جاناندی، بیرده مـن، گئجـه اون بیـر تـامـام ایـدی
گیـزلـی دئییـب دانیشمـاغـا اصلـی مقــام ایــدی
سوزگون باخیشلا کؤنلوم ائـویـن غـارت ائیلـه دی
مـاهیـردی فـنِ سئحـرده، ظـن ائتمـه خـام ایـدی
شـؤقِ لـبِ نیگـار ایلـه بیهـوش و مسـت ایـدیــم
بیرده شـرابـا مئیـل ائلـه سـه ایـدیـم، حـرام ایـدی
عشق ایله صبح و شامیمی سرخوش کئچیردمیشم
صبحوم ده اوندا صبح ایدی، شامیم او شام ایدی!
هیجران گـونـونـده نـالـه مـی بیـر کمسـه بیلمـه دی
یـاریـن بـو تحفـه ســی منــه بیــر احتــرام ایــدی
یــار هــر ســوالا، منتظــر ایــدی جـــوابیمـــا
حئیران اولوردوم ائیلـه کـی، شیـریـن کـلام ایـدی
اول منیملــه یــار ایــدی، ســونــرا رقیــب ایلــه
واحد، دوشونمه دیـم، بـو نـه حـق و سـلام ایـدی

علی آقا واحد