بـو سـرو قـامتیـم قـاشیـن خیـالـی ایلـه دوتـالانـدی
گـؤزوم آیینـهٔ صـاف جمـالینــدان جیــلالانــدی
فغـان و آه و نـالـه مـدن خبـردار اولمـادیـن، ای مــه
گـؤی اوزره دودِ آهیمـدان کـوا کــب قــارالانــدی
دگنده سینه مه اوست اوسته، ای گول، نـاوکِ غمـزه ن
ده لینمیش نئی کیمی کؤنلوم یئری، یئردن نـوالانـدی
دئییلر قیس اوچون، جانا، جنونِ عشـق اولـوب، امّـا
منیم، اوندان بتر گٔؤرجک سنی، باشیـم هـاوالانـدی
اوزوندن دون گؤتوردوکده دو شقه، زولفِ مشکینی
اوزون نورایله، ای ماهیم، جهان یکسر ضیـاء لانـدی
چمنده سرو قـدّیـن گـؤستـریـب یـوز میـن قیـامتلـر
قدین سروین چمن گؤرجک خجالتدن حیـالانـدی
سـالیبـدیـر واحـدِ زاری بـلایِ حُسنـه هیجــرانیــن
همیشه غئیرلـر وصلینلـه، ای گـول رخ، صفـالانـدی
علی آقا واحد