بـو جفـالار منـه اول مـاهِ لقــادان گــؤرونــور

نـه جفـا قیلسـا ا گـر یـاره وفـادان گــؤرونــور

دئدیم:آشفته ائدن کیمدیر او زولفِ سیه یـن؟

دئدی: سندن دئییل، اول بادِ صبادان گؤرونور

گر، حبیبیم منه ظلم ائتسه، جفادان، نه عجـب!

نه قدر جؤرو و جفا قیلسا، سخادان گؤرونـور

بـاخمـاییـن عیـد گـونـو آینـا ایلـه آیـا، ولــی

ماهِ نـو اول ایکـی ابـروی دوتـادان گـؤرونـور

مست چشمیندی باخان چینِ سرِ زولف ایچره

یا کی، ای آیینه رُخ، آهو ختـادان گـؤرونـور؟

واحـدا، ائتمـه شیکـایـت بـو ملـک رولاردان

بختیمین تیره لیگی چـرخ ِ قضـادان گـؤرونـور

علی آقا واحد