موژده ای دیل یئنه ده گلدی بهار ایامی

گتیریر باد صبا بولوبل اوچون پیغامی

آچیلیب گولشن گول، عطری توتوبدیر چمنی

         وجده گلمیش بو کونول، یوخدی دخی آرامی

بیر طرف پیر و جواندیر، بو طرفده من زار

    نه گوزه ل بزمدی بو، ساقی دولاندیر جامی

قاریشیبدیر تاریلا هم یئنه لحن نئی و نای

       نعشه ی موسیقیدن مست دوشوبدور هامی

خبر آلدیم نئچه کئسدن کی نه هنگامه دی بو؟

    دئدیلر بیر نظر ائت، گوردوم او گول اندامی

بیر الینده مئی گولرنگ،بیر الینده گول تر

مات مبهوت ائلییر گورسه عومر خیامی

قامتین، خال و خطین، ذیکیرلرین ائتدییجه

   گونی گوندن حاجی نین یاخشیلاشیر ایلهامی

حاج سید عظیم شیروانی