تنـگ دیـر غنچـه دهـانیـن، گئــج گلیــر آوازه ســؤز

بیـرصنـم دیـر نـازنیـن، قـویمـوش اؤزونـو نـازه سـؤز

سوردوم آغزین سرّینـی هـر کیمسـه دن ای تـازه گـول!

تاپمادی، یوزمین خیال ائتدی، بـو مخفـی رازه سـؤز

درک قیلمـاز زاهیـدِ بـی ذؤق کیـم، نـازیـک ســؤزو

چوخ چتین قاندیرماق اولسـون مـردم ِ قـانمـازه سـؤز

سؤز بیر اوخدور، سینه مه دگدیکجه، ای قاشی کمـان

آت کؤنول شهرینه، آچسین عشق اوچون دروازه سؤز

رشتـهٔ جـانیملـه آهیــم ســوزنــی هــر گــون چکــر

جیلـدِ سینـه مـده حــدیــثِ عشقینــه شیــرازه ســؤز

یئتمه ز، ای ماهیم، تمـامـه وصـفِ حُسنـون خلـق آرا

گـر قضـا کـاتیـب لـری یـوزمیـن کتــابــه یــازه ســؤز

اولمـاسـا اوستـاد بــزمینــده ســؤزون واحــد قبــول

پیـرلـر یـازسیـن جـوانـلارچیـن یئنـه بیـر تــازه ســؤز
علی آقا واحد