تنـورِ آتـش عشقیــده یــانــدیــم دل کبــاب اولــدوم
ایلان تک قیوریلیب زولفوندن آیری پیچ تـاب اولـدوم
پریشان زولفونه باغلاندی کؤنلـوم جمـع ایکـن، ای مـه
اولوب آشفته کؤنلوم گـؤر نئجـه خـانـه خـراب اولـدوم
گؤروب لعل ِ لبین رنگین، مئی ِ احمرده، مئیـل ائتـدیـم
شراب و شربتِ لعلیـن ایچیـب، مسـت شـراب اولـدوم
الـوبـدور محــرم ِ کــویــون رقیــبِ دیــو صــورتلــر
نه دنـدیـر، جنّـتِ عشقینـده مـن اهـل ِ عـذاب اولـدوم
دئـدیـم، وصلـه یئتـن ایـامـی کـام ِ دل اولـور حـاصــل
وصالین فرقت اولدو، به،نه یاخشـی کـامیـاب اولـدوم؟
تـؤ کـوبسـن خنجـر ِ مـشگـان ایلـه قـانیمـی، ای ظـالیـم
ترحم ائیله، سرتـاسـر بـو، رنـگ ایلـه خضـاب اولـدوم
طـریـقِ شعـری اؤیـرنـدم جهـانــدا پیــر ِ واقــف دن
عجب هنگامه دیر، واحد کی، من حاظیر جواب اولدوم
علی آقا واحد