ای گول، سنـه کـؤنلـومـده محبـت یئنـه واردیـر

اوّل واریـدی وصلینــه حســرت، یئنــه واردیــر

زولفوندن ایدی صبحه کیمی هر گئجـه صحبـت

هر یئرده، هر عشـرتـده او صحبـت یئنـه واردیـر

چوخ ظالیمی محو ائتدی، دگیشدیردی طبیعت

سنـده، ملگیـم، وحشـی طبیعـت یئنــه واردیــر

زولفون، نه غم، ائیلرسه کـؤنول مـولکونـو یغمـا

فتح ائتسه قوشون هر یئـری، غـارت یئنـه واردیـر

میـن فتنـه یـاتیـب نـارایلــه آهــو بــاخیشینــدا

اول مسـتِ خطـادیـده ده عــادت یئنــه واردیــر

گؤسترمه او گول چهره نی، قوی بیلمه سین عـالـم

حـاضیـردا بیـزیـم عصـرده جنّـت یئنـه واردیــر

واحد، بو غـزلـده سنـه معجـز وئـریـب الهـام

صنعتکار اؤزو یـوخسـادا، صنعـت یئنـه واردیـر

علی آقا واحد