ای یئخان، کؤنلوم ائوین، قیل حذر افغـانیمـدان

ائـویـن آبـاد اولا، ال چــک دلِ ویــرانیمــدان

منـی مجنـون ایلــه فــرهــاده بــرابــر تــوتمــا

مـن اولاردان دا، هنـرلـه گئچــه رم جــانیمــدان

بیرجه گَل، گور، نـه جفـالارچکیـرم زولفـونـدن

خبـریـن یـوخـدو سنیـن حـالِ پـریشــانیمــدان

طعن ائدیر ائل منه: ((یارین نه وفاسیز چیخدی؟))

ای وفـاسیـز، دئمیـرم مـن بـونـو اؤز یـانیمــدان

سانکی باشدان – بـاشـا بیـرشعلـهٔ آهیـم گئجـه لـر

شمعلـــر، اودلانیـــر، آهِ دلِ ســـوزانیمـــدان

نئیلـه رم مـن گـولـو، یـا لالـه نـی، انصـافیــم وار

اونلارین هـانسـی گـؤزه ل دیـر رخ جـانـانیمـدان

وطنیمده نئجه مـن ایستـه مـه ییـم بیـر گـولـو کیـم

جانی جانیملا بیـر اولسـون، قـانـی دا قـانیمـدان

واحدم، عصریمیزین ایندیکـی فـرهـادی منـم!

کیم منـی آیـری سـالار خسـروِ خـوبـانیمـدان؟

علی آقا واحد