بیــر زامــان منــده اسیــرِ رهِ میخــانــه ایـــدیـــم
هــوسِ بــاده ایلــه عــاشیــقِ پیمــانــه ایـــدیـــم
بیــر دقیقــه یئـــره دوشمـــزدی الیمـــدن بـــاده
گـؤٕزلـریـن شـؤقـو ایلـه اؤیلـه کـی مستـانـه ایـدیـم
بوتون عؤمروم گئچیب عالمده شراب ایچمگ ایله
بـاده دن، خـالـی اولان یئـرلــره بیگــانــه ایــدیــم
اینـدی تکلیـفِ شـراب ائیلـه مـک آرتیقـدی منـه
من کی میخـانـه ده، بیـر خـانـه سـی ویـرانـه ایـدیـم
شمعـه پـروانـه یـانیـردی، گئجـه لـر صبحـه کیمـی
منـده اؤز سئـو گیلیمیـن شمعینـه پـروانـه ایــدیــم
چالیشیردیم ساچینین فکری باشیمدان چیخیسیـن
گؤٕرمه سه ایدیم سنی بیر گون، ده لی دیـوانـه ایـدیـم
منی، واحـد، بـو پـری چهـره لـر ائتمیشـدی اسیـر
مـن ده مجنـون کیمـی دیللـرده بیـر افسـانـه ایـدیـم

علی آقا واحد