سـن ظلمکـارسـان، دئمـه جـانـانــه یــم سنــه
شــؤق لبینلــه ائیلــه یــه لــی بــاده تـــرکینـــی
سـرمسـت گـؤزلـریـن کیمـی مستـانـه یـم سنــه
آنجـاق کمنــدِ عشقــه گــرفتــار اولان بیلیــر
زولفـون غمینـده مـن نئجـه دیـوانــه یــم سنــه
گؤسترمه گول جمالینی، یانـدیـرمـا کـؤنلـومـو
قـوی بیلمـه سینلـر، عشقـده پـروانــه یــم سنــه
عشقونده گرچی ائل منی مجنون حساب ائدیر
مجنـون دا اولسـام، عـاشیـقِ فـرزانـه یــم سنــه
عشـق عـالمینـده مـن ده صــداقتلــی واحــدم
هـر بیـر ایشیمـده دوغـرو و مـردانــه یــم سنــه
علی آقا واحد